Amose 7:3 - Mukanda Wa Zambi 1970

³ Mba Mwene Zambi yalumuna manyonga jenyi, yamba ngwenyi: “Chuma chize hiwamona, kuchichi kubwa ko.”

MUKANDA USANDU WA ZAMBI 1975

³ Mba Yehova yalikonyeka ha chuma chino. Yehova yamba ngwenyi, Kuchichi kupwa.

Amose 7:3 Iomraidhean Croise

Ubutukilo 6:7

Mba yamba ngwenyi: “Mungwonona atu eswe waze natangile, chibwe kweswako ali. Mungwonona atu ni tushitu ni tututu ni tujila eswe, mumu ngunevu chinyengo ha chize natangile yuma yeswe.”

1 Sango Ja Mianangana 21:15

Hohene yatuma kanganda ka mwilu ashihe akwa Yerusaleme, alioze yalumuna mbunge yenyi, yambila mwe kanganda ngwenyi: “Litwamine! Hikwahwa!” Mwe kanganda te kanamana ku chizungwilo cha Arauna, mukwa Jebuse.

Miaso (Masamu) 106:45

Yanyonga Usendo uze akolesele no, yalumuna mbunge yenyi mumu ha zango lienyi liahiana.

Miaso (Masamu) 78:38

Alioze Zambi yevwila atu jenyi keke. Yaakonekena shili yo, koonwene ko. Yalihumikiza no yisuho yinji, keevwilile ko ufwatulo.

Miaso (Masamu) 90:13

Aa Mwene Zambi, ndoo tangwa lika muwecha kama kutuvwila ufwatulo? Tuvwile kama keke, yetu tuvumbi twe.

Kutuhuka 32:14

Kashika Mwene Zambi yalumuna mbunge yenyi, kashihile atu jenyi ngwe chize ambile.

Jeremia 26:19

Mwanangana Hezekia ni Ayuda kaashihile ko mukwa munanyi Mika. Alioze Hezekia yevwila Mwene Zambi woma, yamuwahisa. Mba Mwene Zambi yalumuna mbunge yenyi hakutwala ku lamba lize ambile kuneha hali ayo. Musono tunambe kulikokela lamba linji.”

Jeremia 42:10

‘Nyi nunazange kutwama mu chifuchi chino, mungunutakamisa, chichi kunumwanga; mungunukolesa, chichi kunumwesa lamba. Mumu kufwa chize nanushihile chinanguvwisa chinyengo kuhiana.

Hosea 11:8

“Aisraele, ngwe kuchi ngunahase kunwehuka? Ngwe kuchi ngunahase kunwecha? Munguhasa kunwonona ngwe chize nonwene Adma, nyi? Chibwe kunulinga ngwe chize nalingile Zeboime, nyi? Mbunge yami kuyangutayijile ko kuchilinga! Nakunuzanga kuhiana.

Joele 2:13

Kanda nutanuna mahina jenu; alioze Sololenu yinyengo ya mu mbunge.” Hilukenu kuli Mwene Zambi, Zambi yenu, mukwa utu ni mukwa keke. Kali chihumikiji, kakumanununa yilakenyo yenyi; matangwa eswe kakululika kukonekena, hi kumwesa ko lamba.

Joele 2:14

Tangwa likwo Mwene Zambi, Zambi yenu, malumuna kama manyonga jenyi, ni kunuwahisa ni mbuto yinji. Mba munuhasa kumulambula mbuto ni vinyu.

Amose 5:15

Vutwokelenu yibi, zangenu yibema, kolesenu ubatwilo wa ululi mu yota. Hanji Mwene Zambi Mukwa Ndundo Jeswe mevwila keke masalila a chifuchi chino.

Amose 7:6

Mba Mwene Zambi yalumuna manyonga jenyi, yamba ngwenyi: “Ni chino nawa, kuchichi kubwa ko.”

Yona 3:10

Zambi yamona chize atu haalinga; yamona ngwenyi, heecha yibi yo. Mba yalumuna manyonga jenyi, hikaamwesene ko lamba ngwe chize ahalile.

Shimbi 32:36

Mwene Zambi makalamwina atu jenyi muze makamona ngwenyi, tachi jo hijahwa. Makevwila keke waze akumulingila, muze makamona ngwenyi, keeshi tachi.

Tiangu (Jake) 5:16

Kashika lishikishilenu milonga yenu, lilembelenu, hanga nuhinduke. Kuliumba cha mukwa ululi tachi jinji chikwete.