Alevi 3:6 - Mukanda Wa Zambi 1970

⁶ Nyi mulambu wa kulivwa ni Zambi muukabwa wa panga hanji wa pembe, akabwa kuji hanji chihwo, alioze yoze keshi kapalia.

MUKANDA USANDU WA ZAMBI 1975

⁶ Nyi mulambu wenyi wa chitapo cha sambukila kuli Yehova muukapwa wa panga, hanji pembe, chipwe kuji, chipwe chihwo, akamutambule keshi chipa.

Alevi 3:6 Iomraidhean Croise

Izaya 60:7

Mapanga eswe a ku Kedare ni ku Nebayote kumaakakuneheno ngwe milambu. Kumaakaalambula ha chilumbilo cha Mwene Zambi amuwahise. Mwene Zambi makahenyesa zuwo lienyi kuhiana.

Alevi 1:10

Nyi mutu makalambula umwe wa ku yimuna yenyi, panga hanji pembe, chatamba kubwa shina kuji yoze keshi kapalia.

Alevi 1:2

hanga Aisraele ajifunge muze maalambula milambu yo. Muze umwe makalambula chimwe chimuna, akalambula ngombe hanji panga hanji pembe.

Alevi 19:5

“Muze munushiha chimuna cha mulambu wa kulivwa ni yami, nufunga Shimbi jize hingunanwehe, mba mungutayiza we mulambu.

Alevi 22:20

Nyi muulambula chimuna chize chili ni kapalia, Mwene Zambi kechi kuchitayiza.

Alevi 23:19

Nukalambula nawa kuji a pembe, mulambu wa milonga, ni makuji a panga aali a mwaka umuwika, mulambu wa kulivwa ni Zambi.

Kwalula 6:14

akatwala ku meso ja Mwene Zambi yimuna yitatu yize kuyishi kapalia, kuji a panga wa mwaka umuwika ha mulambu wa kwocha, ni chihwo wa panga wa mwaka umuwika ha mulambu wa milonga, ni kuji a panga ha mulambu wa kulivwa ni Zambi.

Yilinga 4:27

Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Galashia 4:4

Alioze muze tangwa lize atongwele hiliaheta, Zambi yatuma Mwanenyi. Yasemuka kuli umwe pwo, mu chiyulo cha Shimbi ja Ayuda,

Efesu 1:10

Manyonga wano Zambi makaamanununa muze tangwa hiliaheta ha kubalakenya yeswe yize yili mwilu ni yize yili hano hashi mu chiyulo cha Mwene umuwika, iye Kristu.