Daniel 1:7 - Mukanda Wa Zambi 1970

⁷ Mwata wa akwa kuyula yaaha majina aha: Belteshazare, ni Shadrake, ni Meshake, ni Abednego.

MUKANDA USANDU WA ZAMBI 1975

⁷ Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 1:7 Iomraidhean Croise

Ubutukilo 41:45

Mwanangana yamuluka jina ngwenyi, Zafenate Panea Yamwaha nawa pwo, jina lienyi Asenate, mwana wa Potifera, hako wa ku limbo lia One. Josefe te habwa ni miaka makumi atatu muze abutukile kulingila mwanangana milimo. Yakatuka mu zuwo lia mwanangana ha kutala chifuchi cheswe.

1 MIANANGANA 23:34

Mwanangana Neko yapwisa Eliakime mwana wa Josia mwanangana wa Yuda nikusalakana Josia, yalumuna jina lienyi, yamuluka ngwenyi: Jehoakime. Alioze Joahaze yamutwala ku Egiptu, kwenako afwilile.

1 MIANANGANA 24:17

Mba mwanangana Nebukanezore yasalakanyisa Matania tato wa kanuke wa Jehoakine mu muhela wenyi. Jina lienyi yalialumuna ngwenyi, Zedekia.

Daniel 1:19

Mwanangana yahanjeka ni ayo eswe, mba Daniel, ni Hanania, ni Mishael, ni Azaria yaamuwahila kuhiana akwo eswe. Kashika yaapwisa akwa kuyula mu chota chenyi.

Daniel 1:3

Mwanangana wa Babilonia yambila Ashpenaze, mwata wa akwa kuyula jenyi, atongole mukachi ka funge Aisraele amwe ana malunga a ku jiko lia mwanangana ni a kuli atu alemu.

Daniel 10:1

(Ha mwaka wa muchitatu wa kuyula cha Siruse, mwanangana wa Persia, Daniel, yoze te akuvuluka ngwo Belteshazare, yevwa maliji mu Usolwelo. E maliji abwile amwenemwene alioze chikalu kunyingika ulumbunwiso wo, mba yamulumbunwinoo mu Usolwelo ukwo.)

Daniel 2:26

Mwe mwanangana yahula Daniel (jina lienyi likwo ngwo, Belteshazare) ngwenyi: “Kuma muuhasa kungulweza chilota chami ni ulumbunwiso wacho, nyi?”

Daniel 2:49

Daniel yeta kuli mwanangana hanga apwise Shadrake, ni Meshake, ni Abednego akwa kuyula ja chifuchi cha Babilone. Neye yachilinga. Alioze Daniel yatwama mu zuwo lia mwanangana.

Daniel 4:5

Alioze yingulota chimwe chilota cha woma unji, yingumona Usolwelo wa mwongo muze te ngunabombo.

Daniel 4:8

Hohene Daniel yanjila. (Kaakumuvuluka nawa ngwo, Belteshazare, nikulita ni jina lia zambi yami.) Muli iye yimubwa mwiku wa mazambi a linanga. Yingumwawila chilota chize ngunakalota. Yingumwamba ngwami,

Daniel 5:12

Mutu yoze, Daniel, te mukwa yinyingi ni mana ha kulumbununa yilota, ni yishima, ni yijimbikilo. Kashika ngwami, musake hanga akulweze ulumbunwiso wa yuma yino yeswe.”