Amose 2:3 - Mukanda Wa Zambi 1970

³ Mungukashiha mwe mwanangana wa Moabe ni akwa kuyula eswe a mu chifuchi chize.”

MUKANDA USANDU WA ZAMBI 1975

³ Munguteta mukwa kuyula hakachi ko, mungukashiha alemu eswe hamwe nenyi. Chocho kanambe Yehova.

Amose 2:3 Iomraidhean Croise

Jobe 12:21

Akwa tachi kakwakolesa sonyi, kakuzeyesa akwa kuyula.

Miaso (Masamu) 141:6

Muze akwa kuyula jo maakaalimbwisa ku milundu, mba atu maakatayiza ngwo, yize te nakwamba yili yamwenemwene.

Miaso (Masamu) 2:10

Haliabwila yenu mianangana ngubanjikenu, yenu akwa kuyula a hashi kanyamenu.

Izaya 40:23

Kakukehesa akwa kuyula a tachi, kakwapwisa amokomoko.

Jeremia 48:25

Lumbinga lwa Moabe haalubalwola; tachi jenyi hijahwa. Yami Mwene Zambi nachamba.”

Jeremia 48:7

“Amoabe, nwajikijilile ha tachi jenu ni ha ubite wenu, alioze haliabwila ni yenu nawa maanukumba; zambi yenu Chemoshe maamutwala mu undungo, hamwe ni mianangana ni mahako jenyi.

Amose 5:12

Ngunanyingika milonga yenu yinji ni kwoka cha shili yenu. Nwakuhungumiona atu abema, nwakutambula sambilo ya uhenge, nwakulituna kubatwila yiswale ni ululi.

Amose 5:7

Makanumwesa lamba, yenu waze nwakuhengesa ubatwilo, waze kunushi kutayiza usambiso wa atu!

Amose 6:12

Tuvwalu kaakuzomboka ha yimawe, nyi? Atu kaakulima ni ngombe ha kalunga lwiji, nyi? Alioze yenu hinwalumuna ubatwilo uze unalite kubwa ulembe, ni ululi kubwa uhenge.

Kwalula 24:17

Ngunatale kulutwe, ngumone vungu lia Israele. Umwe mwanangana, ngwe lutongonoshi wa kutemuka, makavumbuka mu vungu lia Israele; ngwe mutumbu yoze unakatuka kuli Israele. Makalamba miata ja Moabe, makalimbwila Asete eswe.