Daniel 10:1 - Mukanda Wa Zambi 1970

¹ (Ha mwaka wa muchitatu wa kuyula cha Siruse, mwanangana wa Persia, Daniel, yoze te akuvuluka ngwo Belteshazare, yevwa maliji mu Usolwelo. E maliji abwile amwenemwene alioze chikalu kunyingika ulumbunwiso wo, mba yamulumbunwinoo mu Usolwelo ukwo.)

MUKANDA USANDU WA ZAMBI 1975

¹ Ha mwaka wamuchitatu wa Siru mwanangana wa Persia, limwe liji alihanyine kuli Daniel yoze uli ni jina likwo Belteshazare. Liji lize liamwenemwene; ye jita yisuku. Aye yasa chinyingi lie liji; usolwelo wamulumbunuka.

Daniel 10:1 Iomraidhean Croise

Ubutukilo 41:32

Mwanangana, hinwalota yisuho yaali mumu Zambi hachibatula, iye mwene makayipwisa, hasala hakepe.

2 Sango Ja Mianangana 36:22

Ha mwaka utangu wa kuyula cha Siruse mwanangana wa chifuchi cha Persia, Mwene Zambi yamanununa maliji waze ambilile mukwa munanyi Jeremia alweze kuli atu. Mwene Zambi yanyongesa mwanangana wa Persia manyonga akasoneke Shimbi ni kutwa mutambi mu chifuchi chenyi cheswe ngwenyi:

Ezra 3:7

Atu yaahana mbongo ja kufweta tungi ni akwa kusonga mabaya. Yaahana nawa yakulia, ni yakunwa, ni maji a olive ya kutuma mu membo ja Tiru ni Sidone ya kusumbakenya nayo mitondo sedru ya ku chifuchi cha Libano, yize atu anehene nehene ha kalunga lwiji ndoo ku limbo lia Jope. Siruse, mwanangana wa chifuchi cha Persia, yaaha Shimbi yino.

Ezra 4:3

Alioze Zerubabele, ni Yoshua, ni miata ja majimo yaakumbulula ngwo: “Kutwazangile nutukwase kutungulula zuwo lia Mwene Zambi, Zambi yetu. Mutulinga yetwene ngwe chize mwanangana Siruse hanatwambe.”

Ezra 4:5

Yaafweta mbongo kuli akwa kuyula hanga abinjise Ayuda matangwa eswe a mwanangana Siruse ndoo ku kuyula cha Dariuse mu Persia.

Ezra 6:14

Miata ja Ayuda yaalikoleleza kutunga zuwo lia Zambi, ni akwa munanyi Hagai ni Zakaria yaatakamisa. Yaamanununa zuwo nikulita ni Shimbi yize ahele Zambi ya Aisraele ni ya Siruse ni Dariuse, ni Artasherke, mianangana ja Persia.

Ezra 6:3

“Ha mwaka utangu wa kuyula cha Siruse mwanangana wa Babilonia, mwe mwanangana yahana Shimbi ngwenyi, Ayuda atungulule zuwo lia Zambi mu limbo lia Yerusaleme hanga abwe ni homa ha kulambwila milambu. Chizundamo cha lie zuwo chibwa metro makumi aali ni shimbiali, kutohwa chalio metro makumi aali ni shimbiali.

Izaya 44:28

Nakwambila Siruse ngwami: ‘Yena muunguyulila atu jami; muukalinga chize ngunazange yena ulinge: muukahana Shimbi ya kutungulula Yerusaleme ni kusa fundametu ya zuwo lia Zambi.’ ”

Daniel 1:17

Zambi yaaha ana malunga waze yinyingi, ni kulongoloka mu mikanda yeka ni yeka, ni mana a kushinginyeka. Zambi yamwaha Daniel mana ni kulumbununa Usolwelo ni yilota.

Daniel 1:21

Daniel yatwama mu chota cha mwanangana ndoo tangwa lize Siruse, mwanangana wa chifuchi cha Persia, akumbile Ababilonia.

Daniel 1:7

Mwata wa akwa kuyula yaaha majina aha: Belteshazare, ni Shadrake, ni Meshake, ni Abednego.

Daniel 10:14

Hineza ni kukulumbunwina kanawa yize muyikeza hali atu je kulutwe. Uno we Usolwelo wa yuma yize muyikeza ho.”

Daniel 11:2

Yuma yize ngunazange kukulweza yili yamwenemwene.” Kanganda ka mwilu yamba ngwenyi: “Mianangana atatu akwo maakayula Persia. Hohene mwanangana wa muchiwana makasula ko yoze makabwa pichi kuhiana akwo eswe. Muze makabwa ni tachi ni upichi kuhiana, makasangumuna wanangana wa Gresia.

Daniel 12:4

Mwe kanganda yangwamba nawa ngwenyi: “Daniel, hibakika mukanda, uuse chinyingi ndoo ku songo lia hashi. Atu anji sali ni sali maakalitachika hanga akeseke kunyingika yuma yize chize yinapu.”

Daniel 12:9

Yangukumbulula ngwenyi: “Daniel, Chakutamba kuya kwe, mumu yuma yino yili yakusweka ni yakuhengeka ndoo ni muze songo mulikeza.

Daniel 2:21

Kakuyula miaka ni tungonde; kakupwisa atu mianangana, kakuhana mana ni yinyingi.

Daniel 4:8

Hohene Daniel yanjila. (Kaakumuvuluka nawa ngwo, Belteshazare, nikulita ni jina lia zambi yami.) Muli iye yimubwa mwiku wa mazambi a linanga. Yingumwawila chilota chize ngunakalota. Yingumwamba ngwami,

Daniel 5:12

Mutu yoze, Daniel, te mukwa yinyingi ni mana ha kulumbununa yilota, ni yishima, ni yijimbikilo. Kashika ngwami, musake hanga akulweze ulumbunwiso wa yuma yino yeswe.”

Daniel 5:17

Daniel yamukumbulula ngwenyi: “Vulie mwanangana! Zukenu yawana yenu, hanji kuyihana kuli umwe mukwo weka. Ngunanutangila Chisoneko chino ni kunulweza ulumbunwiso wacho.

Daniel 6:28

Chenacho Daniel ayukile ha matangwa eswe a kuyula cha Dariuse ni Siruse mukwa Persia.

Daniel 8:16

Yingwivwa liji linene linahanjika muze musali lia lwiji Ulai ngwenyi: “Gabriel lumbunwina Daniel yuma yize amona.”

Daniel 8:26

Usolwelo uno hakutwala ku milambu ya chichamene ni chingoloshi, uze hakulumbunwina, muukamanunuka. Alioze haliabwila achiusweke, mumu matangwa anji maakabalika ndoo kumanunuka chawo.”

Luka 1:20

Alioze kuwafulielele maliji jami waze maakamanunuka ha tangwa lize alakenyene. Kashika, muubwa kanaye, kuuchi kuhasa kuhanjika ndoo ku tangwa lize yuma yino muyikamanunuka.”

Usolwelo 19:9

Kanganda ka mwilu yangwamba ngwenyi: “Soneka ngwe: Kawaha waze hanaatambika ku umbachiso wa Mwana Panga.” Yangwamba nawa ngwenyi: “Maliji wano ngunahanjika kaali maliji amwenemwene a Zambi.”