Alevi 6:2 - Mukanda Wa Zambi 1970

² Nyi mutu havulumuna Mwene Zambi, halituna kuhilwisa chifungo kuli mwenyembo wenyi, hanji kumwiya Chuma, hanji kumwiya ni mana,

MUKANDA USANDU WA ZAMBI 1975

² Nyi umwe mavulumuna akapwe ni mutonga kuli Yehova, hanji ha kwonga mukwo ha kutwala ku chifungo, hanji kapopo, hanji kuhupa, hanji hapinjisa mukwo;

Alevi 6:2 Iomraidhean Croise

Ubutukilo 26:7

Malunga a mu limbo lize yaahula Isake hakutwala kuli mukwo pwo. Neye yaamba ngwenyi: “Kali ndumbwami.” Mumu yevwa woma hanji malunga waze maamushiha, mba maatambula Rebeka, mumu te kali chileza ku meso.

Miaso (Masamu) 51:4

Yena nakuvulumwine, yena wika, nalingile yuma yize wakubihilila. Kashika yena unasambe ha kungubatwila, unalingi ni ululi ha kunguhisa.

Yishima 24:28

Kanda ubwa chela wa mahuza nikuliongela mutu ni mukwenu. Kanda umulamikiza.

Izaya 21:2

Namwene Usolwelo wa yuma yikalu, Usolwelo wa ulembekese ni wa kububa. Tujita a ku chifuchi cha Elame, asenu jita! Tujita a ku chifuchi cha Media, hamikenu ni akwa membo! Ababilonia haabinjisa atu anji, alioze Zambi himasa songo ku kubinjisa cho.

Izaya 24:16

Ku mbango jeswe ja hashi mutukevwa miaso ya uhaliso ya Aisraele, vungu lia ululi. Alioze hakutwala kuli yami chasele ko mbunge! Ngunalinyenge! Lamba linayi lume kulutwe, mumu akwa mafwefwe kaakulikoleza.

Izaya 33:1

Akwa kole jetu lamba lio! Haanabubu yuma ya atu, haanakunjika akwo ni mafwefwe, chibwe niumwe kabubile yuma yo ni kaakunjikile ni mafwefwe. Alioze tangwa lio lia kububa ni kuhanjika mafwefwe mulikasula, ayo ene maakabwa akwa yitela ni no maakaabuba kuli atu akwo, maakaakunjika ni mafwefwe.

Jeremia 9:5

Ayo eswe kaakwonga masepa jo, kukushi niumwe yoze wakuhanjika umwenemwene; haanejilila kuhanjika mahuza, keeshi kulitwamina kuvulumuna. Kaakuwezela kubinjisa ha kubinjisa, ni kwonga ha kwonga. Mwene Zambi kanambe ngwenyi atu jenyi haanalitunu ye.

Ezekiel 40:46

chibatulo chize chatala ku norde chili cha mahako waze akulingila ku chilumbilo. Mahako eswe te a ku vungu lia Zadoke; shina ayo a ku vungu lia Levi maahasa kumana ku meso ja Zambi ni kumulingila.

Alevi 1:3

Nyi makalambula umwe wa ku ngombe jenyi mulambu wa kwocha, chatamba kwanda kuji yoze keshi kapalia. Chatamba kumutwala ku chikolo cha zuwo lia Zambi lia makubu, mba Mwene Zambi amutayize.

Alevi 19:11

“Kanda wiya. Kanda wonga. Kanda uhanjika mahuza.

Alevi 5:15

Nyi umwe mutu havulumuna ha kuhona kulambula yuma yimwe ya chijila, akanehena Mwene Zambi mulambu wa kuhilwisa ni kuwezela, kuji a panga hanji pembe yoze keshi kapalia. Atu maakalulika ndando ya che chimuna nikulita ni lumbongo yoze eswe akutayiza.

Alevi 5:19

Kuuli mulambu wa kuhilwisa ni kuwezela mumu ha mulonga uze mutu hanavulumuna Mwene Zambi.

Alevi 6:1

Zambi yalongesa Mose Shimbi jino.

Amose 8:5

Nwakulihanjikisa yenwene ngwenu: “Matangwa ja kuhwima, shimbu lika maakahwa, hanga tulanjise mbuto jetu? Chikalu kushimbwishila ndoo ku songo lia tangwa lia kuhwima, hanga tuhase kubutula nawa kulanjisa. Tukehese njongo, tukonge atu ni pezo ya mahuza, tukokese mbongo.

Habakuke 1:13

Alioze ngwe kuchi muuhasa kulihumikiza chichize ni yiswii wano? Meso je kaali a chijila kuhiana ha kutala yibi, kuwahashile kulihumikiza ni atu waze akulinga yibi. Kuchi mba unalihulika nee muze wano anonwona akwa ululi kuhiana ayo?

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

Yilinga 5:4

Shimbu kanda uchilanjisa we munda, te hi niwe ko, nyi? Chibwe muze hiwaulanjisa, je mbongo hindu te hi nije ko, nyi? Mba ngwe kuchi walinyonganga kulinga Chuma ngwe chino? Tala, kuwahanjikile mahuza kuli atu, alioze kuli Zambi.”

Efesu 4:25

Kashika, ehukenu mahuza! Mutu mweswe ahanjike umwenemwene ni mukwo, mumu yetu eswe tuli ngwe yihanda ya mujimba umuwika.

Kolosu 3:9

Kanda nuhanjika mahuza ni akwenu, mumu hinunehuka mutu mukulu hamwe ni ndako jenyi.

Usolwelo 22:15

Alioze waze akulinga yuma ya sonyi, ni akwa kupanda wanga, ni yitanji, ni akwa kushiha atu ni akwa kukombelela mahamba, ni akwa mahuza mu maliji ni mu yitanga, ayo eswe keechi kabwa mu limbo lize, alioze haze!