Amose 2:7 - Mukanda Wa Zambi 1970

⁷ Kaakuliata atu alelu ni yiswale, ni kwahuma. Tata ni mwanenyi wa lunga kaakubomba ni mwana pwo umuwika, kabinji. Chenacho akulelesa jina liami lia chijila.

MUKANDA USANDU WA ZAMBI 1975

⁷ Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 2:7 Iomraidhean Croise

2 Samuel 12:14

Alioze mwe mwana yoze kumakafwa mumu hiwalelesa Mwene Zambi ha chize walinga.”

1 Yitanga Ya Mianangana 21:4

Ahabe yalikasa wuli, yevwa chinyengo kuhiana muze hewwa maliji waze, yanjila mu zuwo, yabomba ha muhela, yatala kunyima, yalituna kulia.

Yishima 28:21

Hi chibema ko kubwa ni katonde. Alioze ngaji akwo kaakulinga chibi ni kutambula mbongo ja mbenga chibwe jikepe.

Izaya 10:1

Lamba lienu! Yenu nwakusa Shimbi ja uhenge ni kubinjisa atu jami.

Izaya 10:2

Chenacho nwakukinda yiswale kanda abwa mu uhwimino ni kanda abatwila ni ululi. Ngwe chino nwakwanda yuma ya mbala ya mapwo waze haanafwisa malunga ni ana a shiwa.

Izaya 3:14

Mwene Zambi kananeha makulwana ni miata ja atu jenyi ku chisopelo. Ngwenyi: “Hinwatukula minda ya vinyu, mazuwo jenu kaanazala ni yuma yize nwabubile kuli yiswale.

Izaya 3:15

Mumu yika nunakafwenya atu jami ni kubinjisa yiswale? Chenacho anambe Mwene Zambi Mukwa Ndundo Jeswe.”

Ezekiel 22:11

Akwo kaakulinga utanji ni mapwo ja enyembo jo, akwo kaakulumbula atembwa anoo hanji mandumbu jo a kuli atato.

Ezekiel 36:20

Kuze kweswe ayileyile, yaakolesa jina liami lia linanga sonyi, mumu te atu kaakuhanjeka ngwo: ‘Atu wano kaali atu ja Zambi, alioze iye yaakatwisa mu chifuchi chize aahele.’

Hosea 4:14

Chibwe chocho chichi kwamwesa lamba, mumu ni yenwene mahako ja Zambi nwakuya ku mazuwo ja mazambi eka ni kulinga utanji ni yitanji waze atwama ko, nwakulambula milambu hamwe no. Ngwe chize chishima chinambe ngwo: ‘Atu waze keeshi mana maakoonona.’

Alevi 18:15

Kanda ulimona ni tembwa mwane, mumu kali pwo lia mwane.

Alevi 18:21

Kanda ulambula mwane niumwe kuli zambi Moleke. Nyi ka, kuwatuka Mwene Zambi, Zambi ye.

Alevi 18:8

Kanda ulimona ni pwo mweswe wa tatenu. Nyi ka, muuvwisa tatenu sonyi.

Alevi 20:3

Nyi umwe malambula mwanenyi kuli zambi Moleke ni kubihisa zuwo liami lia chijila ni kukolesa sonyi jina liami, mungulimika nenyi, chichi kumwalula nawa mukachi ka atu jami.

Amose 4:1

Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

Amose 5:11

Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Amose 5:12

Ngunanyingika milonga yenu yinji ni kwoka cha shili yenu. Nwakuhungumiona atu abema, nwakutambula sambilo ya uhenge, nwakulituna kubatwila yiswale ni ululi.

Amose 8:4

Banjikenu, yenu nwakuliata akwa kuhona, ni kufupa kunongesa yiswale mu chifuchi.

Mika 2:2

Muze akwivwa lwahu wa minda, kaakuyifutukila. Muze akwivwa lwahu wa mazuwo, kaakwatambula. Chibwe akwa jiko ni yuma ya mutu kuyishi kubwa kanawa.

Mika 2:9

Nwakuhuma mapwo ja atu jami akatuke ku mahio kuze heejilila; nwakukinda ana jo kutambula yiwape yami.

Zefania 3:3

Akwa lutwe jenyi kaali ngwe tambwe waze anahiohio. Ngaji jenyi kaali ngwe tungunga waze anevu zala, akwa lwahu kuhiana, keeshi kululika chifwaha nichimwe ndoo chichamene.

A-ROMA 2:24

Ngwe hichinasonewa mu Mukanda wa Zambi ngwo: “Mavungu akwo kaakutuka jina lia Zambi mumu hali yenu Ayuda.”

1 Korintu 5:1

Atu eswe kaanachambulula ngwo, utanji uli hakachi kenu, utanji ngwe uze keeshi kuulinga chibwe hakachi ka waze hi akwa Kristu ko. Mumu kaanambe ngwo, umuwika hakachi kenu kali ni pwo lia tato.