Amose 4:2 - Mukanda Wa Zambi 1970

² Mwene Zambi halishinga ni ulinange wenyi ngwenyi: “Matangwa maakeza muze maakanuchiza ho ni malowa; mutu mweswe mukachi kenu makabwa ngwe yishi ku lowa.

MUKANDA USANDU WA ZAMBI 1975

² Mwene Yehova halishinga ni usandu wenyi ngwenyi, Matangwa meza kwiza hali yenu muze makanuchizako ni yikungo. Waze makasulako makaachiza ni tuzambu.

Amose 4:2 Iomraidhean Croise

Miaso (Masamu) 89:35

“Hingunalishingi ni jina liami lia chijila ngwami: chichi kuhanjika mahuza kuli David nichimwe!

Miaso (Masamu) 89:36

Vungu lienyi kulichi kahwa, wanangana wenyi muukalinduluka ngwe tangwa.

Izaya 37:29

Hingunatambula sango ja ufwatulo we ni kulengumuka che. Haliabwila mungusa lowa mu zulu lie ni lwoji wa utale mu kanwa lie, mungukuhilwisa mu jila yizeyene wejilile.”

Jeremia 16:16

Mwene Zambi kanambe ngwenyi: “Mungutambika atu anji akwa kuta yishi eze oze atu wano. Mba mungutuma nawa mayanga anji ni kwashihila ha milundu ni ha mindundena yeswe ni ku yivwenge ya mawe.

Ezekiel 29:4

Mungukanjisa kazambu mu kanwa lie, ni yishi a mu lwiji we maakalamata ku mahalo je. Mba mungukakuzambula mu lwiji wa Nile, hamwe ni yishi waze eswe.

Ezekiel 34:16

“Mungukafupa waze anatoko, ni kuhilwisa waze anachamangina. Mungukawuka waze ali ni yilonda, ni waze anayiji. Alioze waze ali ni maji, waze ali ni tachi, mungukaashiha, mumu yami nguli kafunga yoze wakulinga chize chinalite.

Ezekiel 38:4

Mungukamwalumuna, mungukamuswika malowa mu kanwa lienyi, mungukamukoka ni e tujita twenyi hamuwika. Tujita twenyi ni tuvwalu twenyi ni waze akwendela ho kaali anji, mutu ni mutu ni kebwe jenyi ni mukwale wenyi.

Amose 6:8

Mwene Zambi Mukwa Ndundo Jeswe hanalishingi nikwamba ngwenyi: “Nakuvutwokela kulengumuka cha Aisraele ni mazuwo jo anene anene. Kashika mungukakunjika limbo lio ni yuma yize yilimo kuli mukwa kole wo.”

Amose 8:7

Mwene Zambi, yoze Aisraele akulemesa, halishinga ngwenyi: “Chamwenemwene, chichi kuvulama yitanga yo yibi.