Amose 2:9 - Mukanda Wa Zambi 1970

⁹ “Malunga ja mu chifuchi cha Amore kusuhwa cho ngwe mutondo sedru, tachi jo ngwe mutondo shene. Naashihile eswe mumu hali yenu Aisraele.

MUKANDA USANDU WA ZAMBI 1975

⁹ Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Amose 2:9 Iomraidhean Croise

Ubutukilo 15:16

Chisemuko che cha muchiwana maakahiluka nawa ku chifuchi cho, mumu chichi kahuma akwa Amore ndoo muze uvulumwino wo muukoka, mba mungukaamwesa lamba.”

Jobe 18:16

Miji yenyi kushi yinomu; mitango yenyi kwilu yinomu.

Kutuhuka 3:8

Hinahulumuka hanga ngwapulule ku moko ja akwa Egiptu, ni kwatwala mu chifuchi chinene, chibema, ni cha chinuno. Akanana, ni Ahite, ni Aamore, ni Aperize, ni Ahive, ni Ajebuse, enoo atwama mu chifuchi chize haliabwila.

Kutuhuka 34:11

Funga Shimbi jami jize ngunakwehe musono. Mungukahuma Aamore, ni Akanana, ni Ahite, ni Aperize, ni Ahive, ni Ajebuse kulutwe lie.

Izaya 10:33

Mwene Zambi Mukwa Ndundo Jeswe maaholola hashi ngwe chize akuholola mitango ya mutondo. Atu alemu ni akwa kulengumuka kumaakabatwola ni kwahombola.

Izaya 5:24

Kashika ngwe chize kahia kakulalisa yiswaswa ni mwambu umu Chenacho miji yenu muyikabola ni yitemo yenu muyikalukumuka, ni kuhehuka ni fuji, mumu hinunehuka longeso lia Mwene Zambi Mukwa Ndundo Jeswe, Zambi Munangi wa Aisraele.

Ezekiel 17:9

“Kashika yami Mwene Zambi ngunahula ngwami, muvinyu muutatuka, nyi? Tela mutangu kechi kutukula miji yawo, ni kuulukumuna mihuko, ni kumakwona mitango, ni kuumisa, nyi? Chibwe keeshi tachi, chibwe hi anji ko, maahasa kuutukula.

Malaki 4:1

Mwene Zambi Mukwa Ndundo Jeswe kanambe ngwenyi: “Tangwa kulineza lize mulikabwa ngwe lutengo wa kahia. Mba akwa kulengumuka ni yingulungulu maakawema ngwe mwambu. Mitango ni miji niyimwe muyikasala.

Kwalula 32:13

Mwene Zambi yevwila atu ufwatulo, yeendanganyisa mu puya miaka makumi awana, ndoo ni muze Chisemuko cheswe chize alitachikile ni Zambi ahwile ni kufwa.

Shimbi 1:28

Mumu yika chatutamba kuya? Akwetu haatulekumwisa liakulu nikwamba ngwo: Atu jako kaanatuhiana tachi, ni kusuhwa, kaatwama mu membo a kukoleka, yipanga yo kuyaheta ndoo mwilu. Yitumona nawa vungu lia Aanake, atu ataluka!’

Shimbi 3:11

(Mwanangana Oge mwe wakusula wa kuli akwa Refaime. Kusuhwa cha muhela wenyi, metro jiwana, wakulinga ni utale, kutohwa chawo hehi ni metro jaali nikulita ni yeseko yize akwesekela nayo ha matangwa waze. Muhela wenyi kuuli mu Raba limbo lia Aamone, ndoo ni musono.)

Yoshua 10:12

Ha tangwa lize Mwene Zambi akwashile Aisraele kukumba Aamore, Yoshua yahanjika ni Mwene Zambi. Ku meso ja Aisraele yamba ngwenyi: “Yena tangwa, mana lume ha limbo lia Gibeone; yena kakweji, mana ha chikulo cha Ajalone.”

Yoshua 3:10

Muze munuya kulutwe, Zambi manuhangila Akanana, ni Ahite, ni Ahive, ni Aperize, ni Agirgashe, ni Aamore, ni Ajebuse. Mununyingika ngwenu, Zambi ya mwono kali mukachi kenu,