Alevi 9:3 - Mukanda Wa Zambi 1970

³ Mba lweza Aisraele ande kuji a pembe mumu ha mulambu wa mulonga, ni chimbembe ni panga wa mwaka umuwika, waze keeshi kapalia, mumu ha mulambu wa kwocha,

MUKANDA USANDU WA ZAMBI 1975

³ Amba kuli A-Izalele ngwe, Andenu kuji ya pembe akapwe mulambu ha shili, ni chimbembe ni mwana-panga, eswe ni aali a mwaka umuwika, keshi chipa, akapwe mulambu wa kulumba;

Alevi 9:3 Iomraidhean Croise

Ubutukilo 37:31

Hohene yaashiha kuji a pembe, yaanda kazaku ka Josefe, yaamuchubika mu manyinga.

Ezra 10:19

Yaalakenya kuukula mapwo jo, yaaneha kuji a mapanga mumu ha mulonga wo.

Ezra 6:17

Ha kukunjika lie zuwo yaatambula kuji a ngombe 100, ni mapanga 200, ni ana a mapanga 400. Ha mulambu wa shili yaalambula kuji a pembe kumi ni aali, nikulita ni mavungu ja Aisraele.

Kutuhuka 12:5

Chimuna chize maakalia kuchatambile kubwa ni kapalia. Chatamba kubwa kuji yoze habwa ni mwaka umuwika. Munuhasa kutongola panga hanji pembe.

Izaya 53:10

Mwene Zambi kanambe ngwenyi: “Yami nazangile ngwami, iye amone lamba; kufwa chenyi chabwile mulambu hanga akonekene akwa hashi. Ha chino makamona vungu lienyi; makabwa ni mwono wa miaka yinji, upale wami muukamanunuka mumu hali iye.

Alevi 10:16

Mose yahula hakutwala ku kuji a pembe mumu ha mulambu wa milonga, Muze hevwa ngwo haulambula kulu, yatenukina Eleazare ni Itamare nikwamba ngwenyi:

Alevi 12:6

Muze matangwa jenyi a kulibemesa haamanunuka, chibwe mwana kali wa lunga chibwe wa pwo, akamutwala kuli hako ku chikolo cha zuwo lia Zambi lia makubu, hamwe ni mwana panga wa mwaka umuwika, mumu ha mulambu wa kwocha, ni mwana liembe hanji katele, mumu ha mulambu wa milonga.

Alevi 14:10

Ha tangwa lia muchinake akatwala makuji aali a panga ni chihwo a mwaka umuwika, keeshi kapalia, ni kilo jitatu ja wunga wakuchinga ni maji a olive, ni makumi atatu a sentilitro a maji a olive.

Alevi 16:15

Makabwamuze akashiha mwe kuji a pembe mumu ha mulambu wa milonga ya atu, akambata e manyinga ni kwatwala muma mwa chijila kuhiana, ni kwasapwila homa ha kukukila milonga ni kulutwe lia mushete wa Usendo, ngwe chize halinga ni manyinga a ngombe.

Alevi 16:5

Chikungulwila cha Aisraele akamwaha Arone makuji a pembe aali mumu ha mulambu wa milonga ni kuji a panga mumu ha mulambu wa kwocha.

Alevi 23:12

Ha tangwa lize munukahungisa mulambu wa mbuto chatamba kulambula kuli Mwene Zambi mwana panga wa kuji wa mwaka umuwika, yoze keshi kapalia. Kuuli mulambu wa kwocha.

Alevi 4:23

mba haamulweza we mulonga, mwe mukwa kuyula akaneha mulambu wa kuji a pembe yoze keshi kapalia ha kumulambula.

Alevi 4:3

Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 9:2

Yambila Arone ngwenyi: “Anda chimbembe wa kuji umuwika ni kuji a panga umuwika, waze keeshi kapalia, waalambule kuli Mwene Zambi, chimbembe mumu ha mulambu wa milonga, ni panga mumu ha mulambu wa kwocha.

Alevi 9:4

ni kuji a ngombe ni kuji a panga mumu ha mulambu wa kulivwa ni Zambi. Aalambule kuli Mwene Zambi hamwe ni mulambu wa mbuto wa kuchinga ni maji. Chaatamba kulinga chino mumu Mwene Zambi kumaasolokela musono.”

A-ROMA 8:3

Zambi walingile chize Shimbi ja Mose kujahashile kulinga mumu ha ulelu wa uutu. Yahisa shili ya uutu muze atumine Mwanenyi, yoze wejile ni kulifwa cha uutu wa shili ha kuchiza shili.

2 Korintu 5:21

Kristu kabwile ko ni shili, alioze Zambi yamwaha yilemu ya shili yetu, hanga Zambi atupwise akwa ululi ha kulinunga ni Kristu.

Titu 2:14

Hanalihana iye mwene hali yetu, hanga akatulamwine ku yibi yeswe ni kutupwisa akwa mbunge jibema, atu ja iye mwene wika, akwa tachi ha kulinga yitanga yibema.

1 Petulu 2:24

Kristu iye mwene yambata shili yetu mu mujimba wenyi ha kulusu, hanga tufwe ku shili, ni hanga tubwe akwa ululi. Ku yilonda yenyi hinunahinduka.

1 Petulu 3:18

Mumu Kristu iye mwene hananufwila. Yafwa chisuho chimuwika lume ha kuchiza shili ya atu. Chibwe nuli yivulumunyi, alioze iye Mukwa Ululi, hananufwila ha kunutwala kuli Zambi. Atu yaashiha mujimba wenyi wa uutu, alioze yahinduka nawa ni mwono ni mujimba wa uzambi.

Usolwelo 5:9

E makulwana te kaanembi mwaso Waha ngwo: “Mumu haanakushihi, ni manyinga je hiunalanjila Zambi atu a ku vungu heswe, ni a liji heswe, ni a kuli atu eswe, ni a ku yifuchi yeswe.