Daniel 10:3 - Mukanda Wa Zambi 1970

³ Chalile ko yakulia yiyema hanji yifwo, chibwe vinyu chayinwine ko, hanji kusakula kambu jami ndoo semana jitatu yijibalika.

MUKANDA USANDU WA ZAMBI 1975

³ Chalile yuma yipema; chipwe yifwo, chipwe vinyu, kuyanjilile mu kanwa liami, chipwe kulikwita maji ka, ha semana jitatu ja muwundu.

Daniel 10:3 Iomraidhean Croise

2 Samuel 19:24

Mba Mefiboshete, mujikulu wa Saulu, yakatuka ku limbo lia Yerusaleme, yapalumuka ni kutakana ni mwanangana. Kasanyine ko ku molu, ni katewile ko wevu wenyi, chibwe kakosele ko mahina jenyi, chize ku tangwa lize mwanangana akatukile mu Yerusaleme ndoo ni tangwa lize ahilukile ni uhwimino.

Jobe 33:20

Mutu wayiza, keshi kwivwa zala, chibwe yakulia yiyema kakuyivwa kubiha.

Daniel 10:12

Mba yangwamba ngwenyi: “Daniel, kanda wivwa woma. Zambi hevwa kulemba che chize ku tangwa litangu lize unakabutuka kulikehesa hanga unyingike ulumbunwiso wa we Usolwelo. Yami hineza ni kukwaha kumbululo lia kulemba che.

Daniel 11:8

Makabuba tuponya twa mazambi jo, ni yuma ya oru ni ya prata yize akunjikile kuli mazambi jo, ni kuyitwala ku Egiptu. Mba kulutwe lia yimwe miaka ya uhwimino,

Daniel 6:18

Mba mwanangana yahiluka ku zuwo lienyi, yanongama ufuku weswe, kalile ko nichimwe, chibwe yisaji kaamunehenene yo.

Amose 5:11

Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Nahume 2:9

Bubenu prata! Bubenu oru! Limbo hiliazala ni ubite!

Mateu 6:17

Alioze yena, muze muulitwamina kulia ha kuwayila Zambi, Wayisa mutwe we, usane ku meso,

Luka 7:46

Kuwawayishile mutwe wami ni maji, alioze iye hawayisa molu jami ni maji a vumba libema.

1 Korintu 9:27

Nakumwesa mujimba wami lamba, nakuuyula kuhiana, kuchina muze hinambujola kuli akwo, Zambi makalituna yami mwene.