Amose 6:3 - Mukanda Wa Zambi 1970

³ Kunushi kutayiza ngwenu, lamba mulikeza, alioze ku yitanga yenu nwakutayiza kwonona.

MUKANDA USANDU WA ZAMBI 1975

³ Yenu ngunahula, nwakumona kusuku lie tangwa lipi nwakukoka hakamwihi chitwamo cha upupilo.

Amose 6:3 Iomraidhean Croise

Miaso (Masamu) 94:20

Kuushi kulikwata usepa ni ngaji waze akutambula mbongo ja mbenga, waze keshi kubatula ni ululi.

Longeshi 8:11

Mumu yika atu akuvulumuna chichize nikawashi? Mumu uvulumwino keeshi kuubatula nikawashi.

Izaya 47:7

Yiunyonga ngwe, mungubwa mwanangana wa pwo matangwa eswe, yuma yino kuwayisele ko mbunge, hanji kunyonga songo liayo.

Izaya 56:12

Akwa kuzengewa waze kaakwamba ngwo: ‘Tunwenu vinyu tuzengewe! Hamene mulikabwa tangwa libema kuhiana musono!’ ”

Lungungu 4:5

Waze te akulia yakulia yiyema, haliabwila kaanafu mu majila; waze te akuzala mahina alefuna, haliabwila kaanabombo ku chichila cha uto.

Ezekiel 12:22

“Mwana mutu, Aisraele kuchi analumbununa chishima chino ngwo: ‘Tangwa kulinayi, ni longeso lia munanyi kulishi kumanunuka,’ kafwa ngwe kuchi?

Ezekiel 12:27

“Mwana mutu, Aisraele kaanambe ngwo, Usolwelo we ni maliji je a munanyi yili ya ku miaka ya kulutwe.

Ezekiel 23:42

Yichibwa chimbangwinya cha akwa kaleleso; mbunga ya malunga waze akatukile mu puya. Yaajika mikosa ku moko ja mapwo ni yipangula yibema ku mitwe yo.

Amose 3:10

Mwene Zambi kanambe ngwenyi: “Atu wano kaakuzalisa mazuwo jo anene anene ni yuma yize anjile ni wiji ni kulwa. Keeshi kunyingika kulinga kanawa.

Amose 3:9

Ambulwilenu waze atwama mu mazuwo ja mawanangana mu chifuchi cha Egiptu ni mu limbo lia Ashdode ngwenu: “Kungulukenu ha milundu yize yinajingilika Samaria, hanga nukevwe chizungozungo, nukamone chize akubinda.”

Amose 5:12

Ngunanyingika milonga yenu yinji ni kwoka cha shili yenu. Nwakuhungumiona atu abema, nwakutambula sambilo ya uhenge, nwakulituna kubatwila yiswale ni ululi.

Amose 5:18

Lamba lienu, yenu waze nwakuzanga tangwa lia Mwene Zambi! Yibema yika munukamona ha tangwa lize? Mulikabwa tangwa lia milima, hi lia pangu ko.

Amose 6:12

Tuvwalu kaakuzomboka ha yimawe, nyi? Atu kaakulima ni ngombe ha kalunga lwiji, nyi? Alioze yenu hinwalumuna ubatwilo uze unalite kubwa ulembe, ni ululi kubwa uhenge.

Amose 9:10

Yivulumunyi a hakachi ka atu jami kumaakafwa mu jita, eswe waze akwamba ngwo: ‘Chibi kuchichi katuwana nihakepe.’ ”

Mika 6:12

Pichi jenu kaakufumbwila hali yiswale, yenu eswe nuli akwa mahuza.

Mateu 24:48

Alioze, nyi kavumbi yoze kali mubi, malihanjikisa ngwenyi: ‘Mwata wami kanashimbula,’

1 Tesalonika 5:3

Muze atu maakamba ngwo: “Tuli ni uhwimino, yuma yeswe yinawaha,” mba susumuku kwonona muchiza. Keechi kuhichika nichimwe. Muchibwa ngwe yikola ya kusema yize hiyakwata kafumbakaji.

2 Petulu 3:4

Maakamba ngwo: “Mwene Yesu hanalakenya ngwenyi: ‘Makeza,’ nyi? Yolihi mba? Tushakulu twetu haanafu kulu, alioze yuma yeswe yili chizechene, chize kuze Zambi atangile yuma yeswe ndoo musono!”

Usolwelo 18:17

Mu ola yimuwika lume ubite wenyi weswe hiwatoka!” Tahwili eswe ni akwa kwenda ha meya, ni waze eswe akulinga milimo ha kalunga lwiji, yaamana kusuku.