Daniel 11:3 - Mukanda Wa Zambi 1970

³ “Hohene mukukasoloka umwe mwanangana chitakame. Neye makayula mu wanangana unene, makalinga cheswacho anazange.

MUKANDA USANDU WA ZAMBI 1975

³ Henaho umwe mwanangana wa ndundo masoloka; aye mayula ni chiyulo chinene nikulinga cheswacho mapala.

Daniel 11:3 Iomraidhean Croise

Daniel 11:16

Mwanangana wa ku Norde makalinga cheswacho anazange, niumwe kechi kajikiza ku meso jenyi. Kumakamana mu chifuchi cha Chilakenyo ni kuchiyula liakulu.

Daniel 11:36

“Mwanangana wa ku Norde makalinga ngwe chize anazange. Makalichichimieka ngwenyi, ngunahiana mazambi eswe, kuhiana chibwe mwe Zambi Chitunda. Makachilinga ndoo ku tangwa lize Zambi makamumwesa lamba. Zambi makalinga nikulita ni chize hanalulika kulu.

Daniel 4:35

Kakutala akwa hashi ngwe Chuma chamokomoko. Tunganda twa mwilu ni akwa hashi eswe kaali mu chiyulo chenyi. Niumwe mahasa kukinda upale wenyi hanji kumuhula chize analingi.

Daniel 5:19

Neye yabwa munene lume. Kashika atu a ku yifuchi, ni mavungu, ni maliji eswe yaamuvwila woma, yaachikima. Nyi ngwe hazanga kushiha umwe mutu, te kakuchilinga; nyi ngwe hazanga kufunga umwe ni mwono, hindu te kakuchilinga. Yoze te anazange kulemesa, yamulemesa; ni yoze te anazange kulelesa, yamulelesa.

Daniel 7:6

Muze te ngunatale, yingumona ngongo mukwo. Yalifwa ni kolwama, alioze te kali ni mapulwa awana ngwe a kajila. Yabwa nawa ni mitwe yiwana, yamoneka ngwe umwe mukwa kuyula.

Daniel 8:21

Kuji a pembe kanalumbununa wanangana wa Gresia. Mbinga yenyi yinene ya mukachi ka yikenyikenyi yinalumbununa mwanangana wo mutangu.

Efesu 1:11

Mu kulinunga chetu ni Kristu, Zambi hanatutongola shimbu kanda ha kubwa atu jenyi nikulita ni manyonga jenyi. Zambi kakulinga yuma yeswe nikulita ni chize abatwile ni chize apalile iye mwene.

Hebreu 2:4

Mwaka uzewene Zambi yalweza yilayi, ni yipekesa, ni yipupu yeka ni yeka ha kulweza ngwo, hatayiza yuma yize te akwamba. Ku upale wenyi yaalianyina yawana yeka ni yeka ya Mwiku wenyi.

Tiangu (Jake) 1:18

Ku upale wenyi mwene, hanatupwisa ni mwono ku tachi ja liji liamwenemwene, hanga tukabwe alemu kuhiana hakachi ka yitanga yenyi yeswe.