Daniel 10:12 - Mukanda Wa Zambi 1970

¹² Mba yangwamba ngwenyi: “Daniel, kanda wivwa woma. Zambi hevwa kulemba che chize ku tangwa litangu lize unakabutuka kulikehesa hanga unyingike ulumbunwiso wa we Usolwelo. Yami hineza ni kukwaha kumbululo lia kulemba che.

MUKANDA USANDU WA ZAMBI 1975

¹² Aye yamba kuli yami ngwenyi, Daniel kanda wivwa woma, mumu chize ku tangwa litangu lize wasele manyonga je yino yuma yikulumbunuke, ni kulikehesa kumeso ja Zambi ye, hapanjika ku maliji je, mba yami hineza ha mukunda wa maliji je.

Daniel 10:12 Iomraidhean Croise

Miaso (Masamu) 69:10

Muze nakulikehesa ni kulitwamina kulia hanga ngukuwayile, atu kaakunguchoka.

Izaya 35:4

Ambulwilenu akwa mwono ngwenu: “Takamenu, kanda nwivwa woma! Zambi kaneza ni kunulamwina, kaneza ni kumwesa akwa kole jenu lamba.”

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Izaya 41:14

Mwene Zambi ngwenyi: “Israele, uli mukepe, unalele; alioze kanda wivwa woma, mungukukwasa, Yami Mukwa Kukukula, Munangi wa Aisraele.

Izaya 58:9

Muze munulemba, mungunukumbulula. Muze munungutambika, mungutaya. “Nyi nwecha kubinjisa, ni kusaula, ni maliji eswe a ungulungulu;

Izaya 65:24

Mungukakumbulula ku kulemba cho shimbu maachilemba.

Daniel 10:11

Mwe kanganda ka mwilu yangwamba ngwenyi: “Daniel, Zambi kanakuzange. Katuka, ubanjike kanawa yeswe yize ngunakwambulwila. Hangutuma kuli yena.” Muze hamba chino, yingukatuka, te ngunachikima nganganga.

Daniel 10:19

Yangwamba ngwenyi: “Zambi kanakuzange, kashika Chuma nichimwe kanda chikubikalisa hanji kukuvwisa woma.” Muze hamba chino, yingulikoleleza nawa, yingwamba ngwami: “Mwata hingulweze yeswe yize unazange. Hiwangutakamisa kanawa.”

Alevi 16:29

Shimbi jino akajifunga ku miaka yeswe. Ha tangwa lia muchikumi lia kakweji wa muchishimbiali Aisraele ni yilambala waze atwama mukachi ko akajila kulia, ni kulitwamina kulinga milimo.

Alevi 16:31

Tangwa lize likabwa tangwa lia chijila kuhiana, lize maakajila kulia ni kulitwamina kulinga milimo yeswe. Shimbi jize akajifunga ku miaka yeswe.

Kwalula 29:7

Ha tangwa lia muchikumi lia kakweji wa muchishimbiali, nukalikungulula ha kuwayila; kanda nukalia ho chibwe kulinga ho mulimo niumwe.

Mateu 28:10

Hohene Yesu yaamba ngwenyi: “Kanda nwivwa woma. Yeenu nulweze akwetu aye ku Galilea. Kwenako maakangumona.”

Mateu 28:5

Kanganda ka mwilu yambila mapwo ngwenyi: “Kanda nwivwa woma. Ngunanyingika nunafupu Yesu, yoze anakahachila ha kulusu.

Marku 16:6

Alioze mukweze yaamba ngwenyi: “Kanda nwivwa woma. Nunafupu Yesu Kanazare, yoze anakahachila ha kulusu. Hahinduka, amuno keshimo. Talenu homa haze anakamusa.

Luka 1:13

Alioze kangunga ka mwilu yamwamba ngwenyi: “Kanda wivwa woma, Zakaria! Zambi hevwa kuliumba che. Pwo lie, Isabele (Elisabete), kumakasema mwana wa lunga, ukamuluke jina ngwe, Yoano.

Luka 1:30

Kanganda ngwenyi: “Kanda wivwa woma, Maria, mumu Zambi hakulweza utu.

Luka 2:10

Alioze kanganda ka mwilu yaamba ngwenyi: “Kanda nwivwa woma, mumu ngunanwambulwila Sango Jibema jize mujikawahisa atu eswe.

Luka 24:38

Alioze Yesu yaamba ngwenyi: “Kuchi kevwe nunalibikala? Kuchi mba nunayambashana mu mbunge jenu?

Yilinga 27:24

Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Usolwelo 1:17

Muze namumwene, yingufulamana ku molu jenyi ngwe mufu. Yangunangika kwoko lienyi lia chindume nikwamba ngwenyi: “Kanda wivwa woma! Nguli mwe mutangu ni mwe kasula songo.