Alevi 26:6 - Mukanda Wa Zambi 1970

⁶ “Mungukanwaha uhwimino mu chifuchi chenu, munukabwa nikubomba kanawa, niumwe kechi kanuvwisa woma. Mungukachiza tushitu a asasu mu chifuchi. Kukuchi kabwa jita niyimwe.

MUKANDA USANDU WA ZAMBI 1975

⁶ Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Alevi 26:6 Iomraidhean Croise

1 MIANANGANA 2:24

Elisha yatewuluka ni kwatala, yaashinga mu jina lia Mwene Zambi. Hohene yikutuhuka ursu aali a yihwo, yaatanwona ana malunga makumi awana.

1 Sango Ja Mianangana 22:9

Alioze yangulakenya ngwenyi: ‘Muukasema mwana wa lunga yoze makayula ni uhwimino, mumu mungukamwaha uhwimino hakutwala kuli akwa kole jenyi eswe. Jina lienyi mulikabwa Solomone, mumu ha matangwa waze makayula Aisraele, mungukaaha uhwimino, no maakatwama kanawa.

2 Sango Ja Mianangana 20:30

Kashika Yehosafate yayula ni uhwimino, ni Zambi yamwaha uhwimino sali ni sali.

Jobe 11:19

Kuuchi kevwa woma wa akwa kole je; atu anji maakeza hanga ukaakwase.

Jobe 5:23

Minda yize muulima kuyichi kubwa ni mawe; tushitu asasu keechi kukukwata.

Miaso (Masamu) 144:14

Ngombe jetu nawa aseme ana anji, kanda aselumuna kama, kanda afwafwa. Mu mikala yetu kanda mutuhwoka mbimbi ja kulila!

Miaso (Masamu) 147:14

Kakufunga njiza ja chifuchi chetu kanawa, kakunwaha tiriku yibema yahiana.

Miaso (Masamu) 29:11

Mwene Zambi kakutakamisa atu jenyi, kakwawahisa ni uhwimino.

Miaso (Masamu) 3:5

Nakubomba, nakuya tulo, nakuhinduka, mumu Mwene Zambi mwe wakungufunga.

Miaso (Masamu) 4:8

Mungubomba munguya tulo mu uhwimino, Mumu yena Mwene Zambi wika wakungufunga.

Miaso (Masamu) 85:8

Ngunabanjika chize anambe Mwene Zambi; kanatulakenya uhwimino, yetu atu jenyi, nyi kutwendele mu majila jetu a uhepuke.

Kutuhuka 23:29

Chichi kaahuma ha mwaka umuwika, kuchina chifuchi muchikabwa chahululu, ni tushitu asasu maakanwokela naye.

Yishima 3:24

Kuuchi kwivwa woma muze unabombo ha muhela we, muubomba kanawa ufuku weswe.

Yishima 6:22

Longeso lio mulikusongwela muze unende, mulikufunga ha ufuku, mulikwaha mana ha mwalwa.

Izaya 35:8

Mukukabwa jila yibema, yize maakavuluka ngwo, “Jila ya Chijila.” Chivulumunyi niumwe kechi kwenda mo, yihepuke niamwe keechi kapiangula waze menda mo.

Izaya 35:9

Tambwe keechi kabwa ko, chibwe ngongo keechi kabalika mu jila yize. Atu waze Mwene Zambi haalamwina maakendangana mu chifuchi cho mu jila yize.

Izaya 45:7

Yami nakutanga pangu ni milima; nakuwahisa ni nakumwesa lamba. Yami, Mwene Zambi nakulinga yuma yino yeswe.

Izaya 9:7

Tachi ja wanangana wenyi muujoka, wanangana wenyi matangwa eswe muukabwa ni uhwimino. Makatwama ha chitwamo cha mwanangana David ni kuyula, makakolesa wanangana wenyi ni umwenemwene ni ululi, chize musono ndoo ku miaka yeswe. Mwene Zambi Mukwa Ndundo Jeswe hanabatula kulinga yuma yino yeswe.

Jeremia 30:10

“Yenu atu jami, kanda nwivwa woma; yenu Aisraele, kanda nwivwa mwongo. Mungukanulamwina ku chifuchi chisuku, kuze nuli funge. Munukahiluka ku mahienu ni kubwa mu uhwimino; munukabwa ni sambukila, niumwe kechi kanuvwisa nawa woma.

Jeremia 31:26

Mba, atu maakamba ngwo: ‘Nayanga mu tulo, nahinduka kanawa.’ ”

Ezekiel 14:15

“Hanji mungutuma tushitu asasu mu chifuchi ni kwonona atu, ni kuchipwisa cha utoji hanga niumwe kahashile kwendela mo.

Ezekiel 14:17

“Hanji munguneha jita mu chifuchi hanga tujita ashihe atu ni tushitu,

Ezekiel 14:21

Mwene Zambi kanambe ngwenyi: “Mungutuma lamba liwana libi kuhiana hali akwa Yerusaleme, jita, ni zala, ni tushitu asasu, ni misongo ha kushiha atu ni tushitu.

Ezekiel 34:25

Mungukakolesa Usendo hamwe no ni kwaha uhwimino. Mungukahuma tushitu eswe a yilianyi mu chifuchi, hanga mapanga jami akabwe mu uhwimino mu yambu ni kubomba kanawa mu usaki.

Ezekiel 34:27

Mitondo muyikema mihuko ni minda muyikema mbuto, atu eswe maakatwama mu uhwimino mu chifuchi cho ene. Muze mungukabatwola atu ngoji ja utale ni kwapulula kuli waze te aabita, mba maakanyingika ngwo, yami nguli Mwene Zambi.

Ezekiel 5:17

Mungukanutumina zala, tushitu asasu, no maakashiha ana jenu. Mungukanutumina misongo, ni lamba, ni jita ya kunushiha. Yami Mwene Zambi nachamba.”

Hosea 2:18

Ha tangwa lize mungukakolesa Usendo ni tushitu eswe a mu yambu ni tujila. Ha chino keechi kaalemeka nawa atu jami. Mungukachiza yitwa yeswe ya jita mu chifuchi. Mikwale, ni mata akwasa kuyichi kabwa ko nawa. Mba mungukatayiza atu jami kutwama kanawa mu chifuchi.

Hosea 2:20

Mungukamanununa yilakenyo yami hanga ukabwe niwami, muukangutayiza ngwe, nguli Mwene Zambi ye.

Alevi 25:18

Fungenu Shimbi ni yiyulo yeswe ya Zambi, mba munukatwama kanawa mu chifuchi.

Alevi 25:19

Chifuchi muchikema mihuko yacho, munukabwa ni yakulia yinji ni uhwimino.

Alevi 26:22

Mungukanutumina tushitu ayilianyi mukachi kenu, hanga akashihe ana jenu, ni kwonona yimuna yenu. Atu akepe maakasala waze maakenda mu majila jenu.

Alevi 26:25

Mungukanutumina jita ni kunumwesa lamba muze munukashiha Usendo wetu. Nyi nwakunguluka mu membo jenu ha kubwa ni uhwimino, mungukanutumina misongo yize kuyishi kuhwa mukachi kenu, mba munukazeyela akwa kole jenu.

Alevi 26:7

Munukakumba akwa kole jenu.

Mika 4:4

Mutu mweswe makatwama mu uhwimino mushi lia mitondo yenyi ya vinyu ni ya mikuyu, kukuchi kabwa niumwe yoze makamuvwisa woma. Mwene Zambi Mukwa Ndundo Jeswe hanachilakenya.

Zefania 3:13

Aisraele waze maasala ni mwono keechi kulinga chibi kuli mutu niumwe, keechi kuhanjika mahuza, hanji kweseka kwonga. Kumaayuka, kumaatwama mu uhwimino, keechi kuvwila niumwe woma.”

Hagai 2:9

Zuwo liami liaha mulibwa ni uhenya kuhiana lize likulu. Mwenamo munguyukishila atu jami ni kwaaha uhwimino.” Mwene Zambi Mukwa Ndundo Jeswe hachamba.

Zakaria 9:10

Mwene Zambi kanambe ngwenyi: “Mungukachiza matemba a jita mu Israele, mungukachiza tuvwalu mu Yerusaleme; mata a jita mungukaamakwona. Mwanangana wenu makaneha uhwimino mukachi ka mavungu; makayula chize ku umwe kalunga lwiji ndoo ku mukwo, chize ku lwiji Ufrateze ndoo ku songo lia hashi.”

Yoano 14:27

“Uhwimino ngunanuhichikila. Uhwimino wami ngunanwehe. Chanuhele wo ngwe chize akwa hashi akuhana. Kanda nulibikala, kanda nwivwa woma.

Yilinga 12:6

Ha ufuku uzewene, muze Herode hazanga kumutuhwisa kuli atu, Petulu te mu tulo ali mukachi ka tujita aali, wakukasa ni ngoji ja utale jaali. Ku chikolo tufunga te anafungu zuwo lia lamba.

A-ROMA 5:1

Chenacho Zambi hanatupwisa akwa ululi mumu ha ufulielo. Kashika hitunawane ni Zambi mumu hali Mwene wetu Yesu Kristu.