Daniel 10:6 - Mukanda Wa Zambi 1970

⁶ Mujimba wenyi yiubeyima ngwe mawe a ndando yinji. Huma lienyi yilibwa ngwe mihenyo ya njaji, meso jenyi ngwe milengi ya kahia. Moko ni makungunwa jenyi ngwe unengu wakucheka, liji lienyi ngwe lushindo wa mbunga ya atu anji.

MUKANDA USANDU WA ZAMBI 1975

⁶ Mujimba wenyi yiupwa ngwe turkeza; ku meso jenyi ngwe mihenyo; meso jenyi ngwe masoka a kahia; moko jenyi ni molu jenyi kanalejima ngwe unengu wa kucheka; lundunjila wa maliji jenyi yapwa ngwe chinumo cha chihuji cha atu.

Daniel 10:6 Iomraidhean Croise

Kutuhuka 28:20

Ha mukala wa muchiwana: lia mbundumbundu, ni lichila hakepe, ni lia bundumuka. Ukaasa mu yituwa ya oru.

Mwaso Ubema Wahiana 5:14

Kali ni moko abema, kanazala tuzeya a mawe a ndando yinji. Mujimba wenyi kuwasenena ngwe lizo lia njamba lize haanase mawe alemu alauluka.

Ezekiel 1:14

E akwa mwono yaasesumioka kweka ni kweka ngwe njaji.

Ezekiel 1:16

Kafumbo ni kafumbo yaalifwa, eswe yaahenya ngwe liwe lia ndando yinji. Kafumbo mweswe yamusepekenya mu kafumbo mukwo.

Ezekiel 1:24

Yingwivwa chinumo cha mapulwa jo muze te anende mu tetela ngwe lundunjila wa meya mu kalunga lwiji, ngwe lushindo wa tujita anji, ngwe liji lia Zambi Mukwa Ndundo Jeswe. Muze maamana, maahombola mapulwa jo.

Ezekiel 1:7

Molu jo te kaanoloka, ni yiliato yo ngwe ya kuji a ngombe. Yahenya ngwe unengu wakucheka.

Ezekiel 10:9

Yingumona tufumbo awana, eswe yaalifwa. Ku sali ni sali lia mukwa mwono mweswe kafumbo umuwika. Kafumbo ni kafumbo yaahenya ngwe liwe lia ndando yinji. Kafumbo mweswe yamusepekenya mu kafumbo mukwo.

Ezekiel 40:3

Muze hangutwala ko, munatala yingumona umwe lunga, unatemuka ngwe unengu, yabwa ni lwoji mutoma mu kwoko lienyi wakweseka nenyi; yamana ku chimwe chikolo.

Ezekiel 8:2

Munatala, yingumona Usolwelo unalifu ngwe mutu. Chize ku zalilo ndoo ku yiliato yahenya ngwe kahia. Chize ku zalilo ndoo ku mutwe yatemuka ngwe unengu wakucheka.

Mateu 17:2

Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Mateu 28:3

Yahenya ngwe muhenyo, mahina jenyi yaabwa atoma ngwe chiwe.

Luka 9:29

Muze te analembe, meso jenyi yaalumuka, ni mahina jenyi yaatoma kuhiana.

Usolwelo 10:1

Mba yingumona kanganda ka mwilu mukwo wa ndundo, kanahulumuka mwilu. Kanazala lelwa, kongolo kanalilimbi ku mutwe wenyi, meso jenyi ngwe tangwa, molu jenyi ngwe manguji a kahia.

Usolwelo 19:12

Meso jenyi kaali ngwe mulengi wa kahia, ni yipangula yinji yiliko ha mutwe wenyi. Jina yilisonewa hali iye, alioze jina lize niumwe kalinyingikine shina iye wika.

Usolwelo 2:18

“Sonekena kanganda ka mwilu wa Chikungulwila cha mu limbo lia Tiatira ngwe: “Mwana Zambi, yoze uli ni meso a kulekwoka ngwe mulengi wa kahia, yoze uli ni molu akulejima ngwe unengu wakuhenyesa, kanambe ngwenyi:

Usolwelo 21:20

lia muchitano lichila hakepe, lia muchisambano lichila, lia muchishimbiali lia kuvulala, lia muchinake lia mbundumbundu, lia muchilivwa lia usungwa, lia muchikumi lia pumbuka, lia muchikumi ni kashi lia umbundu, ni lia muchikumi ni aali lia ufungu.