Alevi 8:11 - Mukanda Wa Zambi 1970

¹¹ Yanda amwe maji, yaasapwila yisuho shimbiali ha chilumbilo ni yikashi yaho, ni ha lumbashila ni ye nganda. Chenacho ayikunjikile kubwa ya mbala ya Mwene Zambi.

MUKANDA USANDU WA ZAMBI 1975

¹¹ Yasapwila amwe ha chilumbilo yisuho shimbiali. Yawayisa chilumbilo ni yikashi yacho yeswe, ni lumbasia ni nganda yalwo akayisele ku usandu.

Alevi 8:11 Iomraidhean Croise

Kutuhuka 16:14

Muze mume hiwoma, hashi yihabwa yuma yikepe yikepe ngwe senga, nawa ngwe chiwe, ha kusengunuka chacho.

Kutuhuka 16:19

Mose yaalweza ngwenyi: “Mutu niumwe kanda atulika yikwo ya kulia hamene.”

Kutuhuka 29:36

Tangwa ha tangwa ukalambula kuji a ngombe, mumu kuuli mulambu wa kukonekena milonga. Chenacho muukakunjika chilumbilo. Mba ukachiwayise ni maji a olive ha kuchikunjika.

Kutuhuka 29:37

Chino ukachilinga matangwa shimbiali, mba chilumbilo muchibwa cha chijila kuhiana. Chuma cheswe chize muchikwata ko muchibwa cha chijila, ni mutu mweswe yoze makwata ko mabwa wa chijila.

Kutuhuka 30:29

Chenacho chatamba kupwisa yuma yino ya chijila mba muyibwa liakulu ya chijila. Mutu mweswe yoze makuka ko, hanji Chuma cheswe chize muchikuka ko, muchibwa cha chijila.

Kutuhuka 4:17

Anda lukanda we, ukalinge nenyi yilayi.”

Kutuhuka 4:6

Mwene Zambi yambila nawa Mose ngwenyi: “Njisa kwoko lie mu tulo.” Mose yalinjisa, muze halichiza yilibwa ni mbumba yitoma ngwe chiwe.

Izaya 52:15

Alioze haliabwila mavungu anji maakomoka muze maamumona, mianangana maahola yiholehole. Kumaamona ni kunyingika chuma chize kanda anyingika kama.”

Ezekiel 36:25

Mungukanusapwila meya abema ni kunubemesa ku mahamba jenu ni ku yuma yeswe yize nwalichishile nayo.

Alevi 14:16

ni kuchubika mo munwe wenyi wa ku kwoko lia chindume, ni kwasapwila yisuho shimbiali ku meso ja Mwene Zambi.

Alevi 4:17

akaachubika munwe, ni kwasapwila kulutwe lia chikalakala yisuho shimbiali.

Alevi 4:6

akachubika munwe mu manyinga ni kwaasapwila kulutwe lia chikalakala cha chijila yisuho shimbiali.

Titu 3:6

Mumu Zambi, kuli Yesu Kristu Chilamwina chetu, yatuhinjila Mwiku wa Linanga wa kulumbama.