Alevi 9:2 - Mukanda Wa Zambi 1970

² Yambila Arone ngwenyi: “Anda chimbembe wa kuji umuwika ni kuji a panga umuwika, waze keeshi kapalia, waalambule kuli Mwene Zambi, chimbembe mumu ha mulambu wa milonga, ni panga mumu ha mulambu wa kwocha.

MUKANDA USANDU WA ZAMBI 1975

² Yamba kuli Arone ngwenyi, Anda chimbembe cha kuji akapwe mulambu ha shili, ni kuji ya panga akapwe mulambu wa kulumba, eswe ni aali keshi chipa, ukaalambule kumeso ja Yehova.

Alevi 9:2 Iomraidhean Croise

Kutuhuka 29:1

“Ukalinga chino ha kukunjika Arone ni ana jenyi a malunga ku milimo ya uhako. Anda chimbembe wa kuji ni makuji aali a panga waze keeshi kapalia.

Ezekiel 29:1

Ha mwaka wa muchikumi ha tangwa lia kumi ni lia muchaali lia kakweji wa muchikumi wa undungo wetu, Mwene Zambi yangwamba ngwenyi:

Alevi 1:10

Nyi mutu makalambula umwe wa ku yimuna yenyi, panga hanji pembe, chatamba kubwa shina kuji yoze keshi kapalia.

Alevi 1:3

Nyi makalambula umwe wa ku ngombe jenyi mulambu wa kwocha, chatamba kwanda kuji yoze keshi kapalia. Chatamba kumutwala ku chikolo cha zuwo lia Zambi lia makubu, mba Mwene Zambi amutayize.

Alevi 16:3

Muze makanjila muma mwa chijila kuhiana, akambata chimbembe wa kuji mumu ha mulambu wa milonga, ni kuji a panga mumu ha mulambu wa kwocha.”

Alevi 16:5

Chikungulwila cha Aisraele akamwaha Arone makuji a pembe aali mumu ha mulambu wa milonga ni kuji a panga mumu ha mulambu wa kwocha.

Alevi 4:3

Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 8:14

Hohene Mose yaneha chimbembe cha kuji a ngombe, mumu ha mulambu wa milonga. Mba Arone ni ana jenyi a malunga yaasa moko jo ha mutwe wa ngombe.

Alevi 8:18

Mba Mose yanda kuji a panga mumu ha mulambu wa kwocha, Arone ni ana jenyi a malunga yaasa moko jo ha mutwe wenyi,

Alevi 9:3

Mba lweza Aisraele ande kuji a pembe mumu ha mulambu wa mulonga, ni chimbembe ni panga wa mwaka umuwika, waze keeshi kapalia, mumu ha mulambu wa kwocha,

2 Korintu 5:21

Kristu kabwile ko ni shili, alioze Zambi yamwaha yilemu ya shili yetu, hanga Zambi atupwise akwa ululi ha kulinunga ni Kristu.

Hebreu 5:3

Mumu iye mwene kali mulelu, kashika chamutamba kulambula milambu, hi ha milonga ya atu akwo wika ko, alioze nawa ha milonga yenyi mwene.

Hebreu 7:27

Yesu keshi ngwe miata akwo a mahako. Kuchamutambile kulambula milambu tangwa ha tangwa, hatangu ha milonga yenyi mba ha milonga ya atu akwo. Yalambula mulambu umuwika, chisuho chimuwika, hali atu eswe, muze alikunjikile mwene.