Alevi 26:4 - Mukanda Wa Zambi 1970

⁴ mba mungukanwaha vula ha mwaka wenyi, hanga mu chifuchi mukeme mbuto ni mihuko yinji.

MUKANDA USANDU WA ZAMBI 1975

⁴ mba mungunwaha vula ha tukweji twenyi, ni e mavu mahana mbuto, ni mitondo yeswe muyihana mihuko yayo.

Alevi 26:4 Iomraidhean Croise

1 Yitanga Ya Mianangana 17:1

Eliya, umwe mukwa munanyi wa Zambi wa ku Tishbe, mu chifuchi cha Gileade, yambila mwanangana Ahabe ngwenyi: “Ni mwe Zambi ya Aisraele, yoze nakulingila, ngunakwambulwila ngwami, miaka muyiza ho kukuchi kabwa vula chibwe mume, shina nyi nachamba.”

Jobe 5:10

Kakunokesa vula hashi ni kutuchikisa minda.

Miaso (Masamu) 104:13

Muze mwilu, wakunokesa vula ha milundu, wakuwahisa hashi heswe.

Miaso (Masamu) 67:6

Mavu heemisa mihuko, Zambi, Zambi yetu, hatukwasa.

Miaso (Masamu) 67:7

Zambi hatuwahisa; atu eswe a ku yifuchi yeswe amulemese.

Miaso (Masamu) 68:9

Wanokesene vula munji, mba mavu abi yaabema.

Miaso (Masamu) 85:12

Mwene Zambi matuwahisa, mavu jetu maatwaha mbuto yinji.

Miaso (Masamu) 85:13

Umwenemwene muutetekela kulutwe lia Mwene Zambi, ni kumululikila jila.

Izaya 30:23

Muze munukakuwa mbuto jenu, Mwene Zambi makanokesa vula ni kuyitatwisa, makanwaha mihuko yinji, ni ngombe jenu maakabwa ni yambu yinji ya kulia.

Izaya 5:6

Munguupwisa ngwe chihutu, chichi kausalula chibwe kuusangula, hanga ukasoke mikalale ni mingonga. Mungukanjisa vula ha kunoka mo.”

Jeremia 14:22

Niumwe hakachi ka mazambi ja akwa mavungu mahasa kunokesa vula; chibwe lilu linene kuliahashile kunokesa vula. Aa Mwene Zambi, Zambi yetu, twakusa mbunge kuli yena, mumu yena wika wakulinga yuma yino.

Ezekiel 36:30

Mungukokesa mihuko ya mitondo yenu ni mbuto ya mu minda, hanga kunuchi kabwa nawa ni zala niyimwe ha kunukolesa sonyi mukachi ka mavungu.

Joele 2:22

Tushitu kanda nwivwa woma. Ulilo hiwasoka mwambu wa wisu; mitondo hiyema mihuko yayo, hikwabwa mihuko yinji ya mikuyu ni vinyu.

Alevi 25:19

Chifuchi muchikema mihuko yacho, munukabwa ni yakulia yinji ni uhwimino.

Alevi 25:21

Mwene Zambi makawahisa chifuchi ha mwaka wa muchisambano, mba muchikema mihuko ya kulia ha miaka yaali.

Zakaria 8:12

Kumaakakuwa mbuto jo mu uhwimino. Mivinyu yo muyikema mihuko, mavu maakasokesa mbuto, mukukabwa vula munji. Atu ja vungu liami waze maasala ho mungukaawahisa ni yuma yino yeswe.

Mateu 5:45

hanga nukabwe ana ja Tatenu wa mwilu. Mumu kakuvumbula tangwa lienyi hali abi ni abema; kakunokesa vula hali akwa ululi ni hali yingulungulu.

Yilinga 14:17

hindu yalisolola matangwa eswe ha yiwape yize akulinga. Kakunokesa vula kwilu, kakunwaha yilimalima ku yanga yayo, kakunwaha yakulia, kakuwahisa mbunge jenu.”

Shimbi 11:13

“Kashika, fungenu Shimbi jino nanulongesa musono; zangenu Mwene Zambi, Zambi yenu, mulingilenu ni mbunge jenu jeswe.

Shimbi 11:14

Nyi nwachilinga, makanutumina vula musazu ni vula wa mubatuko mu chifuchi chenu hanga nukabwe ni mbuto, ni vinyu, ni maji a olive,

Shimbi 28:12

Makanokesa vula ha matangwa jenyi, makalumbamisa ubite wa mwilu mu machila jenu ni kuwahisa milimo yenu yeswe. Mba munukasondamisa yuma kuli mavungu anji, alioze yenu kunuchi kasondama nichimwe.

Tiangu (Jake) 5:7

Akwetu akwa Kristu, lihumukizenu ndoo kwiza cha Mwene Yesu. Talenu chize njimi akulihumikiza ha kushimbwila ndoo muze mavu maakasokesa mihuko yibema. Kaakulihumikiza ndoo ku kunoka cha vula musazu, ndoo ku mubatuko.

Usolwelo 11:6

Kaali ni chiyulo cha kwajila lilu hanga vula kechi kanoka muze akuhanjeka munanyi. Kaali ni chiyulo cha kwalumuna meya abwe manyinga. Kaali ni chiyulo cha kunyasa lamba heka ni heka hano hashi, nyi kaanazange.