Daniel 1:9 - Mukanda Wa Zambi 1970

⁹ Zambi yaha Ashpenaze manyonga abema haku twala kuli Daniel.

MUKANDA USANDU WA ZAMBI 1975

⁹ Zambi yanyongesa unuku wa lutwe vumbi ni keke ha kutwala kuli Daniel.

Daniel 1:9 Iomraidhean Croise

Ubutukilo 32:28

Mutu yoze ngwenyi: “Jina lie kulichi kubwa nawa Yakoba, mumu hiwalitachika ni Zambi ni atu, hiwakumba. Kashika maakuvuluka ngwo, Israele.”

Ubutukilo 39:21

alioze Mwene Zambi yabwa hamwe nenyi, yamuwahisa. Ha chino mwata wa zuwo lia lamba yawahilila nenyi.

1 Yitanga Ya Mianangana 8:50

akonekene kama yibi yo yeswe ni chize akukukatukila. Chilinge hanga akwa kole jo akaalweze kama utu.

Nehemia 1:11

Haliabwila banjika kama kulemba chami ni cha tuvumbi twe akwo waze anazange kukulemesa. Musono nguwahise kama yami kavumbi ke, hanga mwanangana anguvwile kama keke.” Ha matangwa waze nabwile ni kutwalila mwanangana vinyu.

Nehemia 2:4

Mba mwanangana yanguhula ngwenyi: “Yika mba unazange?” Yingulemba kuli Zambi wa Mwilu,

Estere 2:9

Hegai yazanga Estere, yamuvwila vumbi. Yalipupwisa kumwaha yuma yibema ya kulibemesa nayo ni yakulia yibema. Yamutongwela chibatulo chibema chahiana mu zuwo, yamwaha ana a mapwo shimbiali a mu zuwo lia mwanangana amulingile.

Jobe 5:15

Alioze Zambi kakulamwina yiswale ku kufwa, kakulamwina akwa kuhona kuli waze akwabinjisa.

Jobe 5:16

Kashika yiswale kaakumusa mbunge, alioze yivulumunyi kaakuhola kuluu.

Miaso (Masamu) 106:46

Yashinjika akwa kwabinjisa hanga eevwile keke.

Miaso (Masamu) 4:3

Alioze nyingikenu ngwenu, Mwene Zambi hanangutongola kubwa lume niwenyi, kakungubanjika muze nakulemba kuli iye.

Yishima 16:7

Nyi muulinga chize Mwene Zambi akuzanga, chibwe akwa kole je maabwa masepa je.

Daniel 1:10

Alioze Ashpenaze yevwila mwanangana woma. Kashika yambila Daniel ngwenyi: “Mwanangana habatula chize chanutamba kulia ni kunwa. Nyi kunuchi kutohwa ngwe akweze akwo, mangushiha.”

Yilinga 7:10

yamupuluia mu lamba lienyi heswe, yamupwisa mukwa vumbi kanda mukwa mana ku meso ja mwanangana wa Egiptu. Mwenawo yamupwisa mukwa kuyula wa Egiptu ni wa zuwo lienyi heswe.