Alevi 26:16 - Mukanda Wa Zambi 1970

¹⁶ mungukanumwesa lamba. Mungukanuvwisa mwongo ni kunukokela misongo yize kuyishi kuhwa, ni kachiki yoze wakupupuchisa meso ni kuhongesa mwono wenu. Munukakuwa mbuto yenu, alioze kunuchi kayilia nichimwe, mumu akwa kole jenu maakanukumba, maakalia yize hiyatatuka.

MUKANDA USANDU WA ZAMBI 1975

¹⁶ chino mungulinga kuli yenu: Mungunutongwela mwongo wa susumuku, ni mukaka, ni kachiki yoze wakupokiekesa meso nikuhongesa mwono. Munukuwa mbuto yamokomoko, mumu akwa kole jenu mayilia.

Alevi 26:16 Iomraidhean Croise

1 Yitanga Ya Mianangana 8:37

“Muze zala muyikabwa mu chifuchi, hanji chipuho, chibwe yimbwongo, hanji makonya, chibwe makumbi, hanji yambi, chibwe akwa kole maakasa jita ni atu je, hanji musongo weswawo,

Jobe 18:11

Sali ni sali yuma yakumuvwisa mwongo, kuyakumukaula kweswako maya.

Jobe 20:25

Mautomona mu mujimba wenyi songo liawo liakaulejima, mulituhuka mu kasashisa kenyi, mwongo hiwamukwata kuhiana!

Jobe 31:8

nyi chocho mihuko yize nalimine, ayivumbule, atu akwo ayilie.

Miaso (Masamu) 109:6

Tongola kama umwe chingulungulu, abatwile mukwa kole yami, umwe mukwa kole yenyi amusume kama mulonga.

Miaso (Masamu) 73:19

Kaakufwa susumuku, kaakunonga chibi.

Miaso (Masamu) 78:33

Kashika Zambi wakehesele matangwa jo, yaakuwisa susumuku.

Kutuhuka 15:26

Yaamba ngwenyi: “Nyi mununguvwila yami Mwene Zambi yenu, ni kulinga chize chinalite ku meso jami, ni kufunga ni kutayiza yiyulo yami yeswe, chichi kunwaha yikola yize nahele akwa Egiptu. Nguli Mwene Zambi yenu, yoze wakunuwuka.”

Yishima 3:33

Mwene Zambi kakushinga mazuwo ja yingulungulu, alioze kakuwahisa mazuwo ja akwa ululi.

Izaya 10:4

Makanushihila mu jita hanji kunupwisa funge. Chibwe chocho utenu wa Mwene Zambi kanda uchihwa; hindu kanazozo kwoko lienyi ni kwamwesa lamba.

Izaya 62:8

Mwene Zambi halakenya ni Shingo, makachimanununa ni ndundo jenyi. Ngwenyi: “Mbuto jenu keechi kajilia nawa kuli akwa kole jenu, ni tundaka keechi kanwa nawa vinyu yenu.

Izaya 7:2

Muze mwanangana wa Yuda hevwa ngwo: “Tujita twa Siria haanjila mu chifuchi cha Israele,” iye ni e atu jenyi yeevwa mwongo, yaachikima ngwe mitondo yize yinatukunga ni fuji.

Jeremia 12:13

Atu jami haanakuwu tiriku, alioze hanabatula mbimbo; haanahondangana kuhiana, alioze kaanjile ko nichimwe. Mumu ha ufwatulo wami kaabwile ko ni mbuto.”

Jeremia 15:3

Yami, Mwene Zambi, hinabatula ngwami, lamba liwana maamona: maashiha mu jita, mijimba yo maayikoka kuli tuwa, tujila maayilia ni tushitu kumaalia yize muyisala.

Jeremia 15:8

Mu chifuchi chenu himwabwa tuliwa anji ngwe masekeseke ku mbumbulu ya kalunga lwiji. Hinashiha akweze jenu waze te achili ni tachi jo, ni kumwesa anaye lamba. Susumuku yingwamwesa lamba ni mwongo.

Jeremia 20:4

Mwene Zambi hamba ngwenyi: ‘Mungukupwisa mukwa kuvwisa mwongo yena ni masepa je. Muumona chize akwa kole jo maashiha eswe ni mikwale. Ayuda eswe mungwakunjika mu chiyulo cha mwanangana wa Babilonia; neye maashiha, amwe akwo maapwisa funge mu chifuchi chenyi.

Jeremia 5:17

Kumaakalia mbuto jenu ni yakulia yenu; kumaakashiha ana jenu a malunga ni a mapwo; maakashiha yimuna yenu ni kupakwola mitondo yenu ya vinyu ni mikuyu. Kumaakabuba membo jenu akukoleka hali waze nwakujikijila.

Ezekiel 24:23

Kunuchi kazula yitambala, chibwe kuzula sapato, hanji kunenganyana chibwe kulila mbimbi. Kumunukawangama mumu ha milonga yenu. Munukashikwoka mukachi kenu.

Ezekiel 33:10

Mwene Zambi yangwamba ngwenyi: “Mwana mutu, amba nawa kuli Aisraele chize ayo ene anambe ngwo: ‘Tunevu chinyengo mumu ha yibi yetu ni milonga yetu, hitwawangama. Ngwe kuchi mututwama nawa ni mwono?’

Amose 5:11

Yenu nwakuliata yiswale, nwakwiya mbuto jo. Kashika kunuchi kutwama mu mazuwo jenu abema a mawe waze nwatungile, kunuchi kanwa vinyu ya mu minda yize nwatumbile.

Mika 6:15

Munukakuwa mbuto, alioze kunuchi kabatula mihuko yayo. Munukama maji a olive, alioze kunuchi kayuka no. Munukakama vinyu, alioze kunuchi kayinwa nichimwe.

Hagai 1:6

Hinwalima mbuto yinji, alioze hinwabatula yikepe wika. Nuli ni yakulia, alioze kuyahashile kunukuchisa. Nuli ni vinyu ya kunwa, alioze pwila kuyichi kuhwa! Nuli ni mahina, hindu nunevu chishika.

Zakaria 14:12

Mwene Zambi makaneha musongo ubi hali mavungu eswe waze akwasa jita ni Yerusaleme. Misunya yo muyikabola shimbu te achili ni mwono, meso jo ni malimi jo maakabola.

Malaki 2:3

Mungumwesa ana jenu lamba, mungunukwita ufwachi wa yimuna yize nwakulambula milambu, ni kunumbila haze nwakumbila we ufwachi.

Shimbi 28:51

Kumaakalia ngombe jenu ni mbuto yenu, ndoo munukafwa ni zala. Keechi kahichika mbuto niyimwe, chibwe vinyu, hanji maji a olive, chibwe ngombe, hanji mapanga; ni yenu nawa munukafwa.

Shimbi 32:25

Jita muyikaneha kufwa mu majila. Atu maakahongonoka ni mwongo mu mazuwo jo. Akweze a malunga ni a mapwo, ni ana akemba, ni tushinakaji, kumaakafwa.

Hebreu 10:31

Chili Chuma cha kole ni woma ha kuholokela mu moko ja Zambi ya mwono!

Akwa Kuyula 6:11

Mba kanganda ka Mwene Zambi yeza mu chihunda cha Ofra, yatwama mushi lia mutondo shene wa Joashe, wa ku jimo lia Abiezere. Mwanenyi Gideone te kanazungula mbuto ku tenga ma ukamino, hanga Amidiane keechi kumumona.

1 Samuel 2:33

Hindu mutu umuwika wa ku vungu lie mwe makalinduluka ni mwono, kumakangulingila milimo ya uhako. Alioze makalila ni masoji anji ni chinyengo mu mbunge, ni atu akwo eswe a ku vungu lie maakafwa mu jita.