Amose 3:2 - Mukanda Wa Zambi 1970

² Ngwenyi: “Hakachi ka mavungu eswe a hashi, shina yenu wika natongwele ni kunufunga. Ha chino milonga yenu yili yikalu, kashika mungukanumwesa lamba.”

MUKANDA USANDU WA ZAMBI 1975

² Hakachi ka minyachi yeswe ya hashi yenu wika hinanunyingika, kashika mungukanwaha kastigu mumu ha uhenge wenu weswe.

Amose 3:2 Iomraidhean Croise

Ubutukilo 10:32

Mavungu wano eswe kaali mavungu a Noa nikulita ni chize asemukine ni chize amwanganyine hashi heswe. Akwa hashi eswe kaali mavungu ja ana ja Noa.

Ubutukilo 18:19

Hinatongola Abrahama hanga akalweze ana jenyi ni vungu lienyi ngwenyi, chaatamba kufunga Shimbi jami, ni kulinga yuma yibema ni ya ululi. Nyi maachilinga mungumanununa yeswe yize namwambile.”

Miaso (Masamu) 147:19

Kakulweza manyonga jenyi kuli Yakoba, kakuhana longeso lienyi ni Shimbi jenyi kuli Israele.

Kutuhuka 32:34

Haliabwila yako utwale atu kuze nakulwezele. Kanda uvulama kanganda kami mabwa hamwe ni yena, alioze ha matangwa a kulutwe mungubatwila atu wano mumu ha mulonga wo.”

Izaya 63:19

Kuwakututala ngwe kuwabwile ko mukwa kutuyula, ngwe yetu kutwabwile ko atu je.

Jeremia 1:15

mumu ngunatambika mavungu eswe a ku norde hanga eze. Mianangana jo kumaakasa yitwamo yo ku yikolo ya Yerusaleme ni kujingilika yipanga yenyi, ni kujingilika nawa yihunda yikwo ya mu chifuchi cha Yuda.

Jeremia 10:25

Mavungu waze keeshi kukuwayila evwile kama ufwatulo, waze akulituna yena. Haanashiha atu je; haanatunongesa upu, haanenyeka chifuchi chetu.

Jeremia 11:22

Mba Mwene Zambi Mukwa Ndundo Jeswe yangwamba ngwenyi: “Mungwamwesa lamba! Akweze jo maakafwila mu jita ni ana jo maakafwa ni zala.

Jeremia 13:21

Kuchi muukamba muze atu waze wanyongene ngwe kaali masepa je, haakukumba ni kaanakuyulu? Kumuubwa ni lamba ngwe pwo yoze unambe kusema.

Jeremia 14:10

Mwene Zambi kanambe hakutwala kuli atu wano ngwenyi: “Kaanazange kungwehuka, kaasolo kulihumikiza. Kashika Chishi kuwahilila no. Kumungwiwuluka yibi yize haanalingi ni kwamwesa lamba mumu ha milonga yo.”

Jeremia 9:25

Mwene Zambi hanambe ngwenyi: “Tangwa kulineza lize mungukamwesa akwa Egiptu lamba, ni Ayuda, ni Aedome, ni Aamone, ni Amoabe, ni atu waze akutwama mu puya, waze akukamba kambu jo. Mavungu wano eswe kaali yilima, alioze keeshi kufunga Usendo wami. Atu wano eswe chibwe Aisraele keeshi kufunga Usendo wami.”

Ezekiel 5:9

Mumu hinwalinga yuma yeswe yize nakuvutwokela, mungunumwesa lamba yenu akwa Yerusaleme, lize kanda ngumwesa kama nilimwe tangwa, lize chichi kalimwesa nawa atu.

Ezekiel 9:6

Shihenu makulwana, ni akweze, ni ana mapwo, ni amama, ni ana. Alioze kanda nukwata niumwe yoze uli ni mufunda ha huma. Butulenu kuno ku zuwo lia Zambi.” Mba yaabutuka ni miata waze te anamana ku zuwo lia Zambi.

Daniel 9:12

Hiunalingi yize wambile kutulinga yetu ni akwa kuyula jetu. Hiwamwesa Yerusaleme lamba kuhiana lize lia membo akwo hano hashi.

Hosea 2:13

Mungukamumwesa lamba mumu ha matangwa waze anguvulamine muze ochelele hamba Bale yitumbo ya vumba libema, ni muze azalile yingeliengelie yenyi, ni muze akawile masepa jenyi. Yami Mwene Zambi nachamba.

Hosea 5:3

Ngunanyingika chize abwa Aisraele, kaahashile kuswama ku meso jami. Haanalingi utanji, kaalitele ni kunguwayila.”

Hosea 8:13

Kaakungulambula milambu ni kulia yifwo. Alioze yami Mwene Zambi Chishi kuwahilila nayo. Kashika mungukewuluka milonga yo ni kwamwesa lamba. Muhaahwa! Mungukaahilwisa nawa ku chifuchi cha Egiptu!

Hosea 9:9

Kujakangana! Kaali abi kuhiana, ngwe chize abwile ku limbo lia Gibea. Eeche! Zambi kumewuluka uhenge wo ni kwamwesa lamba.

Amose 2:4

Mwene Zambi kanambe ngwenyi: “Atu a mu chifuchi cha Yuda haanavulumuna nawa ni nawa, chamwenemwene mungukaamwesa lamba. Mumu haanalelesa longeso liami, kaafungile ko Shimbi jami. Mazambi a mahuza, waze tushakulu two alingile, haanaapiangula.

Amose 3:3

Atu aali maahasa kwenda hamuwika nyi kaalitesele, nyi?

Amose 6:1

Lamba lienu waze nwatwama nikwoloka mu limbo lia Zione! Lamba lienu waze nwakunyonga ngwenu, nuli mu uhwimino mu limbo lia Samaria. Lamba lienu yenu malunga alemu a mu chifuchi chino chilemu Israele, kuli waze kwakwizaza atu ha kwakwasa!

Mika 2:3

Kashika Mwene Zambi kanambe ngwenyi: “Ngunalulika kunumwesa lamba, kunuchi kuhasa kulichina. Kumunubwa mu ubinjilo, mba kunuchi kwenda nawa nikulisuta nihakepe.

Nahume 3:4

Ninive, chitanji, kaanamumwesa lamba. Hasesumwisa atu, haashihisa ni ubeme wenyi, hapiangula mavungu ni kwanjisa mu undungo.

Yilinga 17:26

Mwenawo watangile mavungu eswe a hashi kuli mutu umuwika. Neye yaamwanga hashi heswe, yaalulikila shimbu kanda, miaka ya kutwama cho ni ngiza ja yifuchi muze maakatwama.

A-ROMA 2:9

Lamba ni kubinda muyikabwa hali eswe waze akulinga yibi, hatangu hali Ayuda, ni hali mavungu akwo nawa.

1 Korintu 8:3

Alioze yoze wakuzanga Zambi, Zambi neye kakumunyingika.

Shimbi 10:15

Alioze Mwene Zambi yazanga tushakulu twenu kuhiana. Kashika yatongola yenu hi atu akwo ko. Ndoo ni musono nuli atu jenyi.

Shimbi 26:18

Musono Mwene Zambi hanutayiza kubwa lume atu jenyi ngwe chize anulakenyene; hanwamba ha kwononokena Shimbi jenyi jeswe.

Shimbi 32:9

Alioze yalitongwela vungu lia Yakoba kubwa lume nienyi.

Shimbi 4:32

“Achinyongenu ha yuma yikulu, ha miaka yize te kanda nuchisemuka muze Mukulu Zambi atangile atu, Hengulenu hashi heswe. Hikunabu kama chimwe Chuma chinene ngwe chino, nyi? Kuli umwe yoze hanevu kama Chuma ngwe chino, nyi?

Shimbi 7:6

Lingenu chino mumu nuli a mbala a Mwene Zambi, Zambi yenu. Yanutongola hakachi ka atu eswe hano hashi ha kubwa lume atu jenyi.

1 Petulu 4:17

Tangwa hiliaheta lize Zambi mabutula kubatwila atu. Hatangu mabatwila atu jenyi. Nyi yetu tuli atangu waze mabatwila, kuchi muchibwa kuli waze akulituna kufuliela Sango Jibema ja Zambi?