Amose 4:5 - Mukanda Wa Zambi 1970

⁵ Lambulenu milambu ya mbolo ya kusakwila Zambi, lisambenu ku meso ja atu akwo hakutwala ku milambu yize nwakuwezela helu! Mumu Chenacho nwakuzanga kulinga.

MUKANDA USANDU WA ZAMBI 1975

⁵ Lambulenu milambu ya kusakwila ya yuma ya futunwiso; tambikenu milambu ya mbunge, nukayambulule, mumu chocho nwakuzanga kulinga, enu A-Izalele. Chocho kanambe Mwene Yehova.

Amose 4:5 Iomraidhean Croise

Miaso (Masamu) 81:12

Kashika nakalishile mbunge jo hanga alinge ngwe chize azangile.

Izaya 1:1

Mukanda uno unalumbununa maliji hakutwala ku chifuchi cha Yuda ni limbo lia Yerusaleme, waze Zambi asolwele kuli Izaya mwana wa Amoze ha matangwa ja kuyula cha Uzia, ni Jotame, ni Ahaze, ni Hezekia mianangana ja Yuda.

Izaya 1:11

Kanambe ngwenyi: “Nunanyongo ngwenu, yami ngunazange milambu yenu yeswe yize nwakulambula, nyi? Hijanguhwa ni milambu yenu ya makuji a panga a kwocha ni maji a yimuna yikwo ya kutunguna. Hijanguhwa ni manyinga a makuji a ngombe ni pembe.

Jeremia 7:10

Nwakulinga yuma yize nakuvutwokela. Munubwamuze munwiza ni kumana ku meso jami, mu zuwo liami, nikwamba ngwenu: ‘Tunawaha!’

Jeremia 7:9

Nwakwiya, nwakushiha, nwakulinga utanji, nwakulishinga ni mahuza, nwakulambula milambu kuli hamba Bale, nwakuwayila mazambi waze te kunwanyingikine.

Hosea 9:1

Yenu Aisraele, litwaminenu tuhu kuwahilila ku yiwanyino yenu ngwe akwa mavungu akwo. Hinwehuka Zambi yenu, hinwamuvulumuna. Mu chifuchi cheswe nwalilanjishile ngwe yitanji kuli zambi Bale, yinuzanga mbuto, ye fweto ya utanji wenu.

Hosea 9:10

Mwene Zambi kanambe ngwenyi: “Hatangu muze namwene Aisraele, kaabwile ngwe yichakata ya vinyu mu puya. Muze namwene tushakulu twenu chisuho chitangu, chabwile ngwe ngunamono mihuko yitangu ya mikuyu. Alioze, muze haaheta ku mulundu wa Peore, yaabutuka kwo kukombelela hamba Bale, yaalumuka akwa luchisa ngwe mahamba waze te akuzanga.

Alevi 23:17

Akwa jiko lieswe akaneha mbolo jaali, akajilambula kuli Mwene Zambi. Akajilinga ni kilo jaali ja wunga ni yitumbo, akajihungisa ku meso ja Mwene Zambi. Kuuli mulambu wa mbuto yitangu yize hinwabatula.

Amose 5:21

Mwene Zambi kanambe ngwenyi: “Ngunavutwokela yiwanyino yenu, ngunalitunu yo! Chishi kwivwa kuwaha ni yikungulwila yenu!

Amose 5:22

Muze munungulambula milambu yenu ya kwocha ni ya mbuto, chichi kuyitayiza. Milambu yenu ya uwanyino ni yimuna yenu ya maji, chibwe kuyitala chichi kuyitala.

Mateu 15:9

Chamokomoko akunguwayila, mumu kaakulongesa ndako ja atu ngwe Shimbi jami,’ Chenacho anambe Zambi.”

Mateu 23:23

“Lamba lienu alongeshi a Shimbi ni Afariseu, yilembekese! Mumu nwakuhana Chihanda cha muchikumi cha mbuto yikepe yikepe ya yibuta ya chimbumba ni endru ni kominyo! Alioze nwakulelesa malongeso ahiana a Shimbi! Kafwa ngwe: kubatula ni ululi, ni keke, ni ufulielo. Yenayo chanutamba kulinga ni yize yikwo nawa.

Mateu 6:2

“Kashika, muze muuhana yawana kuli yiswale, kanda wimba chitavwi kulutwe lie ngwe chize akulinga yilembekese mu mazuwo a kuwayila ni mu majila. Kaakuchilinga hanga atu aalemese. Chamwenemwene ngunanwambulwila ngwami, haanatambula kulu fweto yo.

A-ROMA 1:28

Kaakulituna chinyingi cha umwenemwene hakutwala kuli Zambi. Kashika Zambi wakwakunjika ku manyonga a kulumbuka ha kulinga yuma yize kuyalitele.