Amose 5:3 - Mukanda Wa Zambi 1970

³ Mwene Zambi kanambe ngwenyi: “Mu Israele, limbo lize maakatuma tujita kanunu, maakahiluka shina kulakaji; limbo lize maakatuma tujita kulakaji, maakahiluka shina kumi.”

MUKANDA USANDU WA ZAMBI 1975

³ Mumu Mwene Yehova kanambe ngwenyi, Chihunda kuze kwatuhukile kanunu muchisala ni kulakaji. Ni kuze kwatuhukile kulakaji mukusalako kumi ku munyachi wa Izalele.

Amose 5:3 Iomraidhean Croise

Miaso (Masamu) 144:14

Ngombe jetu nawa aseme ana anji, kanda aselumuna kama, kanda afwafwa. Mu mikala yetu kanda mutuhwoka mbimbi ja kulila!

Izaya 1:9

Nyi ngwe Mwene Zambi Mukwa Ndundo Jeswe katuhichikilile ko amwe masalila, kachi te Yerusleme habwa ngwe membo ja Sodome ni Gomora.

Izaya 10:22

Chibwe Aisraele oke naye haliabwila ngwe masekeseke a ku mbumbulu ya kalunga lwiji, hindu akepe maakahiluka. Maakashiha anji nikulita ni yitanga yo yibi.

Izaya 6:13

Chibwe mukachi ka atu kumi umuwika masala mu che chifuchi, hindu maamushiha nawa. Mabwa ngwe Chipinji cha chimbunji chize chasala ha kubatula mutondo shene.” (Chimbunji chinalumbunuka ngwo, Ubutukilo Waha wa atu ja Zambi.)

Ezekiel 12:16

Hindu mungukahichika amwe a kuli ayo waze keechi kafwa mu jita, ni mu zala, ni mu lamba, hanga mukachi ka mavungu akwo akanyingike ngwo, yuma yize alingile te ya kuzelwokesa ni hanga atayize ngwo, yami nguli Mwene Zambi.”

Amose 6:9

Nyi mwasala lume atu kumi mu jiko limuwika, eswe kumaakafwa.

A-ROMA 9:27

Izaya kanakololoka hakutwala kuli Aisraele ngwenyi: “Chibwe Aisraele ahiana naye kwoka ngwe masekeseke a ku kalunga lwiji, shina akepe hakachi ko makaalamwina.

Shimbi 28:62

Chibwe hinunabu anji ngwe matongonoshi a mwilu, hindu akepe a kuli yenu maakasala ni mwono, mumu kunwononokenene ko Mwene Zambi, Zambi yenu.

Shimbi 28:63

Ngwe chize Mwene Zambi awahililile ha kunuwahisa ni kunwokesa, Chenacho makawahilila nawa ha kununongesa ni kunumwesa lamba. Makanwonona mu chifuchi chize nunayi ni kuzuka.

Shimbi 4:27

Mwene Zambi makanumwangina mukachi ka mavungu akwo, akepe mukachi kenu makasala ho ni mwono.