Alevi 3:5 - Mukanda Wa Zambi 1970

⁵ Mahako akayocha ha chilumbilo hamwe ni mulambu wa kwocha, yikaweme. Lupembo wa mulambu uno wa yakulia kakuwahila kuli Mwene Zambi.

MUKANDA USANDU WA ZAMBI 1975

⁵ Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Alevi 3:5 Iomraidhean Croise

1 Yitanga Ya Mianangana 8:64

Ha tangwa lizeliene yakunjika nawa Chihanda cha yiize kulutwe lia zuwo lia Zambi. Mba yalambwila ho milambu ya kwocha, ni ya mbuto, ni e maji a yimuna, ye milambu ya kulivwa ni Zambi. Yalinga chino mumu chilumbilo cha unengu chakehele naye ha milambu yino yeswe.

2 Sango Ja Mianangana 35:14

Muze haalinga yino yeswe, Alevi no yaalitetela yifwo ni mahako a ku vungu lia Arone, mumu mahako ahondanganyine ye milimo ndoo ufuku, nikwocha upu yimuna a muwundu ni e maji a milambu.

Kutuhuka 29:13

Ukachiza maji eswe ku yuma yeswe ya mu jimo, ni liayi lia mukelenge, ni ana asukwa ni maji jaho, ukayocha ha chilumbilo, yikaweme.

Ezekiel 44:15

Mwene Zambi ngwenyi: “Alioze mahako a ku vungu lia Levi a ku jiko lia Zadoke yaanyongonona kungulingila ni mbunge yimuwika mu zuwo liami muze Aisraele akwo haangwehuka kulu. Kashika, haliabwila ayo chaatamba kungulingila ni kukundama ku meso jami mu kungulambula maji ni manyinga a milambu.

Ezekiel 44:7

Haanajilula zuwo liami muze te akutayiza yilambala yilima, atu waze keeshi kungwononokena, kunjila mo muze te mahako akungulambwila milambu ya maji ni manyinga. Chenacho atu jami haashiha Usendo wami mumu ha yuma yo ya kuzelwokesa yize haanalingi.

Alevi 1:13

Mwe mutu akakosa yifwo ya mu jimo ni molu, mba hako makakunjika we mulambu kuli Mwene Zambi ni kuwocha weswe ha chilumbilo ukaweme. Lupembo wa mulambu uno wa yakulia, kakuwahila kuli Mwene Zambi.

Alevi 1:17

Akamubula ni kumusanganyika, mba mamwocha mweswe ha chilumbilo, akaweme. Lupembo wa mulambu uno wa ya kulia kakuwahila kuli Mwene Zambi.

Alevi 1:9

Mutu yoze maneha mulambu akakosa yifwo ya mu jimo ni molu ni meya, mwe hako akocha mulambu weswe ha chilumbilo akaweme. Lupembo wa mulambu uno wa yakulia kakuwahila kuli Mwene Zambi.

Alevi 3:11

Hako akayocha yeswe ha chilumbilo, yikaweme. Kuuli mulambu wa yakulia wa Mwene Zambi.

Alevi 3:4

ni ana asukwa ni e maji jo, ni liayi lia mukelenge.

Alevi 4:31

Mba akachize maji eswe, ngwe chize machiza maji a yimuna ya milambu ya kulivwa ni Zambi, ni kwoocha ha chilumbilo, akaweme. Mba lupembo makawahila kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 4:35

Mba akamuchize maji eswe ngwe chize akuchiza maji a mwana panga wa milambu ya kulivwa ni Zambi, ni kwoochela ha chilumbilo, akaweme, hamwe ni milambu ya yakulia yize akuhana kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 6:12

Kahia ka ha chilumbilo kalekwoka lume, kujima ka. Hako chatamba kukasosela ha chichamene cheswe, akasa ho mulambu wa kwocha, ni kwocha ho maji a mulambu wa kulivwa ni Zambi.

Alevi 7:28

Mwene Zambi yalongesa Mose Shimbi jikwo jino

Alevi 9:17

Yakunjika mulambu wa mbuto, ni yazomona ho kwoko limuwika lia wunga, yawochela ha chilumbilo. (Mulambu uno yauweza ha mulambu wa chichamene wa tangwa ha tangwa.)

Kwalula 15:8

Muze makalambula kuji a ngombe kuli Mwene Zambi mulambu wa kwocha hanji mulambu wa kumanununa nawo chilakenyo, hanji mulambu wa kulivwa ni Zambi,

Kwalula 18:17

Alioze atangu kusemuka a kuli ngombe, ni mapanga, ni pembe, kuchatambile kwakula. Kaali lume ayami, chaatamba kwaalambula. Ukasapwila manyinga jo ha chilumbilo ni kwocha maji jo ngwe mulambu wa yakulia, lupembo kakuwahila kuli yami.

Kwalula 28:12

Muze munukunjika milambu ya mbuto, nukalambula wunga wakuchinga ni maji a olive: kilo jitatu hamwe ni kuji mweswe wa ngombe, kilo jaali hamwe ni kuji a panga,

Kwalula 28:3

Yino yili milambu ya yakulia yize chatamba kulambula ku meso ja Mwene Zambi, milambu ya kwocha ya tangwa ha tangwa, makuji a panga aali a mwaka umuwika waze keeshi kapalia.

1 Petulu 2:5

Kundamenu, hanga ni yenu nubwe ngwe mawe a mwono, waze Zambi matunga no zuwo lia Mwiku wa Linanga. Mu zuwo lize munubwa mahako a Zambi waze ali ni milimo ya kulambula Zambi milambu ya uzambi, yize muyikamubemena, nyi nwakuyilambula ku tachi ja Yesu Kristu.