Amose 3:9 - Mukanda Wa Zambi 1970

⁹ Ambulwilenu waze atwama mu mazuwo ja mawanangana mu chifuchi cha Egiptu ni mu limbo lia Ashdode ngwenu: “Kungulukenu ha milundu yize yinajingilika Samaria, hanga nukevwe chizungozungo, nukamone chize akubinda.”

MUKANDA USANDU WA ZAMBI 1975

⁹ Ambululenu mu mbonge ja Ashedode ni mu mbonge ja chifuchi cha Engitu ngwenu, Kungulukenu ha milundu ya Samaria nukamone chizungozungo muli ayo ni we upinjiso hakachi ko.

Amose 3:9 Iomraidhean Croise

2 Samuel 1:20

Kanda nuchambujola mu limbo lia Gate chibwe mu majila ja Ashkelone. Kuchina mapwo ja Afilistia maawahilila, kuchina ana mapwo ja yilima meevwa chiseke.

Yishima 1:13

Mutuwana ko ubite weka ni weka hanga tuzalise mazuwo jetu ni yuma ya kububa!

Yishima 11:16

Atu maalemesa pwo mukwa vumbi, alioze pwo mubi sonyi mevwa. Mukwa ngwaza kechi kubwa ni mbongo, alioze mukwa kuhondangana kumabwa pichi.

Longeshi 4:1

Mba yingutala nawa uhenge weswe wa hano hashi. Akwa lamba te kaakulila, wakuhi yoze wakwalembejeka. Niumwe kechi kwakwasa, mumu waze akwamwesa lamba kaahiana tachi.

Jeremia 31:5

Munukatumba nawa minda ya vinyu ha mulundu wa Samaria; atu waze maakayilima maakalia mihuko yayo.

Jeremia 46:14

“Ambujolenu mu membo ja Egiptu, Migdole, ni Memfise, ni Tapane ngwenu: ‘Lulikenu jita; eswe munukafwa mu jita!

Jeremia 50:2

“Alweze akwa vungu sango jaha! Jambujole! Lweza chinyingi, wambujole sango! Kanda ujisweka! Babilone halimbuka! Marduke zambi yenyi kanatatajala! Mahamba ja Babilone heevwa sonyi, tuponya twenyi haawonda!

Ezekiel 36:8

Alioze ha milundu ya Israele mitondo muyikatatwisa nawa mitango yayo ni kunwimina mihuko, yenu atu jami Aisraele. Hasala hakepe nuhiluke ku chifuchi chenu.

Ezekiel 37:22

Mungukaapwisa vungu limuwika mu chifuchi, ha milundu ya Israele. Maakabwa ni mwanangana umuwika, keechi kalihandununa nawa mavungu aali hanji kuhandununa wanangana waali.

Hosea 7:1

“Muze nakuzanga kuwuka atu jami Aisraele ni kwawahisa nawa, hindu nakumona lume ungulungulu wo ni yibi yize akulinga. Kaakuhanjeka mahuza mukachi ko, kaakulokola mazuwo ni kwiya, kaakwiya yuma ya atu mu majila.

Amose 1:8

Mungukachiza akwa kuyula a mu membo ja Ashdode ni Ashkelone. Mungukamwesa akwa limbo lia Ekrone lamba, akwa Filistia waze haasala eswe kumaakafwa.”

Amose 4:1

Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

Amose 5:11

Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Amose 6:1

Lamba lienu waze nwatwama nikwoloka mu limbo lia Zione! Lamba lienu waze nwakunyonga ngwenu, nuli mu uhwimino mu limbo lia Samaria. Lamba lienu yenu malunga alemu a mu chifuchi chino chilemu Israele, kuli waze kwakwizaza atu ha kwakwasa!

Amose 6:3

Kunushi kutayiza ngwenu, lamba mulikeza, alioze ku yitanga yenu nwakutayiza kwonona.

Amose 8:6

Tulanjise yiswaswa ya mbuto ni ndando yinji. Tufupenu chiswale yoze kahashile kufweta kongo lienyi, chibwe ndando ja sapato jaali, hanga tumulande ngwe kabinji.”

Mika 6:10

Mu mazuwo ja yingulungulu kumuli ubite uze atambwile ni uhenge. Kaakulinga ni yeseko ya mahuza, yuma ngwe yize nakuyivutwokela.

1 Samuel 5:1

Muze Afilistia haatambula mushete wa Usendo wa Zambi ni atu, yaauchiza ku limbo lia Ebenezere, yaautwala ku limbo lio Ashdode