Alevi 7:12 - Mukanda Wa Zambi 1970

¹² Nyi mutu makalambula mulambu uno ha kusakwilila Zambi, akalambula chimuna hamwe ni mbolo yize kuyishi yitumbo. Mbolo yize yikabwa yinene, yakulinga ni wunga wa kuchinga ni maji a olive, hanji mbolo yikepe, yakakwita maji a olive, hanji mbolo yikepe yakulinga ni wunga ha kuchinga ni maji a olive.

MUKANDA USANDU WA ZAMBI 1975

¹² Nyi makaulambula ha kusakwila, akatambule hamwe ni chitapo cha kusakwila yandanda kuyishi futunwiso, ya kuchinga ni maji, ni malikemba keshi futunwiso a kulembula ni maji, ni yandanda ya wunga wafufunuka, ya pwocha ni maji.

Alevi 7:12 Iomraidhean Croise

2 Sango Ja Mianangana 29:31

Mba mwanangana ngwenyi: “Hitwalibemesa, hikundamenu ni milambu ya kuwayila nayo Mwene Zambi.” Atu yayineha. Akwo yaaneha nawa milambu ya kwocha ya kuzanga cho ene.

2 Sango Ja Mianangana 33:16

Yalulika nawa chilumbilo haze chatamba kuwayila Mwene Zambi, yalambwila ho milambu ya kulivwa ni Zambi, ni ya kusakwila. Yahana Shimbi kuli Ayuda eswe awayile Mwene Zambi, Zambi ya Aisraele.

Nehemia 12:43

Ha tangwa lize yaalambula milambu yinji. Atu yaawahilila kuhiana mumu Zambi yaawahisa. Mapwo ni ana yaalichinga ni yetu ni kuwahilila. Milolo yize akololokele yiiheta ndoo kusuku.

Miaso (Masamu) 107:8

Asakwilile Mwene Zambi mumu ha zango lienyi lize kulishi kuhwa. Mumu ha yikomokeso yize aalingilile.

Miaso (Masamu) 116:17

Mungukusakwilila ni kukuwayila.

Miaso (Masamu) 50:23

Yoze mangulambula milambu ya kusakwila, mwenawo unangulemesa; yoze mangwononokena, chamwenemwene mungumulamwina.”

Jeremia 33:11

kukololoka cha uwahililo ni chiseke, ni kusehejela cha umbachiso. Kumunukevwa atu nikwimba muze aneza ku zuwo lia Zambi ni milambu ya kusakwilila nayo; kumaakemba ngwo: ‘Sakwililenu Mwene Zambi Mukwa Ndundo Jeswe, mumu kali mubema, zango lienyi kulishi kuhwa nichimwe.’ Che chifuchi mungukachihilwisa ngwe chize chabwile hatangu. Yami Mwene Zambi nachamba.”

Hosea 14:2

Hilukenu kama kuli Mwene Zambi, kulemba chino chibwe kama ngwe mulambu ku meso jenyi ngwenu: “Twalemba mwane, tukonekene kama milonga yetu, mba mutukuchichimieka ngwe chize twalakenyene.

Alevi 2:4

Nyi mulambu uli wa mbolo ya kwocha ha jiko, chatamba kubwa yize kuyishi yitumbo. Chatamba kubwa mbolo yinene yakulinga ni wunga wa kuchinga ni maji a olive, hanji mbolo yikepe ya kukwita maji.

Alevi 2:5

Nyi mulambu uli wa mbolo ya kwocha ha jiko, yikabwa ya wunga wa kuchinga ni maji a olive, alioze kanda yikabwa ni yitumbo

Alevi 22:29

Muze munulambula mulambu wa kusakwila kuli Mwene Zambi, nufunga Shimbi mba hanga Zambi autambule.

Alevi 6:16

Mahako akalia yize yasala ho. Akalinga mbolo ni wunga uze kuushi yitumbo ni kuyilila muma mwa chijila, mu chipanga cha zuwo lia Zambi lia makubu. Mwene Zambi hanayihana kuli mahako kubwa Chihanda cho cha mulambu wa yakulia. Yili ya chijila kuhiana, ngwe mulambu wa mulonga ni mulambu wa kuhilwisa ni kuwezela.

Alevi 7:15

Yifwo ya che chimuna chatamba kuyilia ha tangwa lia kulambula mulambu. Niyimwe kanda yikasala ndoo chichamene.

Amose 4:5

Lambulenu milambu ya mbolo ya kusakwila Zambi, lisambenu ku meso ja atu akwo hakutwala ku milambu yize nwakuwezela helu! Mumu Chenacho nwakuzanga kulinga.

Kwalula 6:15

Akalambula nawa kapaya wa mbolo yize kuyishi yitumbo: yikwo yinene yakulinga wunga wa kuchinga ni maji a olive, yikwo yikepe yakukwita maji a olive Akalambula nawa mulambu wa mbuto ni wa vinyu.

Luka 17:16

yafulamana ku molu ja Yesu, yamusakwila. Mutu yoze te Kasamaria.

Luka 17:18

Kuchi te niumwe kanyongene kuhiluka ni kuchichimieka Zambi shina yono chilambala?”

A-ROMA 1:21

Kaananyingika Zambi, alioze keeshi kumulemesa, keeshi kumuchichimieka ngwe chinalite ni Zambi. Alioze mu manyonga jo haanalumuka yihepuke, mbunge jo kujishi mana, jinalaa bwii.

Efesu 5:20

Sakwilenu Zambi Tata matangwa eswe ha yuma yeswe mu jina lia Mwene wetu Yesu Kristu.

Hebreu 13:15

Tuchichimiekenu Zambi matangwa eswe, kuchichimieka chize chili ngwe mulambu mu jina lia Yesu. Kulumbunuka ngwo, tuchichimiekenu Zambi tangwa ha tangwa ni makanwa jetu.

1 Petulu 2:5

Kundamenu, hanga ni yenu nubwe ngwe mawe a mwono, waze Zambi matunga no zuwo lia Mwiku wa Linanga. Mu zuwo lize munubwa mahako a Zambi waze ali ni milimo ya kulambula Zambi milambu ya uzambi, yize muyikamubemena, nyi nwakuyilambula ku tachi ja Yesu Kristu.