Alevi 4:21 - Mukanda Wa Zambi 1970

²¹ Mba akatwale mwe kuji a ngombe haze lia musumba ni kumwocha, akaweme, ngwe chize akwocha kuji a ngombe yoze wa ha mulonga wenyi mwene. Mulambu uno muukachiza mulonga wa Chikungulwila.

MUKANDA USANDU WA ZAMBI 1975

²¹ Akambate mwe kuji haze lia chilombo, akamwoche ngwe ochele mwe kuji mutangu, mumu mulambu ha shili ya chikungulwila.

Alevi 4:21 Iomraidhean Croise

Alevi 16:15

Makabwamuze akashiha mwe kuji a pembe mumu ha mulambu wa milonga ya atu, akambata e manyinga ni kwatwala muma mwa chijila kuhiana, ni kwasapwila homa ha kukukila milonga ni kulutwe lia mushete wa Usendo, ngwe chize halinga ni manyinga a ngombe.

2 Korintu 5:21

Kristu kabwile ko ni shili, alioze Zambi yamwaha yilemu ya shili yetu, hanga Zambi atupwise akwa ululi ha kulinunga ni Kristu.

Mateu 20:28

ngwe chize Mwana Mutu kejile ko akamulingile alioze akalingile atu ni kuhana mwono wenyi ngwe ndando ya kukula atu anji.”

Ezra 8:35

Eswe waze atuhukile mu undungo yaatwala milambu ya kwocha kuli Zambi ya Aisraele. Yaalambwila Aisraele eswe makuji a ngombe 12, ni makuji a mapanga 96, ni ana a mapanga 77. Yaalambula nawa pembe 12 hanga alibemese ku yibi yo. Yoocha yimuna wano eswe milambu kuli Mwene Zambi.

Alevi 16:21

Akanangika moko jenyi eswe aali ha mutwe wa pembe ni kushikishila ho shili ni milonga ni uhulia wa Aisraele, ni kuyisa ha mutwe wa mwe pembe. Mutu yoze haanatongola akatwala mwe pembe mu yambu.

Hebreu 13:11

Mwata wa mahako ja Ayuda kakutwala manyinga ja tushitu Muma Mwa Chijila Kuhiana ha kulambula mulambu uze wakuchiza shili. Alioze mijimba ya tushitu waze kaakuyochela haze lia limbo.

Alevi 4:13

Nyi ngwe Chikungulwila cheswe cha Aisraele, havulumuna haakolema Shimbi ya Mwene Zambi, te kaachinyingikine,

Alevi 4:20

Akalinga ni kuji a ngombe yono ngwe chize akulinga ni yoze akulambula ha mulambu wa milonga. Akalinga Chenacho ni milambu ya milonga ya atu, mba Zambi makaakonekena yo.

Kwalula 15:24

chaatamba kulambula mulambu uze unalite. Nyi ngwe haavulumuna mumu te Chikungulwila kaachinyingikine, chaatamba kulambula chimbembe wa kuji mulambu wa kwocha, hamwe ni mulambu wa mbuto ni wa vinyu. Lupembo wa mulambu uze kakuwahila kuli Mwene Zambi. Chaatamba kulambula nawa kuji a pembe mulambu wa milonga.

Kutuhuka 29:14

Alioze yifwo ya mwe chimbembe, ni kubu, ni ufwachi, ukayochela haze lia musumba, yikaweme. Kuuli mulambu wa kuchiza milonga ya mahako.

Alevi 6:11

Mba akazale mahina eka hanga akatwale uto ni kuumwangina haze lia musumba kuma kubema.

Alevi 6:23

Chihanda nichimwe cha mulambu wa mbuto uze analambula hako, kanda achilia. Chatamba kuwocha weswe upu.

Alevi 8:17

Neye yanda yize yasalile ho, yifwo, ni lambu, ni mijingwa: yayochela haze lia musumba, yiiwema. Yalinga yeswe ngwe chize Mwene Zambi ambile.

Alevi 16:27

Kuji a ngombe ni pembe waze alambwile mulambu wa milonga, waze manyinga jo haanaatwala muma mwa chijila ha kuchiza shili, akaatwala haze lia musumba ni kwocha kubu ni yifwo ni yuma yeswe ya mu jimo, akayocha ha kahia, yikaweme.

Ezekiel 45:22

Ha tangwa litangu lia chiwanyino, mwanangana mukwa kuyula chaatamba kuneha kuji a ngombe umuwika mulambu mumu ha shili yenyi mwene ni mumu ha shili ya atu eswe.