Amose 7:4 - Mukanda Wa Zambi 1970

⁴ Mwene Zambi yangulweza Usolwelo ukwo. Namumwene te kanalulika kahia ka kumwesa atu jenyi lamba. Ke kahia te hikalilala ha kalunga lwiji, hikabutuka kwocha hashi.

MUKANDA USANDU WA ZAMBI 1975

⁴ Chocho Mwene Yehova yangulweza, Mwene Yehova te kanasanyika upatwilo wa kahia. Kahia te hikanalalisa kalunga-lwiji mba kanaputuka kulia chifuchi.

Amose 7:4 Iomraidhean Croise

Izaya 27:4

Chishi kuvwila munda wami wa vinyu wuli. Nyi kuli mikalale hanji mingonga ya kulimika nayo, kachi te mungulimika nayo ni kuyocha.

Jeremia 4:4

Fungenu Usendo wenu ni yami, Mwene Zambi yenu, likunjikenu kuli yami, yenu Ayuda ni akwa Yerusaleme. Nyi ka, munwivwa ufwatulo kuhiana ngwe kahia kaze kakulekwoka mumu ha yibi yize hinunalingi. Kumukalekwoka, kukuchi kubwa niumwe yoze makajima.”

Ezekiel 21:3

yami Mwene Zambi ngunambe ngwami, nguli mukwa kole yenu. Mungutomona mukwale wami ni kunushiha yenu eswe, ni abi ni abema.

Joele 1:19

Mwene Zambi, ngunalili kuli yena, mumu mwambu ni mitondo yeswe hiyoma chau, ngwe hiyawema kahia.

Joele 2:30

“Ha matangwa waze, mungukasolola yikomokeso mwilu ni hashi; mukukabwa manyinga, ni kahia, ni malelwa a mwishi.

Alevi 10:2

Susumuku Mwene Zambi yatuma kahia, yikoocha eswe aali, yaafwa ku meso ja Mwene Zambi.

Amose 1:4

Kashika mungukocha zuwo lia mwanangana Hazaele ni yipanga yakukoleka yize yalijingilika atungile mwanenyi mwanangana Benhadade.

Amose 1:7

Kashika mungukocha chipanga cha Gaza, ni mazuwo jo akolo eswe.

Amose 2:5

Kashika mungukatuma kahia mu chifuchi cha Yuda, ni kwocha mazuwo akolo mu limbo lia Yerusaleme.”

Amose 4:11

“Nashihile amwe hakachi kenu ngwe chize nashihile atu a mu membo a Sodome ni Gomora. Yenu waze nwasalile nwabwile ngwe lukunyi yoze anachangumuna mu mbwemena ya kahia. Hindu kunwahilukile ko kuli yami.

Amose 5:6

Yeenu kuli Mwene Zambi, mba munubwa ni mwono. Nyi ka, makaholoka ngwe kahia hali Aisraele. Kahia kaze mukakocha atu ja mu Betele; niumwe kechi kakajima.

Amose 7:1

Mwene Zambi yangulweza Usolwelo. Namwene Zambi te kanalulika yizavu ya makumbi. Chino chabwile muze haabatula mihuko ya mwanangana, muze te mwambu hiwabutuka kusokoloka nawa.

Amose 7:7

Mwene Zambi yangulweza Usolwelo ukwo. Namumwene te kanamana hehi ni chipanga ni lwoji wa kwesekela nenyi mu kwoko lienyi. Chipanga chize yaachitunga ni ngeseko ya lwoji yoze.

Mika 1:4

Mba milundu muyisangunuka ngwe chize yakusangunuka Sela ni kahia; muyimwangana mu yikulo ngwe chize meya akusulumioka ha milundu.

Nahume 1:6

Nyi Mwene Zambi hatenuka, iya mahasa kubwa ni mwono? Iya mahasa kulihumikiza ni ufwatulo wenyi? Utenu wenyi uli ngwe kahia mawe kaakubuzuka ku meso jenyi.

Kwalula 16:35

Mba Mwene Zambi yatuma kahia. Ke kahia yikonona atu 250 waze anehene yuma ya vumba libema.

Shimbi 32:22

Ufwatulo wami muubwa ngwe kahia kaze mukakocha yuma yeswe hashi. Mukocha hashi ndoo mu chifuchi cha afu ni kunongesa milundu kushi.

Hebreu 1:7

Hakutwala kuli tunganda a mwilu Zambi hanambe ngwenyi: “Nakupwisa tunganda twami ngwe fuji, ni tuvumbi twami ngwe milengi ya kahia.”

Usolwelo 4:1

Kulutwe lia yuma yino yingumona Usolwelo ukwo, chajilo chinazuluka mwilu. Liji lize te linahanjika ngwe chitavwi, lize nevwile hatangu, yilingulweza ngwo: “Zezuka kuno, mungukulweza yuma yize muyikabwa kulutwe.”