Daniel 10:5 - Mukanda Wa Zambi 1970

⁵ Yinguhetuka, yingumona umwe mutu te unazala mahina atoma alefuna ni muya wa oru yibema.

MUKANDA USANDU WA ZAMBI 1975

⁵ yinguhetula meso jami kutala, kumanyi, umwe lunga kanazala mahina a linyu, mu zalilo yenyi yalijichika ni muya wa oru ya Ufaze.

Daniel 10:5 Iomraidhean Croise

Izaya 11:5

Makayula atu jenyi ni ululi ni mbunge yibema.

Jeremia 10:9

Mahamba jo kaali akutatula ni prata ya ku chifuchi cha Espanya, ni oru ya ku Ufaze; yeswe yili milimo ya akwa utotombo. Mahina jo alauluka ni aufungo, yeswe yili milimo ya akwa utotombo.

Ezekiel 9:2

Susumuku malunga asambano yaakatuka ku chikolo cha ku tunda ku norde ya zuwo lia Zambi, kaanambata mikwale yo. Yihabwa umwe lunga hamwe no, te unazala mahina atoma alefuna, kanambata sonekeso. Eswe yeeza, yaamana ku chilumbilo cha unengu.

Zakaria 1:8

Yingumona kanganda ka Mwene Zambi kanende ha kavwalu muchila, yamana mukachi ka mitondo mirtre mu chikulo. Kunyima lienyi yikubwa tuvwalu akwo achila, ni ayibeka yibeka, ni atoma.

Efesu 6:14

Kashika lilulikenu: bwenu ni umwenemwene ngwe chize nwakubwa ni muya mu zalilo jenu; bwenu ni ululi ngwe chize nwakubwa ni chikuto cha jita;

Yoshua 5:13

Muze Yoshua abwile hehi ni limbo lia Yeriku, susumuku yamona lunga unamana kulutwe lienyi, te kanakwata mukwale. Yoshua yamukundama, yamuhula ngwenyi: “Yena uli wa kuli tujita twetu, nyi uli mukwa kole?”