Daniel 12:3 - Mukanda Wa Zambi 1970

³ Akwa lutwe a mana kumaakapanguka ngwe pangu lia mwilu. Atu waze haanalongesa atu anji kulinga yuma ya ululi maakapanguka ngwe matongonoshi ndoo ku miaka yeswe.”

MUKANDA USANDU WA ZAMBI 1975

³ Waze ali ni mana kumakapanguka ngwe pangu lia mwilu. Waze matewulwila anji ku ululi makapanguka ngwe matongonoshi ndo ku miaka yeswe ya mutolo.

Daniel 12:3 Iomraidhean Croise

Kutuhuka 34:35

Aisraele maamona kubeyima cha meso jenyi. Mba Mose malifuka ku meso ndoo muze mahiluka ni kuhanjika nawa ni Mwene Zambi.

Yishima 11:30

Ululi wakupwisa ni mwono, alioze upupilo wakushiha atu.

Yishima 3:35

Akwa mana maabwa ni lufuma, alioze yihepuke maaliwezela sonyi.

Yishima 4:18

Jila ya akwa ululi yili ngwe kuvumbuka cha tangwa, kuliakutemuka hakepe hakepe ndoo tangwa mulisoloka liakulu.

Longeshi 12:9

Longeshi te mukwa mana, kashika yanyongonona ni kulongesa atu yize te ananyingika. Yalilongesa yishima, yayeseka ni kutala nyi kuyili yamwenemwene.

Izaya 53:11

Muze hamona lamba, makawahilila nawa; makanyingika ngwenyi, chamwene lamba chamokomoko. Kavumbi kami mukwa ululi, yoze nakuwahilila nenyi, makamubatwila hanga amone lamba lize te atu akwo chaatamba kumona. Mungukaakonekena mumu hali iye.

Jeremia 23:22

Nyi haananyingika kama chijimbikilo chami, kachi haambujola kama maliji jami kuli atu jami hanga eche ndako jo jibi ni ungulungulu uze akulinga.

Daniel 11:33

Tetekeli akwa mana maakalongesa atu anji, alioze ha amwe matangwa akwa mana waze kumaakafwa mu jita, kumaakoocha kahia, kumaakaapwisa funge, kumaakabuba yuma yo.

Daniel 11:35

Amwe tetekeli akwa mana waze maakaashiha, kashika atu ja Zambi maakalibemesa. Chino muchikalinduluka ndoo ku songo, lie tangwa lize atongwele Zambi.

Daniel 12:10

Atu anji maakalibemesa. Yingulungulu keechi kevwa ulumbunwiso wacho, alioze maakanyongonona nikulinga ungulungulu wo; shina lume akwa mana e maakevwa ulumbunwiso wacho.

Mateu 13:43

Hohene akwa ululi maakatemuka ngwe tangwa mu Wanangana wa Tato. Banjikenu kanawa nyi nuli ni matwi.”

Mateu 19:28

Yesu ngwenyi: “Chamwenemwene ngunanwambulwila ngwami, muze Mwana Mutu makatwama ha chitwamo che nyi cha uhenya mu Mwaka Waha, yenu kumi ni aali waze nunangukaula, munukatwama ha yitwamo ya wanangana ni kubatwila mavungu kumi ni aali a Israele.

Mateu 24:45

“Iya kevwe kavumbi wakushishika kanda wakukanyama? Yoze mwata wenyi hanamwehe chiyulo cha kutetela tuvumbi akwo, a ku zuwo lienyi, yakulia ha ola yize yinalite.

Yoano 4:36

Yoze wakubatula mihuko kakutambula fweto yenyi, ni kakukungika mbuto mumu ha mwono wa miaka yeswe. Chenacho yoze wakutumba ni yoze wakubatula kaakuwahilila hamuwika.

Yoano 5:35

Yoano wabwile ngwe ndeya yakuwika yize yinapanguka. Nwawahililile ni kubwa nenyi shimbu likepe.

Yilinga 13:1

Mu Chikungulwila cha Antiokia, akwa munanyi a Zambi ni alongeshi te atwama mo: Barnaba, ni Simone (yoze te akuvuluka ngwo, mutu mulaa), ni Lusiu (Kasirene) ni Manaene (yoze alelele hamwe ni mukwa kuyula Herode), ni Saulu.

1 Korintu 3:10

Ni chawana chize anguhele Zambi, nakulinga milimo ya tungi yoze wanyingika kutunga mazuwo kanawa. Yami nasele fundamentu. Mutu mukwo kakutunga ho. Alioze mutu ni mutu akanyame chize matunga ho.

Efesu 4:11

Iye wahanyine “yawana kuli atu”: amwe tunganda, akwo akwa munanyi ja Zambi, akwo akwa kwambujola, akwo tulayi, akwo alongeshi.

Hebreu 5:12

Miaka yinji yabalika kulu, kachi te hinunabu kulu alongeshi, hindu chatamba umwe kunulongesa yikuma yitangu ya maliji a Zambi. Shimbu lize te chanutamba kulia yakulia yamwenemwene, hindu nuchili waze chaatamba kunwa yamwa.

2 Petulu 3:15

Nyongenu uhomboloji wa Mwene Yesu. Wenawo uli ulamwino wenu, ngwe chize mukwetu Paulu aliangile kusoneka ni mana waze amuhele Zambi.

Usolwelo 1:20

Ulumbunwiso wa Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya oru ha yize akunangika ndeya, wenau au: matongonoshi shimbiali e tunganda a mwilu a Yikungulwila shimbiali, yikwachilo shimbiali ye Yikungulwila shimbiali.”

Akwa Kuyula 5:31

Mwene Zambi, akwa kole je eswe akafwe chechize, alioze masepa je akabwe ngwe tangwa muze mulivumbuka ni tachi jalio.” Mba yikubwa uhwimino mu chifuchi miaka makumi awana.