Amose 4:1 - Mukanda Wa Zambi 1970

¹ Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

MUKANDA USANDU WA ZAMBI 1975

¹ Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 4:1 Iomraidhean Croise

1 Yitanga Ya Mianangana 16:24

Mba yalanda mulundu wa Samaria ni mbongo ja prata 6,000 kuli umwe lunga jina lienyi te Shemere. Omri yakoleka chipanga ha mulundu, yatunga ho limbo, yaliluka jina ngwenyi: Samaria, mumu ha jina lia mwenya mulundu Shemere.

Jobe 20:19

mumu wamwesene yiswale lamba, kaatalile ko, yatambula mazuwo waze katungile ko.

Jobe 24:4

Kaakuhuma yiswale ku jila yo, akwa kuhona eswe kaakuchinachina ni kuswama.

Miaso (Masamu) 12:5

Alioze Mwene Zambi kanambe ngwenyi: “Haliabwila mungwiza mumu ha lamba lia akwa luyinda, ni mikuma ya yiswale. Mungwiza nikwaha uhwimino uze akuzanga.”

Miaso (Masamu) 140:12

Mwene Zambi, ngunanyingika ngwami, wakuhatwila yiswale, wakukwasa akwa kuhona.

Miaso (Masamu) 22:12

Akwa kole jami anji kaanangujingilika ngwe makuji a ngombe, eswe kaananguseleka, ngwe makuji a ngombe asasu a ku chifuchi cha Bashane.

Yishima 22:7

Yiswale kaali ndungo ja pichi. Mukwa kusondama mbongo kali ndungo ya mukwa mbongo.

Longeshi 4:1

Mba yingutala nawa uhenge weswe wa hano hashi. Akwa lamba te kaakulila, wakuhi yoze wakwalembejeka. Niumwe kechi kwakwasa, mumu waze akwamwesa lamba kaahiana tachi.

Longeshi 5:8

Kanda ukomoka nyi muumwona akwa kuyula kaanabinjisa yiswale ni keeshi kwabatwila ni ululi. Mukwa lutwe mweswe kali ni yoze mamutala, neye kali ni mukwo yoze mamutala.

Izaya 28:1

Wanangana wa Israele, lamba liawo! Uhenya wawo uli ngwe yipangula ya yitemo yize yinatemuka ku mitwe ya tetekeli jo yizenge. Haalisa maji a vumba libema ku mitwe yo ya kulengumuka, alioze kaanabombo mu fufuta, haazengewa.

Izaya 5:8

Lamba lienu! Nwakulanda mazuwo ni minda yakuwezela ku yize nuli nayo kulu. Shimbu likepe muhela wa atu akwo kuuchi kubwa ko, munusala ukawenu mu chifuchi.

Izaya 56:12

Akwa kuzengewa waze kaakwamba ngwo: ‘Tunwenu vinyu tuzengewe! Hamene mulikabwa tangwa libema kuhiana musono!’ ”

Izaya 58:6

“Ndako ya kulitwamina kulia yize nakuzanga yili yino: echenu kubinjisa chenu ni uhenge wenu; jitulenu atu waze nwakubinjisa.

Jeremia 50:11

Mwene Zambi kanambe ngwenyi: “Yenu akwa Babilonia, hinunabubu vungu liami. Nunawahilila ni kulikwiza, nuli ngwe chihwo cha ngombe yoze unazungula mbuto, hanji ngwe kavwalu yoze unalihembula.

Jeremia 50:27

Shihenu tujita two eswe! Ababilonia, lamba lio, tangwa lio lia lamba hiliakundama!”

Jeremia 51:34

Mwanangana wa Babilonia hanabatula Yerusaleme, hanamuli. Hananu limbo ngwe yuma ya mu mulondo; hanaliminya ngwe ngongo. Hanatambula yize anazange, hanambila yize yasala ho.

Jeremia 6:6

Mwene Zambi Mukwa Ndundo Jeswe hanalweze mianangana wano kupakula mitondo hashi ni kulumbika milumba yakuseleka nayo Yerusaleme. Hanambe nawa ngwenyi: “Mungumwesa limbo lino lamba mumu hilinazala ni akwa kubinjisa.

Jeremia 7:6

Litwaminenu kulakila yilambala, ni shiwa, ni waze haanafwisa malunga. Litwaminenu kushiha atu waze keeshi milonga mu chifuchi. Litwaminenu kuwayila mazambi eka. Nyi ka, munukafwa.

Ezekiel 18:12

kakubinjisa yiswale, kakwiya, keshi kuhilwisa tombo, kakuya homa ha kuwayila mazambi eka, kakukombelela mahamba a kuzelwokesa.

Ezekiel 22:12

Amwe mukachi kenu kaakutambula mbongo akashihe atu. Akwo kaakutambula mbwezo kuli enyembo jo Aisraele nikulibichisa ni uhenge. Haanguvulama yami.” Mwene Zambi wachamba.

Ezekiel 22:27

Akwa kuyula wanangana kaali ngwe tungunga waze anali yifwo yize akwatanga. Kaakushiha atu akalibichise.

Ezekiel 22:29

Pichi kaakuhengesa ni kwiya. Kaakubinjisa yiswale ni akwa kuhona, kaakwonga yilambala.

Ezekiel 22:7

Niumwe mu limbo wakulemesa yisemi jenyi. Nwakwonga yilambala, nwakwiya yuma ya ana a shiwa ni mapwo waze haanafwisa malunga.

Ezekiel 34:16

“Mungukafupa waze anatoko, ni kuhilwisa waze anachamangina. Mungukawuka waze ali ni yilonda, ni waze anayiji. Alioze waze ali ni maji, waze ali ni tachi, mungukaashiha, mumu yami nguli kafunga yoze wakulinga chize chinalite.

Ezekiel 39:18

Akalie mijimba ya tujita, akanwe manyinga ja akwa kuyula ja hashi, waze maakaashiha ngwe makuji a panga, ni ana mapanga ni pembe ni makuji a ngombe a maji.

Joele 3:3

Haanate chela hanga amone waze maazuka funge. Haanalanjisa ana a malunga ni a mapwo mu undungo ha kufweta yitanji ni kulanda vinyu.

Amose 3:1

Yenu Aisraele, eswe waze Zambi hanaapulula mu chifuchi cha Egiptu, banjikenu maliji waze Mwene Zambi hahanjika hakutwala kuli yenu.

Amose 3:3

Atu aali maahasa kwenda hamuwika nyi kaalitesele, nyi?

Amose 5:11

Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Amose 6:1

Lamba lienu waze nwatwama nikwoloka mu limbo lia Zione! Lamba lienu waze nwakunyonga ngwenu, nuli mu uhwimino mu limbo lia Samaria. Lamba lienu yenu malunga alemu a mu chifuchi chino chilemu Israele, kuli waze kwakwizaza atu ha kwakwasa!

Amose 6:6

Nwakunwa vinyu mu misenge yinene yinene, nwakulikwita maji a lupembo mubema, alioze kunushi kwivwa kubihia hakutwala ku kwonona cha Aisraele.

Malaki 3:5

Mwene Zambi Mukwa Ndundo Jeswe kanambe ngwenyi: “Mungukasoloka mukachi kenu ni kunubatwila, mungukalimika ni akwa kupanda wanga, ni yitanji, ni akwa kulenya, ni waze akwiya fweto ya akwa milimo, ni waze akubinjisa mapwo waze haanafwisa malunga ni ana a shiwa ni yilambala, eswe waze keeshi kungulemesa.

Kwalula 21:33

Hohene Aisraele yaatewuluka, yaaya mu jila ya kuya ku chifuchi cha Bashane. Mba mwanangana Oge wa ku Bashane yatuhuka hamwe ni tujita twenyi ha kwasa no jita ku limbo lia Edrei.

Shimbi 24:14

“Kanda numwesa chiswale lamba hanji mukwa milimo yoze unahono, chibwe kali usoko we Kaisraele, hanji chilambala yoze watwama mu limbo lia ku membo jenu.

Shimbi 28:33

Limwe vungu lia yilambala maakambata mbuto jenu jeswe jize nwahondanganyine hanga yitatuke, alioze kunuchi katambula ko Chuma nichimwe. Makanumwesa lamba ni kunulinga chibi kuhiana.