Alevi 4:4 - Mukanda Wa Zambi 1970

⁴ Akamuneha ku chikolo cha zuwo lia Zambi lia makubu, akasa kwoko lienyi ha mutwe wa mwe ngombe ni kumushiha ku meso ja Mwene Zambi.

MUKANDA USANDU WA ZAMBI 1975

⁴ Akatwale mwe kuji ku chikolo cha mbalaka ya chikungulwila kumeso ja Yehova. Akase kwoko lienyi ha mutwe wa kuji akashihe mwe kuji kumeso ja Yehova.

Alevi 4:4 Iomraidhean Croise

2 Sango Ja Mianangana 29:23

Hakusula yaatwala makuji a pembe kuli mwanangana ni kuli akwa kuwayila akwo. No yaasa moko jo hali e yimuna.

Izaya 53:6

Yetu eswe twabwile ngwe mapanga waze haanatoko, mutu mweswe yaya mu jila yenyi mwene. Alioze Mwene Zambi yamumwesa lamba, lamba lize te chatutamba kumona yetu.

Daniel 9:26

Ku songo lia matangwa waze mukwa lutwe yoze Zambi atongwele maakamushiha keshi ni chitela. Limbo ni lie zuwo lia kuwayila kumaakayibuzula kuli umwe mukwa kuyula wa tachi ni tujita twenyi. Songo mulikeza ngwe sanga lia meya, nikuneha jita ni kwonona yize Zambi hanalulika.

Alevi 16:21

Akanangika moko jenyi eswe aali ha mutwe wa pembe ni kushikishila ho shili ni milonga ni uhulia wa Aisraele, ni kuyisa ha mutwe wa mwe pembe. Mutu yoze haanatongola akatwala mwe pembe mu yambu.

Alevi 4:15

Makulwana ja Chikungulwila akasa moko jo ha mutwe wa ngombe, ni kumushiha.

Alevi 4:29

Akasa kwoko lienyi ha mutwe wa pembe ni kumushihila ku chilumbilo ku sali lia ku norde, kuze maashihila yimuna ya milambu ya kwocha.

Alevi 8:14

Hohene Mose yaneha chimbembe cha kuji a ngombe, mumu ha mulambu wa milonga. Mba Arone ni ana jenyi a malunga yaasa moko jo ha mutwe wa ngombe.

Kwalula 8:12

Alevi ase moko jo ha mitwe ya makuji a ngombe aali. Umuwika abwe mulambu wa milonga, mukwo mulambu wa kwocha, ha kubemesa Alevi.

1 Petulu 3:18

Mumu Kristu iye mwene hananufwila. Yafwa chisuho chimuwika lume ha kuchiza shili ya atu. Chibwe nuli yivulumunyi, alioze iye Mukwa Ululi, hananufwila ha kunutwala kuli Zambi. Atu yaashiha mujimba wenyi wa uutu, alioze yahinduka nawa ni mwono ni mujimba wa uzambi.