Amose 2:5 - Mukanda Wa Zambi 1970

⁵ Kashika mungukatuma kahia mu chifuchi cha Yuda, ni kwocha mazuwo akolo mu limbo lia Yerusaleme.”

MUKANDA USANDU WA ZAMBI 1975

⁵ Chocho mungutuma kahia hali Yunda mukalalisa mbonge ja Yerusaleme.

Amose 2:5 Iomraidhean Croise

1 MIANANGANA 25:9

Yocha zuwo lia Mwene Zambi, ni lia mwanangana, ni mazuwo ja atu alemu eswe a mu limbo.

Jeremia 17:27

Alioze angwononokene ni kufunga tangwa lia kuhwima mumu lili lia chijila. Kanda anjila ni yuma yilemu mu yikolo ya Yerusaleme ha tangwa lize, mumu nyi maachilinga, mungwocha yajilo ya Yerusaleme, ni mazuwo ja mianangana mu Yerusaleme, niumwe kechi kahasa kusala mo.”

Jeremia 21:10

Hingunabatula ngwami, chichi kulamwina limbo lino, alioze shina kulienyeka. Mungulikunjika mu moko ja mwanangana wa Babilonia, mwe maliocha. Yami Mwene Zambi nachamba.”

Jeremia 39:8

Muze akwa Babilonia hoocha zuwo lia mwanangana ni mazuwo eswe ja atu, yaabuzula yipanga ya Yerusaleme.

Jeremia 52:13

Yocha zuwo lia Zambi, ni lia mwanangana, ni mazuwo ja atu alemu eswe a mu limbo;

Hosea 8:14

“Aisraele haatunga mazuwo anene abema, Ayuda no haatunga membo akukoleka. Alioze haavulama kwo Tangi yo. Mungukocha mazuwo jo ni membo jo.”

Amose 1:4

Kashika mungukocha zuwo lia mwanangana Hazaele ni yipanga yakukoleka yize yalijingilika atungile mwanenyi mwanangana Benhadade.

Amose 3:11

Kashika umwe mukwa kole makajingilika chifuchi cho, makabuzula yipanga yo, makanda yuma ya mu mazuwo jo anene anene.”

Amose 3:15

Mungukabazula mazuwo anene ni akepe, mazuwo a kuhenyesa ni mazo a njamba, mazuwo eswe lume.”

Amose 7:4

Mwene Zambi yangulweza Usolwelo ukwo. Namumwene te kanalulika kahia ka kumwesa atu jenyi lamba. Ke kahia te hikalilala ha kalunga lwiji, hikabutuka kwocha hashi.