Amose 9:1 - Mukanda Wa Zambi 1970

¹ Namwene Mwene Zambi te kanamana hehi ni chilumbilo mu zuwo lia Zambi. Yamba ngwenyi: “Lamba manguji a zuwo lia Zambi ha masongo hanga nyimasenge yikanyike, lie zuwo libuzukile hali atu. Atu waze maasala ni mwono mungwashihisa mu jita. Niumwe kechi kwomboka ni kuchina.

MUKANDA USANDU WA ZAMBI 1975

¹ Namwene Mwene kanamana hakamwihi ni chilumbilo. Yamba ngwenyi, Lamba manguji ha masongo ndo yikuli muyichikima ukayifwenye ha mitwe ya atu eswe. Waze malisalaho mungukaashihisa ni katana. Kechi kahasa kuchina niumwe; kechi kahasa kwomboka niumwe.

Amose 9:1 Iomraidhean Croise

Miaso (Masamu) 68:21

Chamwenemwene Zambi makalokola mitwe ya akwa kole jenyi, ni waze akukaula jila jo ene.

Usolwelo 1:17

Muze namumwene, yingufulamana ku molu jenyi ngwe mufu. Yangunangika kwoko lienyi lia chindume nikwamba ngwenyi: “Kanda wivwa woma! Nguli mwe mutangu ni mwe kasula songo.

Yoano 1:18

Mutu niumwe hanamono Zambi niumwe mwaka, alioze mwe Mwana, yoze uli ngwe chize abwa Zambi, yoze watwama hamwe ni Zambi Tata, mwenawo hanamusolola.

Habakuke 3:13

Hiwatuhuka ha kulamwina atu je, ha kulamwina mwanangana yoze watongwele. Hiwanungwina hashi mukwa lutwe wa yingulungulu, hiwonona atu waze te akumukaula.

Amose 3:14

Ha tangwa lize mungukamwesa Aisraele lamba mumu ha milonga yo. Mungukabuzula yilumbilo ya mu limbo lia Betele. Mungukateta mbinga ja ha mambango ja yilumbilo yeswe, mujikaholoka hashi.

Izaya 6:1

Ha mwaka uze afwile mwanangana Uzia, yingumona Mwene Zambi. Te kanatwama ha chitwamo chenyi chinene cha wanangana; kananangama; lubula wenyi yazalisa zuwo lienyi lia chijila.

Yoano 1:32

Yoano yashindakenya nawa ngwenyi: “Namwene Mwiku wa Linanga nikuhulumuka ngwe liembe ni kutwama hali iye.

Zefania 2:14

Mukachi ka limbo mumubomba yimuna ni tushitu eka ni eka. Yikungulu maatwama ha manguji ja mazuwo waze haabuzuka. Kuhanjeka cho maachivwa mu tupenda. Yikwakwalo maahanjikila ha mangazulwilo ja mazuwo. Mabaya a sedru ku mazuwo maachiza ko.

Ezekiel 10:4

Uhenya wa Mwene Zambi yiukatuka kuli e akwa mwono a mwilu, yiuheta ku chikolo cha zuwo. Mba lelwa yilizalisa lie zuwo lia Zambi, ye yiize yiizala ni uhenya wa Zambi.

Ezekiel 9:2

Susumuku malunga asambano yaakatuka ku chikolo cha ku tunda ku norde ya zuwo lia Zambi, kaanambata mikwale yo. Yihabwa umwe lunga hamwe no, te unazala mahina atoma alefuna, kanambata sonekeso. Eswe yeeza, yaamana ku chilumbilo cha unengu.

Ezekiel 1:28

Uhenya uze te unamujingilika walifwa ngwe kongolo mu malelwa ha tangwa lia vula. Uno we uhenya wa Mwene Zambi.

Jeremia 48:44

Mutu yoze makeseka kuchina mwongo makaholokela mu mawumbu; yoze makachina mawumbu makafwa mu miheto, mumu Mwene Zambi hanatongola tangwa lia kwonona Amoabe.

Izaya 30:16

Nunambe kuchina akwa kole jenu ni kwenda ha tuvwalu waze akuzomboka fuji. Chamwenemwene munuchina! Nunanyongo ngwenu, tuvwalu twenu kaakuzomboka fuji, alioze waze maanuhanga maazomboka fuji kuhiana!

2 Sango Ja Mianangana 18:18

Mikaya yaweza ho ngwenyi: “Hibanjikenu chize Mwene Zambi anambe! Ngunakamona Mwene Zambi kanatwama ha chitwamo chenyi mwilu, ni mbunga yeswe ya mwilu kaanamana ku chindume chenyi ni ku chimeso chenyi.

Yilinga 26:13

Mwanangana, muze te nguli mu jila tangwa ha muchima, yingumona pangu linakatuka mwilu liahiana pangu lia tangwa lize liangupangukilile, yami ni waze nayile no.

Usolwelo 8:3

Kanganda ka mwilu mukwo yakundama ku chilumbilo, kanakwata chikwachilo cha oru chize akwochela nacho yuma ya vumba libema hamwe ni mba ya atu a Zambi eswe. Yamwaha yuma yize hanga ayoche milambu ha yilumbilo ya oru yize yili kulutwe lia chitwamo cha wanangana.

Miaso (Masamu) 68:22

Mwene Zambi yamba ngwenyi: “Mungukahilwisa akwa kole jenu waze atwama mu chifuchi cha Bashane, waze atwama ku mashima ja meya.

Jeremia 11:11

Kashika haliabwila, yami Mwene Zambi, ngunaatoweza ngwami mungukaamwesa lamba, keechi kachina. Mba muze maakateta kuli yami hanga ngwakwase chichi kubanjika.

Jeremia 42:16

mba jita yize nunevwila woma muyikanuwana, ni zala yize nunakachina muyikanukaula, munukafwila mu Egiptu.

Ezekiel 15:7

Mungukaamwesa lamba. Haachina kahia chisuho chimuwika alioze haliabwila maakawema lume. Muze mungukaamwesa lamba, muukanyingika ngwe, yami nguli Mwene Zambi.

Amose 7:17

Hako Amazia, muze hiwamba chino, Mwene Zambi kanakwambe ngwenyi: ‘Pwo lie makapwa chitanji mu chihunda. Ana je a malunga ni a mapwo kumaakafwa mu jita. Chifuchi chenu kumaakachiteta kuli mavungu akwo. Yena mwene muukafwila mu chifuchi cha waze kaanyingikine ko Zambi. Akwa kole maakatwala Aisraele ku chifuchi cho mu undungo.’”

Zefania 1:12

“Ha tangwa lize mungwiza ni ndeya ni kubolongoza mu Yerusaleme. Mungumwesa lamba waze atwama mu uhwimino, waze akwamba ngwo: ‘Mwene Zambi kechi kulinga nichimwe, chibwe chibi chibwe chibema.’

Yoshua 10:18

Yoshua ngwenyi: “Langumwinenu mawe ku chikolo cha chivwenge. Senu ko tufunga,

Amose 7:9

Akwa kole maakabuzula yiwayilo ya vungu lia Isake. Mazuwo a kuwayila ja Israele maakasala ahululu. Mungukatukila zuwo lia Jeroboame ni mwela.”