Amose 1:11 - Mukanda Wa Zambi 1970

¹¹ Mwene Zambi kanambe ngwenyi: “Atu a mu chifuchi cha Edome haanavulumuna nawa ni nawa, chamwenemwene mungukaamwesa lamba. Mumu haanashiha anakwo, Aisraele, keevwilile ko keke. Kaali ni utenu unji, ni ufwatulo wa miaka yeswe.

MUKANDA USANDU WA ZAMBI 1975

¹¹ Yehova kanambe ngwenyi, Mumu ha milonga yitatu ya Endome hanji yiwana, chichi kahilwisa kastigu, mumu yakaula mwanakwo ni katana nikumbila keke yeswe. Utenu wenyi wapapulwile matangwa eswe; wafungile ufwatulo wenyi wa mutolo.

Amose 1:11 Iomraidhean Croise

2 Sango Ja Mianangana 20:10

“Haliabwila Aamone, ni Amoabe, ni Aedome heeza ni kwasa jita ni yetu. Muze tushakulu twetu atuhukile mu Egiptu, kuwaatayijile ko kunjila mu yifuchi yize. Kashika tushakulu twetu aajingujokele ni kaashihile ko.

2 Sango Ja Mianangana 20:11

Tala chize anatufundulwila toto, heeza ni kutuhuma mu chifuchi chize watuhele.

Miaso (Masamu) 137:7

Mwene Zambi, iwuluka kama chize alingile Aedome, muze akwa kole jetu akumbile Yerusaleme. Iwuluka chize te akwamba ngwo: “Libuzulenu! Libuzulenu! Libuzulenu ni lie fundamentu yalio!”

Miaso (Masamu) 85:5

Muututenukina ndoo ku miaka yeswe, nyi? Utenu we kuuchi kuhwa, nyi?

Longeshi 7:9

Kanda utenuka nikawashi, yihepuke kaakufunga kole.

Izaya 57:16

Atu jami hingunahe mwono, chichi kwasuma mulonga ni kwatenukina ndoo ku miaka yeswe.

Hosea 8:3

Alioze haalituna yuma yibema. Kashika akwa kole jo kumaakaahanga.

Joele 3:19

“Egiptu makabwa puya, Edome makabwa wahululu, mumu ashile jita ni Ayuda, yaashiha waze te keeshi mulonga.

Mika 7:18

Aa Mwene Zambi, kukushi zambi mukwo walifwa ngwe yena. Wakukonekena milonga ya atu je waze asalile ni mwono. Kuushi kutenuka ku miaka yeswe, alioze wakuwahilila ni kutulweza zango lie lize kulishi kuhwa.

Zakaria 1:15

alioze mavungu waze anatwama kanawa mu uhwimino ngunaatenukina. Mumu muze nalihumikijine ni atu jami, e mavungu yaahungumiona kuhiana.

Malaki 1:2

Mwene Zambi kanambila atu jenyi ngwenyi: “Nakunuzanga matangwa eswe.” Alioze ayo kaanahula ngwo: “Ngwe kuchi wakutulweza zango lie?” Mwene Zambi ngwenyi: “Esau ni Yakoba te asongo ni mutu, alioze nakuzanga Yakoba ni vungu lienyi,

Malaki 1:4

Nyi ngwe vungu lia Esau, akwa Edome, maamba ngwo: “Membo heenyeka, alioze mutwatungulula,” Mwene Zambi makumbulula ngwenyi: “Tungululenu koko, hindu mungwabuzula nawa. Atu kumaaluka ho ngwo: ‘Chifuchi cha ungulungulu,’ nawa ngwo: ‘Vungu lize Mwene Zambi akutenukina miaka yeswe.’ ”

Efesu 5:1

Nuli ana waze Zambi anazange. Kashika, mwimbululenu.

Shimbi 23:7

“Kanda nulelesa akwa Edome, mumu kaali usoko wenu. Kanda nulelesa akwa Egiptu, mumu nwabwile yilambala mu chifuchi cho.