Amose 1:5 - Mukanda Wa Zambi 1970

⁵ Munguka makwona yajilo ya limbo Damasku. Mungukachiza miata ja chihunda cha Betedene ni atu a mu mbongo ya Avene. Akwa kole maakatwala atu a mu chifuchi cha Siria funge ku chifuchi cha Kire.”

MUKANDA USANDU WA ZAMBI 1975

⁵ Mungumakuna njalo ja Ndamaseku, mungutetaho waze atwama mu chikulo cha Avene; munguteta ku Mbete-Endene mwe mukwa lukanda, ni atu ja Seria maya ku unjize ku Kiri. Chocho kanambe Yehova.

Amose 1:5 Iomraidhean Croise

1 MIANANGANA 14:28

Yitanga yikwo ya mwanangana Jeroboame wa muchaali, ni hamu lienyi lia kwasa jita, ni chize ahilwishile Damasku ni Hamate kuli Aisraele, yeswe haanayisoneka mu mukanda wa Sango ja Mianangana ja Israele.

1 MIANANGANA 16:9

Tiglate Pilesere yalinga nikulita ni liji lia Ahaze, yaya ni tujita twenyi ku limbo lia Damasku, yaakumba, yaashiha mwanangana Rezine, yaatwala atu funge ku Kire.

Izaya 22:6

Tujita a ku chifuchi cha Elame yeeza ha tuvwalu, ni mata jo a kwasa ni mivwi. Tujita a ku chifuchi cha Kire haanalulieka kulu kebwe jo.

Izaya 43:14

Zambi Munangi wa Israele, Mukwa Kukula kanambe ngwenyi; “Mungutuma tujita alimike ni Babilone anulamwine mungumakwona yajilo ya lie limbo; mba kukalumioka cha atu jamo muchalumuka mbimbi.

Izaya 8:4

Shimbu mwana kanda achamba ngwenyi, ‘Tata’ hanji ‘Mama,’ ubite weswe wa mu limbo lia Damasku ni yuma yeswe yize ya mu limbo lia Samaria maakayimbata kuli mwanangana wa Asuria.”

Jeremia 50:36

Akwa munanyi a mahuza afwe kwo, kaali yihepuke! Tujita twenyi afwe kwo, mwongo anevu!

Jeremia 51:30

Tujita twa Babilonia haalitwamina kwasa jita, mumu te keeshi nawa ni hamu, haabwa ngwe mapwo. Yajilo ya limbo haayimakwona, mazuwo kaanalekwoka kahia.

Lungungu 2:9

Yajilo hiyanjila hashi, ni ye yikungo yayo hiyabatwoka. Mwanangana ni e alemu haliabwila kaali mu undungo. Hikeeshi kulongesa nawa Shimbi; akwa munanyi keeshi nawa ni Usolwelo wa kuli Mwene Zambi.

Ezekiel 27:23

Akwa Harane, ni Kane, ni Edene, ni akwa kulanjisa a ku Sheba, ni atu a ku membo ja Ashure ni Kilmade te kaakusepa ni yena.

Ezekiel 30:17

Akweze a ku membo ja Heliopolise ni Bubastise maakafwa mu jita; atu akwo maakaapwisa funge.

Hosea 10:8

Mahamba jo a Avene, ha milundu kuze Aisraele akukombelela, maakabuzula. Mingonga ni yambu yibi muyikatanda he ha yilumbilo yo. Atu maakakololoka ku milundu ngwo: “Tuswekenu kama!” Ni ku mindundena ngwo: “Tufukenu kama!”

Amose 5:5

Kanda nuya ku limbo lia Bersheba mu kuwayila. Kanda nweseka kungufupila ku limbo lia Betele, mumu muchikalumuka chamokomoko. Kanda nuya ku limbo lia Gilgale, mumu atu jamo maakaatwala mu undungo.”

Amose 9:7

Mwene Zambi kanambe ngwenyi: “Aisraele, kuma Chishi kuzanga Aetiopia ngwe chize nakuzanga yenu, nyi? Hi yami ko nachijile Afilistia ku hongo lia Krete ni Asuria ku chifuchi cha Kire, ngwe chize nanuchijile yenu ku chifuchi cha Egyptu, nyi?

Nahume 3:13

Tujita two kaali ngwe mapwo, chifuchi chenu haachijikinyina kuli akwa kole. Yikolo ya chipanga che hiyabwa yawashi. Yikungo ya yajilo ye muyikonyata ni kahia.