Amose 1:7 - Mukanda Wa Zambi 1970

⁷ Kashika mungukocha chipanga cha Gaza, ni mazuwo jo akolo eswe.

MUKANDA USANDU WA ZAMBI 1975

⁷ Chocho mungutuma kahia ha chipanga cha Ngeza mba mukalalisa mbonge jako.

Amose 1:7 Iomraidhean Croise

1 MIANANGANA 18:8

Yakumba Afilistia yabuba yuma ya mu membo jo, chize ku yihunda ndoo ku membo anene anene, yachinga ko Gaza ni che chifuchi cheswe cha kujingilika.

2 Sango Ja Mianangana 26:6

Mwanangana Uzia yasa jita ni Afilistia. Yabuzula yipanga ya membo ja Gate, ni Jaminia, ni Ashdode, yatunga membo akukoleka hehi ni Ashdode ni mu chifuchi cheswe cha Afilistia.

Jeremia 47:1

Shimbu te mwanangana wa Egiptu kanda achasa jita ni limbo lia Gaza, Mwene Zambi yanguhanjikisa hakutwala kuli Afilistia,

Jeremia 47:5

Akwa Gaza kaali ni yinyengo yinji, akwa Ashkelone kaanaholo kuluu. Matangwa angahi Afilistia maalila?

Ezekiel 30:8

Muze mungukocha chifuchi cha Egiptu ni tujita twenyi eswe kumaakafwa, mba maakanyingika ngwo, yami nguli Mwene Zambi.

Ezekiel 39:6

Mungukatuma kahia mu chifuchi cha Magoge ni ku mbumbulu ya kalunga lwiji kuze atu atwama mu uhwimino. Mba atu eswe maakanyingika ngwo, yami nguli Mwene Zambi.

Amose 1:4

Kashika mungukocha zuwo lia mwanangana Hazaele ni yipanga yakukoleka yize yalijingilika atungile mwanenyi mwanangana Benhadade.

Amose 1:6

Mwene Zambi kanambe ngwenyi: “Atu a mu limbo lia Gaza haanavulumuna nawa ni nawa, chamwenemwene mungukaamwesa lamba. Mumu alanjishile atu anji kuli akwa chifuchi cha Edome.

Amose 1:8

Mungukachiza akwa kuyula a mu membo ja Ashdode ni Ashkelone. Mungukamwesa akwa limbo lia Ekrone lamba, akwa Filistia waze haasala eswe kumaakafwa.”

Zefania 2:4

Niumwe masala mu limbo lia Gaza. Limbo lia Ashkelone mulialumuka yikulu. Akwa limbo lia Ashdode maahuma ha shimbu likepe, akwa Ekrone maahumina mu limbo lio.

A-ROMA 12:19

Akwetu akwa Kristu, kanda nulikalila milonga yenwene, alioze mwechelenu Zambi akale milonga iye mwene. Mumu hichinasonewa mu Mukanda wa Zambi ngwo: “ ‘Yami mungukakala milonga, yami mungukafwetesa yibi,’ Chenacho anambe Mwene Zambi.”

Shimbi 32:35

Mwene Zambi makaakala, ni kumwesa akwa kole lamba. Tangwa muukeza lize maakalimbuka; tangwa lia lamba lio hiliakundama.