Amose 5:1 - Mukanda Wa Zambi 1970

¹ Aisraele, banjikenu lungungu yono ngunanulilila ngwami:

MUKANDA USANDU WA ZAMBI 1975

¹ Enu munyachi wa Izalele, ivwenu liji lino ngunande lia kunulilila. Ngwami,

Amose 5:1 Iomraidhean Croise

Ezekiel 19:1

Zambi yangwamba ngwimbe mwaso uno wa lungungu mumu hali mianangana aali Aisraele.

Jeremia 9:17

Mwene Zambi Mukwa Ndundo Jeswe yamba ngwenyi: “Achinyongenu chize chinabu! Tambikenu akwa kulila mbimbi ni mapwo waze anyingika kwimba miaso ya kulila nayo.”

Jeremia 9:10

Yingwamba ngwami: “Mungunenganyana mumu ha milundu, mungulila mumu ha ulilo wa yimuna, mumu yeswe hiyoma; niumwe wakuhi unendangana mo. Ngombe keeshi kuteta mo nawa, tujila ni tushitu a mu yambu haachina mo.”

Jeremia 7:29

“Yenu akwa Yerusaleme, lilenu mbimbi, tewulenu kambu jenu nujimbile. Imbenu miaso ya lungungu helu lia milundu, mumu yami Mwene Zambi, ngunevu ufwatulo, hinalituna atu jami.

Mika 2:4

Muze tangwa lize hilieza, sango jenu mujibwa ngwe kashilikilo ka lamba. Mba atu maanwimbila mwaso uno wa lungungu: Mama yamie, atwonona lume! Mwene Zambi hanatambula chifuchi chetu, hanachihana kuli waze atukwachile funge.”

Amose 5:16

Kashika Mwene Zambi Mukwa Ndundo Jeswe kanambe ngwenyi: “Mu majila eswe a mu limbo atu maakalila mbimbi, maakambamba ngwo: ‘Mama yami! Mama yami!’ Maakatambika chibwe njimi ha kulila afu hamwe ni waze akutambula fweto ya kulila.

Amose 4:1

Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

Amose 3:1

Yenu Aisraele, eswe waze Zambi hanaapulula mu chifuchi cha Egiptu, banjikenu maliji waze Mwene Zambi hahanjika hakutwala kuli yenu.

Ezekiel 32:16

Kutoweza chino muchikalumuka mwaso wa lungungu. Mapwo a ku mavungu maakawimba ni kulilila Egiptu ni atu jenyi eswe. Yami Mwene Zambi nachamba.”

Ezekiel 32:2

“Mwana mutu, toweza mwanangana wa Egiptu. Mulweze maliji jami wano ngwami, wakunyonga ngwe uli tambwe hakachi ka mavungu, alioze uli ngwe ngandu wa mu kalunga lwiji. Wakuvundula meya ni molu je, wakubihisa njiji jeswe.

Ezekiel 28:12

“Mwana mutu, imbila mwanangana wa Tiru mwaso wa lungungu. Umulweze chize yami Mwene Zambi ngunambe ngwami, yena wabwile chilweza cha ungunu, ni mana anji ni ubeme Wahiana.

Ezekiel 27:2

“Mwana mutu, imbila Tiru mwaso wa lungungu,

Ezekiel 26:17

Maakanwimbila lungungu yono ngwo: Limbo lia lufuma hiliabuzuka! Ulungu haauchiza ku kalunga lwiji. Atu ja mu limbo lize te kaakuyula kalunga lwiji. Te kaakwivwisa mwongo atu eswe waze atwama ku mbumbulu ya kalunga lwiji.

Ezekiel 19:14

Shina lia muvinyu yilikwata kahia; ke kahia yikocha mitango yawo ni mihuko. Mitango kuyichi kabwa nawa ni tachi, kuyichi kabwa nawa kanda ja mianangana. Uno uli umwe mwaso wa lungungu; atu te kaakwimba yisuho yinji.

Jeremia 9:20

Yingwamba ngwami: “Yenu mapwo, banjikenu kuli Mwene Zambi, kanyamenu ku maliji jenyi. Longesenu ana jenu a mapwo kulila mbimbi, ni masepa jenu kwimba miaso yakulinyenga nayo.

Jeremia 9:9

Kuma kuchatambile kwamwesa lamba mumu ha yuma yino, nyi? Kuma chichi kukala milonga ha vungu ngwe lino, nyi? Yami Mwene Zambi nachamba.”

Jeremia 18:13

Mwene Zambi kanambe ngwenyi: “Hula mavungu eswe nyi Chuma ngwe chino hichinabu kama limwe tangwa. Aisraele haalinga Chuma chibi kuhiana!

Amose 8:14

Atu waze akulishinga ni mahamba ja mu limbo lia Samaria, waze akwamba ngwo: ‘Ni Zambi ya Dan’, hanji, ‘Ni Zambi ya Bersheba — atu waze maakalimbuka, keechi kahinduka nawa.’ ”