Amose 7:2 - Mukanda Wa Zambi 1970

² Mu Usolwelo namwene chize te makumbi anali yuma yeswe ya wisu mu chifuchi. Mba yingwamba ngwami: “Mwene Zambi, ngunaliumbu waakonekene kama! Ngwe kuchi maahasa kulilamwina? Atu alelu ni akehe chichize!”

MUKANDA USANDU WA ZAMBI 1975

² Muze te hamana kulia mwambu weswe wa chifuchi nambile ngwami, Mwene Yehova ngunaliumbu Ukonekene kama! Yakomba kuchi mahasa kulikoleza? Aye wakeha Chichize.

Amose 7:2 Iomraidhean Croise

Miaso (Masamu) 12:1

Mwene Zambi, tukwase kama! kukushi nawa mukwa ululi kukushi nawa akwa mbunge jitoma.

Kutuhuka 10:15

Makumbi yaafuka hashi heswe, chifuchi cheswe yichilaa bwii. Yaalia yibuta yeswe ya mitondo yize yaasalile ho ku chiwe. Chuma cha wisu nichimwe kuchasalile ko mu Egiptu.

Kutuhuka 34:9

“Mwene Zambi, nyi chamwenemwene unawahilila ni yami, tweya kama ni yetu. Atu wano kaali akwa mbunge jikalu, alioze tukonekene kama mumu ha uhenge wetu ni ha shili yetu, tutambule kama ngwe atu je lume.”

Izaya 37:4

Mwanangana wa Asuria hatuma mwata wenyi wa lutwe ashililike Zambi ya mwono. Mwene Zambi, Zambi yenu, evwe kama kushililika chino, amwese lamba waze achamba. Kashika atu jetu waze haasala ho, alembelenu Zambi.”

Izaya 51:19

Lamba lino hali hiliakuwana: chifuchi hachenyeka ni jita, ni atu je haafwa zala. Kukushi niumwe yoze makulembejeka.

Jeremia 14:7

Atu jami kaakungulilila ngwo; ‘Mwene Zambi, chibwe hitunavulumuna, tukwase kama ngwe chize walakenyene. Hitunakwehuka yisuho yinji; hitunakuvulumuna.

Jeremia 42:2

yaamba ngwo: “Twalemba mwane, tulingile kama chize tunambe! Tulembele kama Mwene Zambi, Zambi yetu, eswe waze twasala ni mwono. Twabwile anji, alioze haliabwila hitwasala akepe wika, ngwe chize unalimwena.

Ezekiel 11:13

Muze te ngunahanjika munanyi, kuma Pelatia hafwa kwenyi. Yingufulamana hashi, yingukololoka ngwami: “Ka, hi chocho ko Mwene Zambi! Kuma muushiha atu eswe mu Israele waze haasalasala ni mwono, nyi?”

Ezekiel 9:8

Shimbu te maachishiha shiha atu, yingusala ko ukawami. Yingufulamana hashi, nikukololoka ngwami: “Mwene Zambi, kuma unevwila Yerusaleme ufwatulo ni kushiha atu eswe waze haasala mu Israele, nyi?”

Daniel 9:19

Mwene, tubanjike kama. Mwene, tukonekene kama. Mwene, twivwe kama, ulinge chimwe Chuma. Kanda ushimbula, hanga atu eswe anyingike ngwo, yena uli Zambi. Limbo lino ni e atu kaali nie.”

Joele 2:17

Mahako waze akulingila Mwene Zambi hakachi ka chilumbilo ni zuwo lia Zambi, chaatamba kulila ni kulemba ngwo: “Mwene Zambi, vwila kama atu je keke. Kanda utayiza mavungu akwo kutulelesa ni kutukekuna nikwamba ngwo: ‘Yolihi Zambi yenu?’ ”

Amose 4:9

“Nanutuminyine fuji ya chivukuminya ha kwocha mbuto jeswe. Makumbi yaalia upu mbuto jenu jeswe ja mu minda, ni yichakata ya vinyu, ni mihuko yenu ya mitondo ya mikuyu ni ya olive. Hindu kunwahilukile ko kuli yami.

Amose 7:5

Mba yingwamba ngwami: “Mwene Zambi, litwamine kama. Ngwe kuchi atu je maahasa kulilamwina? Atu alelu ni akehe chichize!”

Usolwelo 9:4

Yaaha Shimbi ngwo, kanda akabihisa mwambu, chibwe mitondo, chibwe cheswe chibuta chikwo. Alioze chatamba kubinjisa shina lume atu waze keeshi ni yinyingi ya Zambi ha mahuma jo.