Amose 4:8 - Mukanda Wa Zambi 1970

⁸ Atu a ku amwe membo, muze haazeya ni pwila, yaaya nikupeliangila ku limwe limbo likwo ha kufupa meya, alioze kaamwene ko meya anazuku. Hindu kunwahilukile ko kuli yami.

MUKANDA USANDU WA ZAMBI 1975

⁸ Akwa yihunda yiali yitatu endele ku chihunda chimuwika akanwe meya hindu pwila kuyahwile. Hindu kunwahilukile kuli yami. Chocho kanambe Yehova.

Amose 4:8 Iomraidhean Croise

1 Yitanga Ya Mianangana 18:5

Mwe mwanangana yambila Obadia ngwenyi: “Tweya, tuye ni kwendangana mu chifuchi ni kwendesa mashima eswe ni yitwetwe yeswe, hanji mutuwana kama yambu ya kulisa tuvwalu ni yimbulu. Nyi ka, tushitu eswe kumaafwa.”

Izaya 9:12

Asiria a ku chivumbuko ni Afilistia a ku chitokelo haabakula makanwa jo hanga aminye Aisraele. Chibwe chocho utenu wa Mwene Zambi kanda uchihwa hindu kanazozo kwoko lienyi amwese lamba.

Jeremia 23:14

Alioze hingunamono akwa munanyi a mu Yerusaleme kuvulumuna kuhiana: kaakulinga utanji ni kuhanjika mahuza; kaakushinjika atu alinge yibi, kashika niumwe keshi kwecha kulinga yibi. Ku meso jami ayo eswe kaali abi ngwe akwa Sodome ni Gomora.

Jeremia 3:3

Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

Jeremia 3:7

Nanyongene ngwami, muze halinga yino yeswe, mahiluka kuli yami, alioze kahilukile ko. Ni mwanakwo Yuda chitanji, neye kamona yize yeswe.

Jeremia 5:3

Mwene Zambi kakufupa umwenemwene. Hananulambe, hindu kunwakanyamine; hanuwonda, hindu kunusolo kulilongesa. Nwabwile akwa pami, te kunusolo kwecha shili yenu.

Hosea 11:5

“Kaasolo kuhiluka kuli yami. Kashika chaatamba kuhiluka ku Egiptu. Akwa chifuchi cha Asuria maakaayula.

Hosea 7:10

Aisraele kulengumuka cho chakwahisa. Haamona lamba lieka ni lieka, chibwe chocho kaasolo kuhiluka kuli yami Mwene Zambi yo.

Amose 4:6

“Yami nanuvwishile zala mu membo jenu eswe, kashika kunwabwile ko ni yakulia. Chibwe chocho kunwahilukile kuli yami.

Mika 6:14

Chibwe nulie, hindu kunuchi kukuta, munubwa lume akwa kufwa zala. Munukambata yuma yinji, alioze kunuchikahasa kuyifunga. Yuma yeswe yize nwakufunga, yami mungukayonona mu jita.

Hagai 1:6

Hinwalima mbuto yinji, alioze hinwabatula yikepe wika. Nuli ni yakulia, alioze kuyahashile kunukuchisa. Nuli ni vinyu ya kunwa, alioze pwila kuyichi kuhwa! Nuli ni mahina, hindu nunevu chishika.

Hagai 2:17

Nanutuminyine fuji ya kahia ni chiwe yikafwite yuma yeswe yize nwatumbile, hindu kunwalumukine ku mbunge.