Alevi 8:4 - Mukanda Wa Zambi 1970

⁴ Mose yalinga ngwe chize amwambile Mwene Zambi, ni muze Chikungulwila haakunguluka,

MUKANDA USANDU WA ZAMBI 1975

⁴ Mose yalinga chize Yehova hamutuma, mba chikungulwila chaswile ku chikolo cha mbalaka ya chikungulwila.

Alevi 8:4 Iomraidhean Croise

Kutuhuka 39:1

Atu yaalinga mahina abema a mahako ja Zambi ni Wanda ulauluka, ni wa ufungo, ni uchila, akulingila no muma mwa chijila. Yaalingila Arone mahina waze a chijila ngwe chize Mwene Zambi alwezele Mose.

Kutuhuka 39:21

Yaakashila ngo ja chibwiko ku ngo ja chikuto chihi ni lwoji mulauluka, hanga chibwiko kuchichi kukasuluka ku chikuto, ni hanga chibwe helu lia muya wa chikuto, ngwe chize Mwene Zambi ambilile Mose.

Kutuhuka 39:29

Yaanuka nawa muya wa hina litoma lia lefuna, ni wa Wanda ulauluka ni wa ufungo ni uchila, yaawola ni utotombo, ngwe chize Mwene Zambi ambilile Mose.

Kutuhuka 39:5

Yaanuka nawa muya wa kuzalila che chikuto ni mahina waze ene, yaaunukina ku chikuto, ngwe chize Mwene Zambi alwezele Mose.

Kutuhuka 39:7

Yaalamika ha miya ya ha yipaya ya chikuto chihi ha kwiwuluka mavungu kumi ni aali ja Aisraele, ngwe chize Mwene Zambi alwezele Mose.

Alevi 8:13

Mba Mose yaneha ana ja Arone a malunga, yaajika yikuto, ni miya mu zalilo jo, ni yifulu ha mitwe yo, ngwe chize ambile Mwene Zambi.

Alevi 8:17

Neye yanda yize yasalile ho, yifwo, ni lambu, ni mijingwa: yayochela haze lia musumba, yiiwema. Yalinga yeswe ngwe chize Mwene Zambi ambile.

Alevi 8:29

Mba Mose yanda bambo, chitundo chenyi cha mulambu, yalihungisa ku meso ja Mwene Zambi. Kuuli mulambu wa kuhungisa. Mose yalinga yuma yeswe ngwe chize ambile Mwene Zambi.

Alevi 8:3

Mba muutambika Chikungulwila cheswe hamuwika.”

Alevi 8:35

Chanutamba kutwama ku chikolo cha zuwo lia Zambi matangwa shimbiali, nikulinga chize Mwene Zambi ambile. Nyi ka, munufwa. Chenacho Mwene Zambi angulwezele.”

Alevi 8:5

yaalweza ngwenyi: “Yize ngunambe kulinga haliabwila yenayo Mwene Zambi hangulweza.”

Alevi 8:9

Yamujika kapusa ha mutwe, yalamika ho chibenya cha oru. Chilayi chize chinalumbunuka ngwo, hamukunjika ku milimo ya uhako, ngwe chize ambile Mwene Zambi.

Mateu 28:20

ni kwalongesa kwononokena yeswe yize nanuhele Shimbi. Nyingikenu ngwenu, nguli hamwe ni yenu matangwa eswe ndoo ku kumanunuka cha mwaka.”

1 Korintu 11:23

Mumu longeso lize nanuhele nalitambwile kuli Mwene Yesu. Lino ngwami, ufuku uze Yudase akunjikile Mwene Yesu, Yesu yanda mbolo,

1 Korintu 15:3

Sango jize yami natambwile, jenajo nawa nanulongesele. Sango jino ngwami, Yesu hanafwila milonga yetu ngwe chize hichinasonewa mu Mukanda wa Zambi.

Shimbi 12:32

“Lingenu yuma yeswe yize hinanwamba. Kanda nuweza ho hanji kuchiza ho Chuma chikwo, ka.