Amose 8:2 - Mukanda Wa Zambi 1970

² Mwene Zambi yanguhula ngwenyi: “Amose, yika unamono?” Yingukumbulula ngwami: “Kapaya ka mawundu anahi.” Yangwamba ngwenyi: “Songo lia atu jami Aisraele hiliaheta. Chichi kwalumuna nawa manyonga jami ha kwamwesa lamba.

MUKANDA USANDU WA ZAMBI 1975

² Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

Amose 8:2 Iomraidhean Croise

Ubutukilo 6:13

Zambi yambila Noa ngwenyi: “Hinabatula ngwami, mungwonona atu eswe. Mungwonona eswe upu mumu hashi yibi yaho hiyoka kuhiana.

Izaya 28:4

Uhenya wa tetekeli waze yizengi muukajimuka ngwe mihuko yitangu ya mikuyu, yize atu akuhela ni kulia muze hiyahia.

Jeremia 40:10

Yami mwene mungutwama ku Mizpa nikubwa hako lienu muze Ababilonia meeza kuno. Alioze yenu kungululenu vinyu, ni mihuko, ni maji a olive, nutwama mu yihunda yize hinunatambula.”

Jeremia 5:31

akwa munanyi kaakuhanjika lume mahuza; mahako kaakuyula ngwe chize akwalweza kuli akwa munanyi; ni atu jami kaakuchitayiza. Alioze kuchi maakalinga ku songo?”

Lungungu 4:18

Akwa kole yaatulayila; kutwahashile ko kwendangana chibwe mu majila. Matangwa jetu te haasula; te songo hiliaheta.

Ezekiel 12:23

Haliabwila alweze chize yami Mwene Zambi hinahanjika hakutwala ku chikuma chize. Mungusa songo lia chishima chize. Keechi kachitata nawa nichimwe mu Israele. Alweze ngwe: ‘Tangwa hiliakundama, ni longeso lia munanyi mulimanunuka!’

Ezekiel 29:8

Kashika yami Mwene Zambi ngunambe ngwami, mungukashinjika malunga akalimike ne ni mikwale, no maakashiha atu je ni yimuna ye.

Ezekiel 3:10

Zambi yaweza ho ngwenyi: “Mwana mutu, kanyama, kanda uvulama yuma yeswe yize ngunakulweze.

Ezekiel 3:7

Alioze niumwe wa kuli Aisraele mazanga kubanjika, chibwe yami kaasolo kungubanjika. Ayo eswe kaali akwa pami, mbunge jo jikalu.

Ezekiel 7:6

Hikwahwa, songo hiliaheta. Hikwahwa.

Ezekiel 8:12

Zambi yanguhula ngwenyi: “Mwana mutu, unamono chize miata ja Aisraele analingi ku tenga, nyi? Ayo eswe kaanakombelela mu chibatulo chize chinazala ni tuponya. Kaanambe ngwo: ‘Mwene Zambi katumwene! Hehuka chifuchi.’ ”

Ezekiel 8:17

Mwene Zambi yanguhula ngwenyi: “Mwana mutu, unamono, nyi? Ayuda wano kaahutukile ko kulitwamina kulinga yuma yeswe ya kuzelwokesa yize unamono hano ni kushiha atu mu chifuchi cheswe. Ayo kaakwiza kunokwene ku zuwo liami ni kunguvwisa ufwatulo kuhiana. Tala chize anangushililika kuhiana ni kungusosomba!

Ezekiel 8:6

Mwene Zambi yangwamba ngwenyi: “Mwana mutu, unamono chize analingi, nyi? Tala yuma ya Aisraele ya kuzelwokesa yize analingi muno, nikunguhanga kusuku ni zuwo liami lia chijila. Muumona yuma yinji ya sonyi yahiana yino.”

Hosea 9:7

Tangwa lia kumwesa lamba hiliakundama, tangwa lize atu maakatambula nikulita ni yitanga yo. Muze yuma yino muyikabwa, Aisraele maakachinyingika! Mba munukamba ngwenu: “Mukwa munanyi yono kali chihepuke! Keshi ni Mwiku wa Zambi! Kanazaluka!” Nwakunguvutwokela mumu milonga yenu yili yinji.

Amose 7:8

Yanguhula ngwenyi: “Amose, yika unamono?” Yingukumbulula ngwami: “Lwoji wa kwesekela nenyi.” Mba yamba ngwenyi: “Nguneseka ni lwoji yono ha kulweza ngwami, atu jami kaali ngwe chipanga chize chinahenge. Chichi kwalumuna nawa manyonga jami ha kumwesa atu jami lamba.

Amose 8:1

Mwene Zambi yangulweza Usolwelo ukwo. Yingumona kapaya ka mawundu anahi.

Mika 7:1

Mama lambee! Hinabwa ngwe mutu yoze hafwa zala, yoze keshi kuwana limwe wundu ku mitondo, hanji yimwe yichakata ku mitondo ya vinyu. Yichakata yeswe ya vinyu ni mihuko yeswe yiyema ya mikuyu haayihela kulu.

Zakaria 5:2

Kanganda ka mwilu yamuhula ngwenyi: “Yika unamono?” Yingumukumbulula ngwami: “Ngunamono chivungo cha mukanda chinatelumioka mu tetela; Usuhwe wacho metro livwa, unene wacho metro jiwana ni Chipinji.”