Amose 1:3 - Mukanda Wa Zambi 1970

³ Mwene Zambi kanambe ngwenyi: “Atu a mu limbo lia Damasku haanavulumuna nawa ni nawa, chamwenemwene mungukaamwesa lamba. Haanalingi yibi yinji ni uswii kuli atu a mu chifuchi cha Gileade.

MUKANDA USANDU WA ZAMBI 1975

³ Yehova kanambe ngwenyi, Mumu ha milonga yitatu ya Ndamaseku, hanji yiwana, chichi kahilwisa kastigu, mumu hanazungula Ngiliate ni chikungo cha utale.

Amose 1:3 Iomraidhean Croise

1 Yitanga Ya Mianangana 19:17

Mutu yoze makachina Hazaele, mushiha kuli Jehu, yoze makachina Jehu, makamushiha kuli Elisha.

1 MIANANGANA 13:3

Kashika Mwene Zambi yatenukina Aisraele, yaakunjika mu moko ja Hazaele ni mwanenyi Benhadade, mianangana ja Siria hanga aakumbe nawa ni nawa mu jita.

1 MIANANGANA 13:7

Jehoahaze kabwile ko ni tujita shina lume makumi atano waze akwenda ha tuvwalu, ni akwa kwenda hashi 10,000 ni matemba a jita kumi, mumu mwanangana wa Siria yanongesa akwo eswe, yaafwita ngwe fufuta ya hashi.

1 MIANANGANA 16:9

Tiglate Pilesere yalinga nikulita ni liji lia Ahaze, yaya ni tujita twenyi ku limbo lia Damasku, yaakumba, yaashiha mwanangana Rezine, yaatwala atu funge ku Kire.

1 MIANANGANA 8:12

Hazaele yahula Elisha ngwenyi: “Mwata, kuchi mba nunalili?” Elisha yakumbulula ngwenyi: “Mumu ngunanyingika yibi yize muukalinga Aisraele, muukocha membo jo akukoleka, muukashiha akweze jo, muukanyasa ana jo a kemba, muukachacha tufumbakaji.”

Jobe 19:3

Yisuho kumi hinwangushililika; kunushi kwivwa sonyi chize nunangulelesa.

Jobe 5:19

Makakulamwina ku lamba yisuho yisambano, chisuho cha muchishimbiali, chibi kuchichi kakuwana.

Yishima 6:16

Kuli yuma shimbiali yize Zambi akuvutwokela, yize keshi kutayiza: liso lia kulizelula, ni kanwa lia mahuza, ni moko akushiha atu waze keeshi yitela, ni mbunge ya uhenge, ni molu akutambuka aye ni kulinga yibi, ni chela yoze wakulamikiza akwo milonga, ni mutu yoze wakukoka Vunda mukachi ka masepa.

Longeshi 11:2

Tulikila mbongo je kuli akwa milimo eka ni eka, mumu kuwanyingikine chibi chize muchikabwa kulutwe hano hashi.

Izaya 28:27

Keshi kwanda mbulo ha kweta nayo ndila ni nonge alioze kakwanda mitondo yize yilelu azungule nayo.

Izaya 41:15

Mungukupwisa ngwe chikungo cha kuzungula nacho, chize chili ni mbambo jaha. Muukabuzula milundu ni kuyifwenya; mindundena muyikabuzuka.

Izaya 7:16

Chibwe muze mwana kanda achinyingika yibi ni yibema, yifuchi ya mianangana aali waze anakuvwisa mwongo haliabwila muyikapwa ya woya.

Izaya 7:8

Mumu yika? Mumu Siria keshi ni tachi kuhiana Damasku limbo lio lia wanangana, ni Damasku keshi ni tachi kuhiana mwanangana Rezine. Hakutwala ku Israele, ha miaka 65 maakabwa tubinji, kechi kabwa nawa ngwe vungu.

Izaya 8:4

Shimbu mwana kanda achamba ngwenyi, ‘Tata’ hanji ‘Mama,’ ubite weswe wa mu limbo lia Damasku ni yuma yeswe yize ya mu limbo lia Samaria maakayimbata kuli mwanangana wa Asuria.”

Amose 1:11

Mwene Zambi kanambe ngwenyi: “Atu a mu chifuchi cha Edome haanavulumuna nawa ni nawa, chamwenemwene mungukaamwesa lamba. Mumu haanashiha anakwo, Aisraele, keevwilile ko keke. Kaali ni utenu unji, ni ufwatulo wa miaka yeswe.

Amose 1:13

Mwene Zambi kanambe ngwenyi: “Atu a mu chifuchi cha Amone haanavulumuna nawa ni nawa, chamwenemwene mungukaamwesa lamba. Mumu ashile jita ha kutohwesa chifuchi, yaabulabula tufumbakaji a mu chifuchi cha Gileade.

Amose 1:6

Mwene Zambi kanambe ngwenyi: “Atu a mu limbo lia Gaza haanavulumuna nawa ni nawa, chamwenemwene mungukaamwesa lamba. Mumu alanjishile atu anji kuli akwa chifuchi cha Edome.

Amose 1:9

Mwene Zambi kanambe ngwenyi: “Atu a mu limbo lia Tiru haanavulumuna nawa ni nawa, chamwenemwene mungukaamwesa lamba. Mumu atwalile akwa chifuchi eswe mu undungo mu chifuchi cha Edome. Kaafungile ko Usendo uze akolesele.

Amose 2:1

Mwene Zambi kanambe ngwenyi: “Atu a mu chifuchi cha Moabe haanavulumuna nawa ni nawa, chamwenemwene mungukaamwesa lamba. Mumu yaalelesa mwanangana wa chifuchi cha Edome ha kwocha yifwaha yenyi.

Amose 2:4

Mwene Zambi kanambe ngwenyi: “Atu a mu chifuchi cha Yuda haanavulumuna nawa ni nawa, chamwenemwene mungukaamwesa lamba. Mumu haanalelesa longeso liami, kaafungile ko Shimbi jami. Mazambi a mahuza, waze tushakulu two alingile, haanaapiangula.

Amose 2:6

Mwene Zambi kanambe ngwenyi: “Atu a mu chifuchi cha Israele haanavulumuna nawa ni nawa, chamwenemwene mungukaamwesa lamba. Mumu kaakulanjisa akwa ululi waze kaahashile kufweta makongo jo, waze kaahashile kufweta chibwe ndando ya sapato.

Zakaria 9:1

Wano e maliji ja Mwene Zambi: Habatula kumwesa lamba chifuchi cha Hadrake ni limbo lia Damasku Hi mavungu ja Israele wika ko, alioze ni lie limbo lia wanangana lia Siria kaali a mbala a Mwene Zambi.

Zakaria 9:2

Chifuchi cha Hamate, chize chasulangana ni Hadrake, chili nichenyi, ni membo ja Tiru ni Sidone, ni akwa mana jo eswe kaali nienyi.