Alevi 3:1 - Mukanda Wa Zambi 1970

¹ Muze umwe makalambula ngombe wa mulambu wa kulivwa ni Zambi, akabwa kuji hanji chihwo yoze keshi kapalia.

MUKANDA USANDU WA ZAMBI 1975

¹ Nyi kachi mulambu wenyi muukapwa chitapo cha sambukila, kachi matambula wa ngombe, chipwe kuji, chipwe chihwo, akamutambule keshi chipa kumeso ja Yehova.

Alevi 3:1 Iomraidhean Croise

1 Sango Ja Mianangana 21:26

Yatunga ko chilumbilo cha Mwene Zambi, yalambula ho milambu ya kwocha ni ya kulivwa ni Zambi. Yalemba, mba Mwene Zambi yakumbulula ni kumutumina kahia ka mwilu ni kwocha ye milambu ha chilumbilo.

Kutuhuka 20:24

“ ‘Ukangulingila chilumbilo cha mavu. Ha chilumbilo chize he munubwa ni kulambwila mapanga ni ngombe, nikwoocha liakulu. Munuchilinga ha kulweza kulivwa chenu ni yami Zambi yenu. Kweswako mungukanulweza ha kunguwayila, mungukeza ni kunuwahisa.

Kutuhuka 24:5

Mba Mose yatuma akweze ha kwocha milambu ku meso ja Zambi, yaashiha makuji a ngombe a mulambu ha kulivwa ni Mwene Zambi.

Kutuhuka 29:28

Yino yili Shimbi yami ya miaka yeswe: muze atu jami maabwa ni kulambula milambu yo ya kulivwa ni yami, bambo ni kulu lia chimuna yili yakulia ya Arone ni ana jenyi. Chili chawana cha atu kuli yami Mwene Zambi.

Yishima 7:14

“Hinalambula milambu yami, ni milambu ya yifwo nguli nayo.

Ezekiel 43:27

Muze matangwa shimbiali haabalika, mahako akabutuke kulambwila ho milambu ya atu, ya kwocha ni ya kulivwa ni yami. Mba mungukawahilila nenu. Yami Mwene Zambi nachamba.”

Alevi 1:10

Nyi mutu makalambula umwe wa ku yimuna yenyi, panga hanji pembe, chatamba kubwa shina kuji yoze keshi kapalia.

Alevi 1:3

Nyi makalambula umwe wa ku ngombe jenyi mulambu wa kwocha, chatamba kwanda kuji yoze keshi kapalia. Chatamba kumutwala ku chikolo cha zuwo lia Zambi lia makubu, mba Mwene Zambi amutayize.

Alevi 17:5

Shimbi yino yinalumbunuka ngwo, haliabwila Aisraele chaatamba kuneha kuli Mwene Zambi yimuna waze te akushihila mu yambu. Akaaneha kuli hako ku chikolo cha zuwo lia Zambi ni kwashiha mumu ha mulambu wa kulivwa cha Zambi ni atu.

Alevi 3:6

Nyi mulambu wa kulivwa ni Zambi muukabwa wa panga hanji wa pembe, akabwa kuji hanji chihwo, alioze yoze keshi kapalia.

Alevi 9:18

Yashiha nawa chimbembe wa kuji ni kuji a panga; wenawo we mulambu wa kulivwa cha Zambi ni atu. Ana jenyi a malunga yaamunehena manyinga, neye yaasapwila ku mbango jeswe jiwana ja chilumbilo.

Alevi 9:4

ni kuji a ngombe ni kuji a panga mumu ha mulambu wa kulivwa ni Zambi. Aalambule kuli Mwene Zambi hamwe ni mulambu wa mbuto wa kuchinga ni maji. Chaatamba kulinga chino mumu Mwene Zambi kumaasolokela musono.”

Amose 5:22

Muze munungulambula milambu yenu ya kwocha ni ya mbuto, chichi kuyitayiza. Milambu yenu ya uwanyino ni yimuna yenu ya maji, chibwe kuyitala chichi kuyitala.

Malaki 1:14

Ngwami, Shingo likwate yoze wakweseka kungulambula yimuna yamokomoko muze te ali ni yimuna yibema mu chendo chenyi! Mumu nguli mwanangana munene, atu a ku mavungu eswe kaakunguvwila woma.”

Malaki 1:8

Kuma muze nwakulambula yimuna afwa meso, hanji yilema, hanji ayiza, nwakuchimona ngwenu, chili chibema, nyi? Achesekenu kulambula yimuna ngwe yize kuli mukwa kuyula. Kuma kumawahilila ni yenu ni kunuvwila keke, nyi?”

Kwalula 15:8

Muze makalambula kuji a ngombe kuli Mwene Zambi mulambu wa kwocha hanji mulambu wa kumanununa nawo chilakenyo, hanji mulambu wa kulivwa ni Zambi,

Kwalula 6:14

akatwala ku meso ja Mwene Zambi yimuna yitatu yize kuyishi kapalia, kuji a panga wa mwaka umuwika ha mulambu wa kwocha, ni chihwo wa panga wa mwaka umuwika ha mulambu wa milonga, ni kuji a panga ha mulambu wa kulivwa ni Zambi.

Shimbi 12:27

Lambwilenu henaho milambu ya kwocha ha chilumbilo cha Mwene Zambi. Lambulenu nawa milambu yenu ya yifwo yize nunali ni kumwangina manyinga ha chilumbilo.

Kolosu 1:20

Zambi yabatula kuwanyisa yuma yeswe ni iye mwene ku yize alingile Mwanenyi. Chenacho awanyishine yuma yeswe ku upale wenyi, yuma ya hano hashi ni ya mwilu. Yachilinga muze ahanyine uhwimino ku kufwa cha Mwanenyi ha kulusu.

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.

1 Yoano 1:3

Yize twamwene ni twevwile, tunanwambulwila yo yenu nawa, hanga nulinunge ni yetu mu kuliendela chize tuli nacho hamwe ni Tata ni Mwanenyi Yesu Kristu.

Akwa Kuyula 20:26

Mba Aisraele eswe yaaya ku Betele ni kulinyenga. Yaalila kuli Mwene Zambi, kaalile ko Chuma nichimwe ndoo ku chingoloshi. Yaalambula milambu ya kulivwa ni Zambi, ni yoocha yimwe milambu yikwo, yiiwema upu.

Akwa Kuyula 21:4

Mukwacha chichamene, atu yatunga ko chilumbilo, yaalambula milambu ya kulivwa ni Zambi, yoocha yimwe milambu yikwo, yiiwema upu.