Amose 1:6 - Mukanda Wa Zambi 1970

⁶ Mwene Zambi kanambe ngwenyi: “Atu a mu limbo lia Gaza haanavulumuna nawa ni nawa, chamwenemwene mungukaamwesa lamba. Mumu alanjishile atu anji kuli akwa chifuchi cha Edome.

MUKANDA USANDU WA ZAMBI 1975

⁶ Yehova kanambe ngwenyi, Mumu ha milonga yitatu ya Ngeza hanji yiwana, chichi kahilwisa kastigu, mumu ambachile ku unjize vungu lia muwundu akaakunjike ku Endome.

Amose 1:6 Iomraidhean Croise

2 Sango Ja Mianangana 28:18

Ha matangwa waze ene Afilistia yaalwa membo a ku mindundena ku chitokelo ni membo a ku sude mu Yuda. Yaatambula membo ja Bete Shemese, ni Aijalone, ni Gederote, ni Soko, ni Timna, ni Gimzo ni ye yihunda yo, yaatwama mo.

Jeremia 47:1

Shimbu te mwanangana wa Egiptu kanda achasa jita ni limbo lia Gaza, Mwene Zambi yanguhanjikisa hakutwala kuli Afilistia,

Ezekiel 35:5

“Yena te wakubwa mukwa kole wa Israele, yiutayiza akwa kole kushiha atu jenyi mwaka wenyi wa lamba, mwaka uze aamwesene lamba mumu ha milonga yo.

Joele 3:4

“Yenu akwa membo ja Tiru ni Sidone, ni yenu akwa yifuchi ya Afilistia, yika nunambe kungulinga?

Joele 3:6

Hinunatwala Ayuda ni akwa Yerusaleme kusuku ni chifuchi cho, hinunaalanjisa kuli Agresia.

Amose 1:11

Mwene Zambi kanambe ngwenyi: “Atu a mu chifuchi cha Edome haanavulumuna nawa ni nawa, chamwenemwene mungukaamwesa lamba. Mumu haanashiha anakwo, Aisraele, keevwilile ko keke. Kaali ni utenu unji, ni ufwatulo wa miaka yeswe.

Amose 1:3

Mwene Zambi kanambe ngwenyi: “Atu a mu limbo lia Damasku haanavulumuna nawa ni nawa, chamwenemwene mungukaamwesa lamba. Haanalingi yibi yinji ni uswii kuli atu a mu chifuchi cha Gileade.

Amose 1:7

Kashika mungukocha chipanga cha Gaza, ni mazuwo jo akolo eswe.

Amose 1:9

Mwene Zambi kanambe ngwenyi: “Atu a mu limbo lia Tiru haanavulumuna nawa ni nawa, chamwenemwene mungukaamwesa lamba. Mumu atwalile akwa chifuchi eswe mu undungo mu chifuchi cha Edome. Kaafungile ko Usendo uze akolesele.

Obadia 1:11

Muze akwa kole anjilile ni tachi ku yikolo ya Yerusaleme, muze abubile ubite wa lie limbo, ni yenu te kwe nunamana, yinuchimona; ni yenu nwabwile ngwe ayo.

Zakaria 9:5

Limbo lia Ashkelone kumaakachimona, maakevwa woma. Limbo lia Gaza no kumaakabinda ni lamba. Aekrone no keechi kabwa ni Chuma cha kusa mbunge. Gasa kumaakatokesa mwanangana wo, mu Ashkelone mumukabwa mwahululu.

Yilinga 8:26

Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)

1 Samuel 6:17

Afilistia yaatuma yivunda yize yitano ya oru ngwe mulambu wa yibi yo mumu ha membo wano: Ashdode chimuwika, ni Gaza chimuwika, ni Ashkelone chimuwika, ni Gate chimuwika, ni Ekrone chimuwika.