Amose 1:1 - Mukanda Wa Zambi 1970

¹ Mukanda uno unalumbununa maliji ja Amose, kafunga ka mapanga, wa ku chihunda cha Tekoa. Zambi yamusolwela yuma yino hakutwala kuli Aisraele, te hikwasala miaka yaali ndoo ku kunyika cha hashi, muze Uzia abwile mwanangana mu chifuchi cha Yuda, ni Jeroboame, mwana wa Joashe, abwile mwanangana wa mu chifuchi cha Israele.

MUKANDA USANDU WA ZAMBI 1975

¹ Maliji ja Amose, aye wapwile hakachi ka tufunga twa mapanga a ku Tekoa; maliji aze amwene ha kutwala kuli Izalele ha matangwa a Uzia mwanangana wa Yunda, ni matangwa a Jeroboame mwana Njoashe mwanangana wa Izalele miaka yiali shimbu munyiko kanda wiza.

Amose 1:1 Iomraidhean Croise

2 Samuel 14:2

Kashika yatuma mutu ku limbo lia Tekoa yatambika umwe pwo, te mukwa mana. Muze mwe pwo haheta ko, Joabe yamwamba ngwenyi: “Soloka ngwe pwo yoze unafwisa, zala mahina je a utuliwa, kanda usakula kambu je. Bwako lume ngwe pwo yoze hahia lunga lienyi miaka yinji.

1 Yitanga Ya Mianangana 19:19

Eliya yakatuka ko, yawana Elisha, mwana wa Shafate, te kanalimi ni ngombe aali akujichika. Kulutwe lienyi yikubwa nawa atu akwo, te analimi ni makanga kumi ni kashi a ngombe aali aali. Eliya yazula kazaku kenyi, yamujika Elisha.

1 MIANANGANA 14:21

Ayuda yaapwisa Uzia mwanangana, te habwa ni miaka kumi ni yisambano.

1 MIANANGANA 14:23

Ha mwaka kumi ni wa muchitano wa kuyula cha Amazia mwana wa Joashe mwanangana wa Yuda, Jeroboame mwana wa Jehoashe yaamupwisa mwanangana wa Israele, yayula ku limbo lia Samaria miaka makumi awana ni kashi

2 Sango Ja Mianangana 20:20

Atu yaalimeneka, yaaya ku puya hehi ni limbo lia Tekoa Muze te anakatuka, mwanangana yaalweza ngwenyi: “Yenu malunga ja Yuda ni a Yerusaleme! Jikijilenu hali Mwene Zambi yenu, mba munujikiza. Fulielenu yize ananulweze kuli akwa munanyi jenyi, mba munukumba.”

Kutuhuka 3:1

Mose te kakufunga yimuna ya Ukwe wenyi Jetro, hako wa ku chifuchi cha Midiane. Yatwala yimuna mu puya, yaheta ku Sinai ku mulundu wa Zambi.

Izaya 1:1

Mukanda uno unalumbununa maliji hakutwala ku chifuchi cha Yuda ni limbo lia Yerusaleme, waze Zambi asolwele kuli Izaya mwana wa Amoze ha matangwa ja kuyula cha Uzia, ni Jotame, ni Ahaze, ni Hezekia mianangana ja Yuda.

Jeremia 1:1

Uno uli mukanda wa maliji waze ahanjikile mukwa munanyi wa Zambi Jeremia wa ku Hilkia, umwe wa ku chihunda cha Anatote mu chifuchi cha Benjamine.

Jeremia 28:8

Akwa munanyi waze ahanjekele ku shakulu shimbu te yami ni yena kanda tusemuka, te kaakwambujola ngwo, jita, ni zala, ni misongo muyikeza hali mavungu ni mawanangana anji.

Jeremia 6:1

Yenu vungu lia Benjamine, Chinenu hanga nulilamwine! tuhukenu mu Yerusaleme! Humunenu chitavwi mu chihunda cha Tekoa, Senu chimwe chinyingi cha kahia mu chihunda cha Bete Hakereme. Lamba ni kwonona kuyinakatuka ku norde.

Jeremia 7:27

“Kashika, yena Jeremia, muuhanjika maliji wano eswe kuli atu jami, alioze keechi kukubanjika; muwaatambika, alioze keechi kukumbulula.

Hosea 1:1

Mukanda uno unalumbununa maliji waze Mwene Zambi ahele Hosea mwana wa Beri ha matangwa ja Uzia, ni Jotame, ni Ahaze, ni Hezekia mianangana ja Yuda, ni Jeroboame mwana wa Jehoashe mwanangana wa Israele.

Amose 7:14

Mukwa munanyi Amose yakumbulula ngwenyi: “Hi nguli mukwa munanyi ko yoze atu akulisa mumu ha milimo yenyi. Nguli kwami kafunga ka yimuna kanda mukwa kutala mitondo mikuyu.

Mika 1:1

Ha matangwa ja Jotame, ni Ahaze, ni Hezekia mianangana ja Yuda, Mwene Zambi yalweza maliji wano kuli Mika, wa ku limbo lia Moreshete. Yamulweza Usolwelo wa yuma yino yeswe hakutwala ku membo ja Samaria ni Yerusaleme.

Zakaria 14:5

Mba munukachinyina mu chingulunga chize muchikahandununa mulundu mu yihanda yaali. Mba ye yimbandwa muyibwa chinyingi cha milimo yo ya munanyi. Munukachina ngwe chize tushakulu twenu achinyine munyiko ha matangwa ja mwanangana Uzia wa Yuda. Mwene Zambi, Zambi yami, makeza hamwe ni tunganda eswe a mwilu.

Mateu 4:18

Muze Yesu te anende ku mbumbulu ya chitende cha Galilea, yamona asongo ni mutu, akwa kutela yishi, Simone (jina likwo, Petulu) ni mwanakwo; Andre, te kaanatela Wanda mu chitende.

1 Korintu 1:27

Alioze Zambi hanatongola yize atu akumona ngwo, ya uhepuke, ha kukolesa sonyi akwa mana. Hanatongola nawa yize yilelu ha kukolesa sonyi akwa tachi.