Daniel 1:2 - Mukanda Wa Zambi 1970

² Mwene Zambi yamutayiza kukwata mwanangana Jehoakime ni kububa umwe ubite wa mu zuwo lia Zambi. Neye yaya ni amwe funge ku zuwo lia mazambi jenyi mu limbo lia Babilone, yasa yuma yize abubile mu mazuwo a kutulikila.

MUKANDA USANDU WA ZAMBI 1975

² Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 1:2 Iomraidhean Croise

Ubutukilo 10:10

Mu wanangana wenyi utangu yayula membo wano: Babilone, ni Ereke, ni Akade, eswe atatu a mu chifuchi cha Babilonia.

Ubutukilo 11:2

Shimbu atu maachiya ku chivumbuko, yaaheta mu chana cha Babilonia, mba yaatunga ko.

1 MIANANGANA 24:1

Ha matangwa ja kuyula cha mwanangana Jehoakime, mwanangana Nebukanezore wa chifuchi cha Babilonia yanjila mu chifuchi cha Yuda, yayula ni tachi. Ha miaka yitatu Jehoakime yamwononokena, mwabwamuze yamukatukila.

2 Sango Ja Mianangana 36:5

Jehoakime te habwa ni miaka makumi aali ni yitano muze amupwishile mwanangana wa Yuda, yayula ku Yerusaleme miaka kumi ni kashi. Yalinga chize te Mwene Zambi, Zambi yenyi, keshi kuzanga.

2 Sango Ja Mianangana 36:7

Nebukanezore yambata nawa umwe ubite wa mu zuwo lia Zambi, yausa mu zuwo lienyi mu limbo lia Babilone.

Ezra 1:7

Mwanangana Siruse yaaha nawa yenga ni mesenge yize mwanangana Nebukanezore achijile mu zuwo lia Zambi mu Yerusaleme ni asele mu zuwo lia mazambi jenyi.

Izaya 11:11

Muze lie tangwa mulikaheta, Mwene Zambi makalinga ni mana ni ndundo jenyi akahilwise atu jenyi waze asalile mu chifuchi cha Asuria, ni Egiptu, ni Patrose, ni Sudane, ni Elame, ni Babilonia, ni mu limbo lia Hamate, ni mu yifuchi ya ku mbumbulu ya tulunga lwiji ni ha mahongo.

Izaya 42:24

Iya wakunjikile Aisraele kuli akwa kububa? Iye Mwene Zambi yoze twavulumwine mwe watukunjikile! Kutwalingile nikulita ni upale wenyi hanji kwononoka ku longeso lienyi.

Jeremia 25:1

Ha mwaka wa muchiwana wa kuyula cha Jehoakime mwanangana wa Yuda, yingwivwa maliji a Mwene Zambi hakutwala kuli Ayuda eswe. (Te mwaka utangu wa kuyula cha Nebukanezore mwanangana wa chifuchi cha Babilonia.)

Jeremia 27:16

Mba yingulweza mahako ni atu maliji waze Mwene Zambi ambile ngwenyi: “Kanda nubanjika kuli akwa munanyi waze anambe ngwo: ‘Yuma ya mu zuwo lia Zambi yize anakatwala ku Babilonia, ha shimbu likepe maayihilwisa.’ Kaananwongo.

Jeremia 28:3

Muze miaka yaali hiyahwa munguhilwisa yuma yeswe ya mu zuwo lia Zambi yize ambachile mwanangana wa Babilonia.

Jeremia 35:11

Alioze muze mwanangana Nebukanezore hanjila mu chifuchi, yitubatula kwiza ku Yerusaleme ni kuchina tujita twa Babilonia ni Siria. Kashika twatwama kwetu mu Yerusaleme.”

Jeremia 50:2

“Alweze akwa vungu sango jaha! Jambujole! Lweza chinyingi, wambujole sango! Kanda ujisweka! Babilone halimbuka! Marduke zambi yenyi kanatatajala! Mahamba ja Babilone heevwa sonyi, tuponya twenyi haawonda!

Jeremia 51:44

Bele, mwe zambi ya Ababilonia, mungumumwesa lamba. Yuma yize hanabubu mu jita, mayihilwisa. Mavungu hikeechi kumuwayila nawa. “Yipanga ya Babilone hiyabuzuka.

Daniel 5:13

Ha shimbu lizeliene, atu yaatwala Daniel ku meso ja mwanangana. Mba mwe mwanangana yamuhula ngwenyi: “Yena Daniel, wa mu Yuda, yoze tata mwe mwanangana anehene kuno, nyi?

Daniel 5:18

“Zambi Chitunda yapwisa tatenu Nebukanezore mwanangana munene, yamwaha ulemu ni ulamba.

Habakuke 1:16

Kaakuwayila manda jo ni kwalambula milambu, mumu manda jo e akwamwesa yuma yeswe yibema.

Zakaria 5:11

Yangukumbululangwenyi: “Kaanachitwala ku chifuchi cha Babilonia, kwenako maakachitungila zuwo liacho. Muze lie zuwo mulikahwa, maakasa mo che chisoka hanga achikombelele.”

Shimbi 32:30

Mumu yika mutu umuwika akumbile atu kanunu, ni atu aali tununu kumi? Mumu Mwene Zambi, Zambi yo, haanehuka; Zambi yo, mukwa ndundo, hanoombu nyima.

Akwa Kuyula 2:14

Kashika Mwene Zambi yevwila Aisraele ufwatulo, yatayiza akwa kole jo kwabinjisa ni kububa yuma yo. Yatayiza eswe waze te aajingilika ni kwakumba, mba Aisraele hi kahashile ko nawa kulifunga ene.

Akwa Kuyula 3:8

Mba Mwene Zambi yeevwila Aisraele ufwatulo, yatayiza mwanangana Kushane Rishataime wa chifuchi cha Mesopotamia kwakumba. Neye yaayula miaka nake.

Akwa Kuyula 4:2

Mba Mwene Zambi yaakunjika mu moko ja Jabine, mwanangana wa Kanana yoze te watwama mu limbo lia Hazore. Mwata wa tujita twenyi jina lienyi Sisera, te katwama ku Haroshete wa Mavungu.

1 Samuel 5:2

Yaausa mu zuwo lia hamba lio Dagone, yaautumbika hehi ni mwe hamba.