Amose 8:3 - Mukanda Wa Zambi 1970

³ Ha tangwa lize, mapwo waze te akwimba miaso ya chiseke mu zuwo lia mwanangana maakalila mbimbi. Afu maakabwa kweswe. Mukukahola kuluu.”

MUKANDA USANDU WA ZAMBI 1975

³ Mwene Yehova kanambe ngwenyi, Miaso ya mu tembele muyalumuka kulila mbimbi ha tangwa lize; mijimba ya afu muyikapwa yinji makayimbila kweswe nikuhola.

Amose 8:3 Iomraidhean Croise

Miaso (Masamu) 39:9

Mungulihumikiza, chichi kuhanjika liji nilimwe mumu yena hiwangumwesa lamba lino.

Izaya 37:36

Ha ufuku uzewene kanganda ka Mwene Zambi yaya ku musumba wa Aasuria, yashiha ko tujita 185,000. Muze hikwacha, kuwana eswe haafwa!

Jeremia 22:18

Kashika Mwene Zambi unahanjika hakutwala kuli mwanangana Jehoakime, mwana wa Josia ngwenyi: “Niumwe kechi kumulila muze hafwa nikwamba ngwenyi: ‘Mama lambe, mama sepa liamie, mama lambe!’ Niumwe kechi kulinyenga ngwenyi: ‘Mwene wami! Mama, mwanangana wamie!’

Lungungu 2:10

Tushinakaji a mu Zione kaanatwama hashi kuluu, kaanalimwangina fufuta ha mitwe yo ni kuzala mianji. Ana mapwo kaanahetamina hashi.

Joele 1:11

Yenu njimi lishimwokenu; yenu nwakululika vinyu, lilenu mbimbi mumu tiriku, ni masa, ni mbuto yeswe haayenyeka.

Joele 1:13

Yenu mahako nwakulinga milimo ku yilumbilo. Zalenu mianji, lilenu! Yeenu mu zuwo lia Zambi nunongame ni kulila mumu kunushi ni mbuto chibwe vinyu yakulambula Zambi.

Joele 1:5

Yenu akwa kuzengewa, laulenu nulile; lilenu mbimbi yenu akwa kunwa vinyu; yichakata yaha ya vinyu haayenyeka.

Alevi 10:3

Henaho Mose yambila Arone ngwenyi: “Chino chechize Mwene Zambi ambile ngwenyi: ‘Eswe waze akungulingila chaatamba kulemesa ulinange wami. Mungukasolola uhenya wami kuli atu jami.’ ” Alioze Arone yahola kwenyi kuluu.

Amose 4:10

“Nanutuminyine chipuho ngwe chize nachituminyine akwa Egiptu. Nashihile akweze jenu mu jita, nambachile tuvwalu twenu. Nabihishile misumba yenu ni vumba libi lia afu jenu. Hindu kunwahilukile ko kuli yami.

Amose 5:16

Kashika Mwene Zambi Mukwa Ndundo Jeswe kanambe ngwenyi: “Mu majila eswe a mu limbo atu maakalila mbimbi, maakambamba ngwo: ‘Mama yami! Mama yami!’ Maakatambika chibwe njimi ha kulila afu hamwe ni waze akutambula fweto ya kulila.

Amose 5:23

Litwaminenu kusa zungo lia miaso yenu. Chibwe yisanji yenu, chichi kuyibanjika nawa.

Amose 6:4

Lamba lienu waze nwakubomba ha mihela ya mazo a njamba ni kuliolola, ni kulia ana mapanga ni yimbembe a ngombe!

Amose 6:5

Nwakuzanga kutomba miaso ngwe mwanangana David, ni kuyimba ha kalialia.

Amose 6:8

Mwene Zambi Mukwa Ndundo Jeswe hanalishingi nikwamba ngwenyi: “Nakuvutwokela kulengumuka cha Aisraele ni mazuwo jo anene anene. Kashika mungukakunjika limbo lio ni yuma yize yilimo kuli mukwa kole wo.”

Amose 8:10

Mungukalumuna yiteleka yenu kubwa ngwe tangwa lia yinyengo ha kufunda afu, ni kwalumuna miaso yenu ya chiseke kubwa ya yinyengo. Munukatewula tuwewe ni kuzala mianji. Munukabwa ngwe yisemi waze analiji mwano wa lunga umuwika. Tangwa lize mulikabwa libi ndoo ku songo. Yami Mwene Zambi nachamba.

Nahume 3:3

Akwa tuvwalu kaanasesumuka, mikwale yinabeyima, makunga kaanalejima! Mijimba ya afu haayilumbika yingina, afu keeshi kuhasa kwalula, atu kaanatalinga hali ayo!

Zefania 1:7

Tangwa lia Mwene Zambi hiliakundama lize Zambi mabatwila atu, kashika twamenu kuluu ku meso jenyi. Mwene Zambi kanalulika kulambula atu jenyi ngwe mulambu.