Amose 1:2 - Mukanda Wa Zambi 1970

² Mukwa munanyi wa Zambi Amose kanambe ngwenyi: “Mwene Zambi kanakulunguza ha mukinda wa Zione, liji lienyi linahiohio ku limbo lia Yerusaleme. Mwambu wa yimuna hiwoma, mashinde ha mulundu wa Karmele haachiluluka.”

MUKANDA USANDU WA ZAMBI 1975

² Yamba ngwenyi, Yehova kanakulunguza ku Zaione, kanahiohesa liji lienyi ku Yerusaleme. Ulilo wa tufunga unalili; helu lia mulundu wa Karmela hanalele.

Amose 1:2 Iomraidhean Croise

Miaso (Masamu) 29:4

Liji lia Mwene Zambi linahiohio ni ndundo jalio ni uhenya walio.

Miaso (Masamu) 46:6

Akwa mavungu kaanevu woma, mawanangana kaananyiki, Zambi kanakulunguza, hashi hanasangunuka.

Yishima 20:2

Chinabeme kwivwila mwanangana chifwatulo woma ngwe chize wakuvwila tambwe yoze unakenana woma. Nyi wamuvwila ufwatulo mahasa kukushiha.

Izaya 33:9

Mu minda keeshi kulima mo nawa; kumushi atu. Usaki wa Libano hiwalela, chikulo cha chinuno cha Sharone hichalumuka puya, mu chifuchi cha Bashane ni ha mulundu wa Karmele mafwo haaholwoka ku mitondo.

Izaya 35:2

Puya muyikemba ni uwahililo; muyikabwa yibema ngwe milundu ya Libano ni ya chinuno ngwe minda ya Karmele ni Sharone. Atu eswe maakamona uhenya wa Mwene Zambi, ni ulemu wenyi, ni ndundo jenyi.

Izaya 42:13

Mwene Zambi kanatuhuka ngwe kajita wa tachi; halilulika kulu ase jita. Kanakololoka, kanakalumioka ni kwasa jita; kanasolola ndundo jenyi ni kulimika ni akwa kole jenyi.

Jeremia 12:4

Chifuchi chetu ndoo tangwa lika muchuma? Mwambu wa mu minda yeswe ndoo tangwa lika muukoma? Tushitu ni tujila kaakufwafwa mumu ha ungulungulu wa atu jetu, e atu kaakwamba ngwo: “Zambi kechi kumona yize twakulinga.”

Jeremia 14:2

“Yuda kanalili; yihunda yenyi yinafu, atu jenyi kaanabombo hashi ni kulinyenga, Yerusaleme kanakololoka hanga amukwase.

Jeremia 25:30

“Yena Jeremia, chatamba kwambujola maliji eswe waze hinahanjika. Chatamba kulweza atu wano ngwe: ‘Mwene Zambi mahanjika ni kukulunguza mwilu, mahanjika ni liji lia tachi mwilu. Kumakulunguza ni kulimika ni atu jenyi; kumakololoka ngwe mutu yoze unaliate mihuko ya vinyu. Akwa hashi eswe kumaamwivwa,

Jeremia 28:8

Akwa munanyi waze ahanjekele ku shakulu shimbu te yami ni yena kanda tusemuka, te kaakwambujola ngwo, jita, ni zala, ni misongo muyikeza hali mavungu ni mawanangana anji.

Jeremia 50:19

Mungukahilwisa Aisraele mu chifuchi cho. Kumaakalia yakulia ya ku mulundu wa Karmele ni ya mu chifuchi cha Bashane. Kumaakalia yeswe yize anazange ya mu yifuchi ya Efraime ni Gileade.

Hosea 11:10

“Atu jami maakangukaula muze mungukatawoka ngwe tambwe kuli akwa kole jo. Maakatuka ku chitokelo ni kwiza fuji kuli yami nikuhwimashana.

Hosea 13:8

Mungukanutumbukila ngwe kashitu munene ursu nyi hamwiya ana, mungukanuhawola. Mungukanulia ngwe chize tambwe akulia kashitu hazehene amukwachilanga. Mungukanubatwola yipinji yipinji ngwe chize akulinga kashitu musasu.

Joele 1:19

Mwene Zambi, ngunalili kuli yena, mumu mwambu ni mitondo yeswe hiyoma chau, ngwe hiyawema kahia.

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Joele 3:16

Mwene Zambi kanakulunguza ha mulundu wa Zione; liji lienyi linahiohio ku Yerusaleme; hashi ni lilu yinanyiki. Alioze kumakafunga atu jenyi.

Amose 9:3

Chibwe akaswame helu lia mulundu wa Karmele, hindu mungukaafupa ni kwakwata. Chibwe akaswame mu mashima a kalunga lwiji, hindu mungukambila kashitu munene ha kwasuma.

Nahume 1:4

Kakwambila kalunga lwiji, mba moma chau! Kakumisa njiji. Yambu ya Bashane yinalele, mulundu wa Karmele unomu, yitemo ya Libano yinalekama.

1 Samuel 25:2

Ku vungu lia Kaleba kwabwile umwe lunga jina lienyi Nabale, wa ku limbo lia Maone. Munda wenyi wabwile hehi ni limbo lia Karmele. Te pichi munene, yabwa ni mapanga 3,000, ni pembe 1,000. Pwo lienyi Abigaile, te chileza ni mukwa malinjekela, alioze mwe Nabale te mubi, chifwatulo. Nabale te kanakambe mapanga jenyi mu Karmele.